Jɛrimaya 4:23 - Krio Fɔs Oli Baybul

²³ A luk di dunia, eya, i bin ɛmti ɛn yuslɛs; ɛn we a luk di klawd dɛm, dɛn nɔ bin gɛt nɔn layt.

Jɛrimaya 4:23 Referans Kwoze

Matyu 24:29

“Jɛs ɔl dɛn trɔbul de dɔn, di san go dak, di mun nɔ go shayn igen, di sta dɛn go fɔdɔm kɔmɔt na klawd, ɛn di pawa dɛn we de na di klawd go muf kɔmɔt na di ples we dɛn bin de.

Ayzaya 13:10

Bikɔs di sta dɛn na ɛvin ɛn dɛn kɔmpin dɛn we kin de bay grup nɔ go sho layt; di san go dak we i kɔmɔt ɛn di mun nɔ go shayn.

Jɛnɛsis 1:2

di wɔl nɔ bin gɛt shep ɛn natin nɔ bin de de yet. Daknɛs bin de oba di wata ɛn PAPA GƆD in Spirit bin de oba di wata.

Emɔs 8:9

Wande wande a go mek di san go dɔŋ santɛm dɔn di ples dak de tɛm. Na mi PAPA GƆD we na GƆD dɔn tɔk so.

Joɛl 2:10

Wɛn dɛn bɔs, di ath trimbul, ɛvin sɛf trimbul. Di san ɛn mun ɔl dak ɛn di sta dɛn nɔ gri shayn igen

Ayzaya 5:30

Dɛn go ala ala fɔ am da de de, lɛk we si rɔf. Ɛn as yu si di land so, na daknɛs ɛn brok at yu go si, ɛn klawd dɛn mek di layt dak.

Matyu 24:35

Natin nɔ go de ɔp klawd igen ɛn di wɔl sɛf nɔ go de igen, bɔt mi wɔd dɛn go de sote go wit ɔl dɛn pawa.

Rɛvɛleshɔn 20:11

Wɛn dat pas, na de a si wan big wayt chia we kiŋ kin sidɔm fɔ rul ɛn di pɔsin we sidɔm pan am. Ɛvin ɛn di wɔl jɛs lɔs bifo am; nɔbɔdi nɔ si dɛn igen.

Jɛrimaya 9:10

Una bigin kray ɛn ala fɔ dɛn mawnten dɛm, ɛn kray fɔ di say dɛn we plɛnti gras de gro fɔ fid animal na di dray ɛn ɛmti ples, bikɔs dɛn de yuslɛs wan, so dat nɔbɔdi nɔ de pas de, ɛn dɛn nɔ de yɛri di kaw dɛn de kray igen; di bɔd dɛm we de flay na di skay, ɛn di animal dɛn, dɔn rɔnawe.

Jɛrimaya 2:12

PAPA GƆD se Lɛ wetin apin shɔk una di skay dɛm lɛ i shɔk una, mek una wɔnda te una nɔ no wetin fɔ du,

Lamɛnteshɔn 3:2

i dɔn push mi go insay dak ples ɛn mek a waka na rod we nɔ gɛt layt;

Zɛkaraya 14:6

Da tɛm de, nɔbɔdi nɔ go de tɔk bɔt ren ɔ dray sizin,