Jɛrimaya 4:28 - Krio Fɔs Oli Baybul

²⁸ Bikɔs di wɔl go munin, ɛn di klawd dɛn we de oba una ed go blak; bikɔs mi dɔn tɔk, mi dɔn se i fɔ bi; A nɔ taya, ɛn a nɔ go chenj mi mind.”

Jɛrimaya 4:28 Referans Kwoze

Di Nɔmba Dɛm 23:19

PAPA GƆD nɔto mɔtalman we de lay, ɛn in nɔto mɔtalman we kwik fɔ chenj in maynd. PAPA GƆD nɔ de tɔk natin we i nɔ de du ɛn i nɔ de mek prɔmis we i nɔ de kip.

Ozie 4:3

Dat mek di land de kray, ɛn ɔl udat tap de, de pan mɔnɛ, wit dɛn wayl animal na bush, dɛn bɔd we de flay ɛn ivin dɛn fish na wata, ɔl go day.

Jɛrimaya 12:4

Aw lɔŋ di land go de sɔri, ɛn di gras na ɔl dɛn fil de wida? Fɔseka di wikɛdnɛs we di wan dɛm we tap de, de du, di animal dɛm ɛn di bɔd dɛm ɔl de day, bikɔs pipul dɛn de tɔk se; “I nɔ go si aw wi go ɛnd.”

Ayzaya 50:3

A mek di skay wɛr blak klos, ɛn mek i kɔba wit saklɔth.

Ayzaya 5:30

Dɛn go ala ala fɔ am da de de, lɛk we si rɔf. Ɛn as yu si di land so, na daknɛs ɛn brok at yu go si, ɛn klawd dɛn mek di layt dak.

Rɛvɛleshɔn 6:12

Dɛn a si di Ship opin di pepa we rol na di say we mek siks we bin fasin. Na de di grɔn bigin trimbul bad bad wan, di san blak, lɛkɛ dɛn tik blak klos, di mun rɛd lɛkɛ blɔd.

Di Ibru Pipul Dɛn 7:21

Bɔt wɛn Gɔd mek Jizɔs bi man we de mek sakrifays fɔ pipul sin, i bin mek prɔmis we i tɛl Jizɔs se, “Gɔd, we na di Masta, dɔn prɔmis se yu go bi man we de mek sakrifays fɔ pipul sin sote go; Mi wɔd nɔ go chenj.”

Lɛta Fɔ Ɛfisɔs 1:11

Ɔltin go bi lɛkɛ aw Gɔd dɔn mak ɛn lɛkɛ aw i want dɛn fɔ bi. Gɔd dɔn pik wi fɔ mek wi bi in yon pipul we wi gɛt wanwɔd wit Krays, bikɔs na dat i want ɛn na dat i bin dɔn plan frɔm we di wɔl bigin.

Lɛta Fɔ Ɛfisɔs 1:9

fɔ du wetin i plan; i dɔn tɛl wi di plan we i bin ayd, i bin dɔn mekɔp lɔntɛm fɔ sɛn Krays kam du ɔl wetin i bin dɔn plan.

Lyuk 23:44

Na bin lɛkɛ twɛlv oklɔk santɛm so, di san tap fɔ shayn, ɔl di kɔntri dak sote tri oklɔk.

Mak 15:33

Frɔm twɛlv oklɔk te tri oklɔk santɛm, di wan ol kɔntri dak.

Matyu 27:45

Ɔl di wɔl dak fɔ tri awa frɔm twɛlv oklɔk santɛm sote tri oklɔk.

Joɛl 1:10

I se di fil dɛn nɔ gud fɔ natin igen; bikɔs ɔl di gren dɛn we dɛn plant dɔn pwɛl, di wayn nɔ bɛtɛ igen, ɛn di ɔyl sɛf dɔn dɔn.

Ozie 13:14

I se in nɔ go ebul fɔ mek dɛn nɔ day. In nɔ go tap day fɔ tek dɛn go, so day kin mek dɛn sik ɛn day. Day kin pwɛl dɛn kpatakpata ɛn in nɔ go sɔri fɔ dɛnsɛf.

