Jɛrimaya 4:26 - Krio Fɔs Oli Baybul

²⁶ A luk, eya, da land we plant bin de gro fayn fayn wan, dɔn tɔn ɛmti ples we pipul nɔ go ebul tap, ɛn ɔl in siti dɛn dɔn broko broko bifo PAPA GƆD, ɛn bifo in bad bad vɛksteshɔn.

Jɛrimaya 4:26 Referans Kwoze

Di Sam Dɛm 107:34

ɛn usay tik kin gro fayn, in mek natin nɔ bia de, bikɔs di pipul we tap rawnd de bad.

Mayka 3:12

Mayka se ɔl dɛn bad tin ya we dɛn de du go mek pipul nɔ de na Zayɔn, so dɛn go plant ɔlkayn tin de lɛk na fil; ɛn Jerusɛlɛm in go so pwɛl dat na stonston nɔmɔ go de de, dɔn PAPA GƆD in os go tɔn bush.

Jɛrimaya 12:4

Aw lɔŋ di land go de sɔri, ɛn di gras na ɔl dɛn fil de wida? Fɔseka di wikɛdnɛs we di wan dɛm we tap de, de du, di animal dɛm ɛn di bɔd dɛm ɔl de day, bikɔs pipul dɛn de tɔk se; “I nɔ go si aw wi go ɛnd.”

Di Sam Dɛm 76:7

Yu du fɔ mek ɔlman fred yu ɛn udat ebul fɔ tinap usay yu de jɔj pipul, we yu dɔn vɛks?

Jɛrimaya 9:10

Una bigin kray ɛn ala fɔ dɛn mawnten dɛm, ɛn kray fɔ di say dɛn we plɛnti gras de gro fɔ fid animal na di dray ɛn ɛmti ples, bikɔs dɛn de yuslɛs wan, so dat nɔbɔdi nɔ de pas de, ɛn dɛn nɔ de yɛri di kaw dɛn de kray igen; di bɔd dɛm we de flay na di skay, ɛn di animal dɛn, dɔn rɔnawe.

Jɛrimaya 12:13

Dɛn dɔn plant wit, ɛn dɛn avɛst chuk chuk, dɛn dɔn yagba dɛnsɛf te dɛn dɔn taya, bɔt nɔ prɔfit natin. Dɛn go shem fɔseka dɛn avɛst fɔseka PAPA GƆD in bad bad vɛksteshɔn.”

Lɛvitikɔs 26:31

I go pwɛl dɛn siti dɛn kpatakpata ɛn ɔl di ples dɛn we dɛn kin go wɔship nɔ go fit fɔ go igen ɛn ivin di smɛl we go de kɔmɔt pan dɛn sakrifays dɛn nɔ go mek i gladi.

Jɛrimaya 7:34

Ɛn a go mek gladi gladi ɛn ɛnjɔymɛnt, ɛn ɔkɔ ɛn yawo vɔys, lɔs na di siti dɛn na Juda ɛn di trit dɛm na Jerusɛlɛm, bikɔs di land nɔ go gud fɔ natin.

Jɛrimaya 25:11

Dis wanol land go tɔn to broko broko ɛn gud fɔ natin ples, ɛn dɛn neshɔn dɛn ya go sav di kiŋ na Babilɔn fɔ sɛvinti ia.

Lamɛnteshɔn 2:7

PAPA GƆD dɔn pul rɛspɛkt kɔmɔt pan di ɔlta, i dɔn pul at kɔmɔt pan di ples we dɛn de pre; i dɔn put ɔl di wɔl dɛn ɛn kiŋ os dɛn na di ɛnimi dɛn an; dɛn gladi de ala na PAPA GƆD in os lɛk we dɛn kin du di tɛm dɛn we dɛn kin ol dɛn fist.

Zɛfinaya 1:18

We PAPA GƆD dɔn rɛdi fɔ du wetin i want, nɔn mɔni, i lɛk aw i bɔku nɔ go tap am. We PAPA GƆD dɔn jɛlɔs gud, i go jɛs mek faya bɔn ɛn dɔnawe wit ɔlman we tap na wɔl.