Jɛrimaya 4:25 - Krio Fɔs Oli Baybul

²⁵ A luk, bɔt eya, nɔn mɔtalman nɔ bin de, ɛn ɔl di bɔd dɛm na di skay bin dɔn rɔnawe.

Jɛrimaya 4:25 Referans Kwoze

Jɛrimaya 12:4

Aw lɔŋ di land go de sɔri, ɛn di gras na ɔl dɛn fil de wida? Fɔseka di wikɛdnɛs we di wan dɛm we tap de, de du, di animal dɛm ɛn di bɔd dɛm ɔl de day, bikɔs pipul dɛn de tɔk se; “I nɔ go si aw wi go ɛnd.”

Ozie 4:3

Dat mek di land de kray, ɛn ɔl udat tap de, de pan mɔnɛ, wit dɛn wayl animal na bush, dɛn bɔd we de flay ɛn ivin dɛn fish na wata, ɔl go day.

Jɛrimaya 9:10

Una bigin kray ɛn ala fɔ dɛn mawnten dɛm, ɛn kray fɔ di say dɛn we plɛnti gras de gro fɔ fid animal na di dray ɛn ɛmti ples, bikɔs dɛn de yuslɛs wan, so dat nɔbɔdi nɔ de pas de, ɛn dɛn nɔ de yɛri di kaw dɛn de kray igen; di bɔd dɛm we de flay na di skay, ɛn di animal dɛn, dɔn rɔnawe.

Izikɛl 38:20

Di fish dɛn na di si, ɛn di bɔd dɛn na di skay, ɛn di bist dɛn na di fil, ɛn ɔl dɛn tin dɛn we de krip na grɔn, ɛn ɔl di mɔtalman dɛn na di wɔl, go trimbul bad bad wɛn dɛn fil mi se a de, ɛn dɛn go trowe di mawnten dɛn na grɔn, ɛn di klif dɛn go fɔdɔm, ɛn ɔl dɛn wɔl go fɔdɔm kwik kwik wan kam na grɔn.

Jɛrimaya 9:9

PAPA GƆD se, ‘A nɔ fɔ pɔnish dɛm fɔ dɛn kayn tin dɛn ya? Ɛn a nɔ fɔ rivɛnj fɔ mi nem pan kayn neshɔn lɛkɛ dis?