Jɛrimaya 4:21 - Krio Fɔs Oli Baybul

²¹ Aw lɔŋ a go si di sayn, ɛn yɛri di trɔmpɛt?

Jɛrimaya 4:21 Referans Kwoze

Jɛrimaya 6:1

Una rɔn go ayd, una Bɛnjamin in pikin dɛm, una rɔn kɔmɔt insay Jerusɛlɛm! Una blo di trɔmpɛt na Tɛkoa, ɛn put sayn ɔp na Bɛtachɛrɛm; bikɔs bad bad tin de na rod de kam kɔmɔt na di nɔt, ɛn ebi ebi nyakanyaka.

Jɛrimaya 4:19

Di pen pasmak! Di pen pasmak! A nɔ go ebul bia igen! O mi at-kes! Mi at de bit fas fas; A nɔ go ebul bia; bikɔs a de yɛri di trɔmpɛt in sawnd, we na di alam fɔ wa.

2 Kronikuls 36:17

Fɔ seka dat i mek di Babilonian dɛn kiŋ kam fɛt dɛm. I kil dɛn yɔŋman dɛm wit sɔd insay dɛn oli ples. Ɛn i nɔ gɛt sɔri pan yɔŋ wan, ɔ vajin olpa i put dɛn ɔl nain an.

2 Kronikuls 36:10

Insay di oli pat pan di ia kiŋ Nebyukadnɛza sɛn fɔ briŋ am kam Jerusɛlɛm wit di prɛshɔs besin dɛm we de na PAPA GƆD in os ɛn mek in brɔda Zɛdikaya kiŋ na Juda ɛn Jerusɛlɛm.

2 Kronikuls 36:3

Naim di kiŋ na Ijipt pul am na pawa na Jerusɛlɛm ɛn mek di kɔntri fɔ pe taks to Ijipt 3,400 kilo silva ɛn tati fo kilo gold.

2 Kronikuls 35:25

Jɛrimaya sɛf siŋ bɛrin siŋ fɔ Josaya ɛn ɔl di siŋuman ɛn di siŋman dɛm de tɔk bɔt Josaya na dɛn bɛrin siŋ dɛm te tide. Dɛn mek am lɔ sɛf na Izrɛl ɛn naw dɛn rayt na di bɛrin siŋ buk dɛm.

Jɛrimaya 4:20

Dizasta fala Dizasta siriɔs wan, di wanol land lɛf ɛmti ɛn yuslɛs. Wantɛm wantɛm so, mi tɛnt dɛn dɔn pwɛl, bifo yu mekɔp, mi kɔtin sɛf dɔn pwɛl.

Jɛrimaya 4:22

“Bikɔs mi pipul dɛn fulish, dɛn nɔ no mi; dɛn na styupid pikin dɛm, dɛn nɔ de ɔndastand natin. Dɛn gɛt skil fɔ du ivul tin dɛm, bɔt dɛn nɔ no aw fɔ du gud.”

Jɛrimaya 42:14

ɛn una de se, ‘Nɔ, wi go go na Ijipt, usay wa nɔ go mit wi, ɔ de yɛri trɔmpɛt de blo, ɔ tin fɔ it nɔ de, ɛn wi go tap de,’