Jɛrimaya 4:24 - Krio Fɔs Oli Baybul

²⁴ A luk di mawnten dɛm, eya, dɛn bin de shek, ɛn ɔl di il dɛn bin de muf go bifo ɛn biɛn.

Jɛrimaya 4:24 Referans Kwoze

Izikɛl 38:20

Di fish dɛn na di si, ɛn di bɔd dɛn na di skay, ɛn di bist dɛn na di fil, ɛn ɔl dɛn tin dɛn we de krip na grɔn, ɛn ɔl di mɔtalman dɛn na di wɔl, go trimbul bad bad wɛn dɛn fil mi se a de, ɛn dɛn go trowe di mawnten dɛn na grɔn, ɛn di klif dɛn go fɔdɔm, ɛn ɔl dɛn wɔl go fɔdɔm kwik kwik wan kam na grɔn.

Jɛrimaya 10:10

Bɔt na PAPA GƆD na di tru tru Gɔd; in na di Gɔd we de alayv ɛn di kiŋ we de sote go. We i vɛks, di wanol wɔl de shek, ɛn di neshɔn dɛm nɔ ebul bia in vɛksteshɔn.

Ayzaya 5:25

Fɔseka dat PAPA GƆD in at bin wam pan in pipul dɛn, so i tɔn pan dɛn ɛn kil dɛn, ɛn di mawnten dɛn trimbul; ɛn dɛn dedebɔdi dɛn skata lɛk dɔti na di trit dɛn. Pan ɔl dat in at stil nɔ kol, ɛn i stil wan pɔnish dɛn.

Mayka 1:4

We i pas, di grɔn ɛn di mawnten dɛn we de ɔnda in fut go mɛlt dɔn di vali dɛn go plit tu. Di mawnten dɛn go mɛlt lɛk kyandul bifo faya, lɛk we wata de rɔn dɔŋ il.

Di Sam Dɛm 97:4

In laytin de gi layt to ɔlman na wɔl; dɛn we mɔtalman si am, i de trimbul wit fred.

Di Sam Dɛm 18:7

Ɔlsay de trimbul we yu vɛks, di ath de shek ɛn di mawnten dɛnsɛf de trimbul.

1 Kiŋ 19:11

PAPA GƆD tɛl am se lɛ i go na do go tinap bifo am bikɔs i gɛt fɔ pas da say de Wantɛm nain big big tinada blo ɛn skata di mawnten ɛn dɛn rɔk dɛn bifo PAPA GƆD, bɔt in nɔ bin de na di tinada. Afta di tinada di grɔn shek te i plit, bɔt PAPA GƆD nɔ bin de de.

Abakɔk 3:10

We di mawnten dɛn si wetin yu du, dɛn skyad; wata kɔmɔt ɔp klawd kam dɔŋ. Di wata we de ɔnda grɔn sɛf ala, ɛn bɔs kam pantap.

Abakɔk 3:6

I kin tek stand fɔ luk wetin de apin na wɔl; wɛn i luk, ɔl di pipul na wɔl de trimbul. Di mawnten dɛn we bin dɔn de frɔm tɛm kin skata; dɔn di il dɛnsɛf we bin dɔn de frɔm tɛm kin jɛs lɔs, na so i bin dɔn de du lɔntɛm.

Jɛrimaya 8:16

Dɛn yɛri dɛn ɔs dɛn we dɛn de sniz ɔl di we na Dan; we dɛn man ɔs dɛn de ala, di wanol land de shek. Dɛn kam kam it ɔltin na di land ɛn wetin fulɔp de, dat na di siti ɛn dɛn wan dɛn we tap de.

Di Sam Dɛm 77:18

Yu tɛnda in sawnd bin de pan di ebi briz we de tɔn rawnd wit spid; ɛn we yu laytin layt di wanol wɔl; ɛn ath trimbul ɛn shek.

Rɛvɛleshɔn 6:14

Di klawd lɔs lɛkɛ wɛn dɛn de rol dɛn big big pepa fɔ kip dɛn, ɛn ɔl dɛn ay il wit ɔl dɛn ples we de midul wata muf kɔmɔt na dɛn ples.

Ɛksodɔs 19:18

Di wanol Mawnt Saynay bin kɔba wit smok bikɔs PAPA GƆD bin kam dɔŋ lɛkɛ faya. Di smok bin de go ɔp lɛkɛ we big faya de kech ɛn dat mek di wanol mawnten shek.

Jɛrimaya 9:10

Una bigin kray ɛn ala fɔ dɛn mawnten dɛm, ɛn kray fɔ di say dɛn we plɛnti gras de gro fɔ fid animal na di dray ɛn ɛmti ples, bikɔs dɛn de yuslɛs wan, so dat nɔbɔdi nɔ de pas de, ɛn dɛn nɔ de yɛri di kaw dɛn de kray igen; di bɔd dɛm we de flay na di skay, ɛn di animal dɛn, dɔn rɔnawe.

Ayzaya 13:13

Fɔseka dat a go mek di skay dɛn trimbul ɛn di wɔl go shek kɔmɔt nain ples we PAPA GƆD Ɔlmayti go vɛks di de we in at go wam bad bad wan.

Ayzaya 24:20

Di wɔl de staga lɛk drɔnkɔman i de shek lɛf ɛn rayt lɛk fam os; in sin de pan am ebi ebi wan, ɛn i fɔdɔm, ɛn i nɔ go grap igen.