Izikɛl 24:14

Na mi PAPA GƆD dɔn tɔk so: ɛn i go bi, A go du am; A nɔ go chenj mi maynd, ɛn A nɔ go sɔri fɔ ɛnibɔdi, A nɔ go rigrɛt; A go jɔj una bay aw una de biev ɛn bay wetin una du. Na so Papa Gɔd we na Gɔd se.

Jɛrimaya 30:24

PAPA GƆD in bad bad vɛksteshɔn nɔ go tɔn bak sote i dɔn du ɛn kɔmplit wetin i plan fɔ du. Leta, una go ɔndastand dis.

Jɛrimaya 23:20

PAPA GƆD in veksteshɔn nɔ go tap sote i dɔn du ɛn kɔmplit wetin I plan nain maynd fɔ du. Leta, una go ɔndastand am klia wan.

Jɛrimaya 23:10

Bikɔs di land ful wit pipul dɛn we de kip pipul man ɛn wɛf; di land de munin fɔseka di swɛ, ɛn di say dɛn we plɛnti gras de gro fɔ fid animal na di dray ɛn ɛmti ples, dɔn dray. Ɔl wetin dɛn de du, ivul, ɛn dɛn de misyuz dɛn pawa.

Jɛrimaya 14:2

“Juda de kray ɛn in get dɛm lɛf ɛmti; in pipul lidɔm na grɔn de kray, ɛn di kary we Jerusɛlɛm de kray, de go ɔp.

Jɛrimaya 12:11

Dɛn dɔn mek i tɔn ɛmti ples; i ɛmti, i de kray to mi. Di wanol land dɔn ɛmti, bɔt nɔbɔdi nɔ bisin.

Jɛrimaya 7:16

“As fɔ yu, nɔ pre fɔ dɛn pipul dɛn ya, ɔ kray ɔ ala de pre fɔ dɛm, ɛn nɔ tray fɔ chenj mi maynd, bikɔs a nɔ go lisin yu.

Ayzaya 34:4

Ɔltin we de ɔp go rɔtin ɛn di skay go fol lɛk skrol. Ɔltin we de ɔp go fɔdɔm, lɛk we lif de fɔdɔm kɔmɔt pan greps tik, lɛk we lif de fɔdɔm kɔmɔt pan fig tik.

Ayzaya 24:4

Di wɔl in at de blid ɛn ɔltin de dray, Di wɔl de go biɛn ɛn de dray; Di skay ɛn di grɔn de sɔfa wik togɛda.

1 Samiɛl 15:29

Samiɛl tɛl am se PAPA GƆD we na Izrɛl dɛn waŋren PAPA GƆD, nɔ de lay ɛn i nɔ de chenj in maynd as in nɔto mɔtalman we gɛt fɔ chenj in maynd.

Jɛrimaya 51:12

Una gi sayn fɔ atak di wɔl dɛm na Babilɔn, una put mɔ gyadman dɛm; una put man dɛm fɔ wach; una rɛdi fɔ di ambush dɛm; bikɔs PAPA GƆD dɔn mek in plan dɔn fɔ wetin i bin tɔk bɔt di pipul dɛm we tap na Babilɔn.

Lamɛnteshɔn 2:17

PAPA GƆD dɔn du wetin i plan, i du wetin i bin trɛtin se in go du; as i bin dɔn mekɔp fɔ du lɔlɔntɛm, i dɔn brok i nɔ luk biɛn; i dɔn mek di ɛnimi laf yu, ɛn mek yu ɛnimi dɛn gɛt mɔ ɛn mɔ pawa.

Zɛkaraya 8:14

PAPA GƆD Ɔlmayti se, lɛk aw i bin tɛl dɛn fɔstɛm-papa dɛn se in go pɔnish dɛn we i vɛks, di tɛm we dɛn bin ambɔg am ɛn i nɔ sɔri fɔ dɛn,