Jɛrimaya 4:18 - Krio Fɔs Oli Baybul

¹⁸ Na di we we una de biev ɛn di tin dɛn we una de du, dɔn mek tin lɛk dis mit una. Na una yon dɔn dɔn so, ɛn i bita; una dɔn fil am na una at.

Jɛrimaya 4:18 Referans Kwoze

Jɛrimaya 2:19

PAPA GƆD Ɔlmayti se, una wikɛdnɛs go pɔnish una, ɛn di fɔsek we una fɔsek mi go jɔj una. Una no ɛn si se na bad bad ɛn bita tin fɔ una fɔ fɔsek PAPA GƆD we na una Gɔd; una nɔ rɛspɛkt mi wan.

Di Sam Dɛm 107:17

Sɔm man dɛn tɔn fulman we dɛn mek rebɛl pan PAPA GƆD so dɛn sɔfa nɔf fɔ dɛn sin dɛn.

Jɛrimaya 2:17

Nɔto unasɛf dɔn mek dis apin to una, we una fɔsek PAPA GƆD, we na una Gɔd, we i de bifo una na rod?

Ayzaya 50:1

Na dis PAPA GƆD se; “We yu mama in dayvɔs pepa, we a tek dayvɔs am? Ɔ uswan pan di wan dɛn we a o, we a sɛl una gi? No se, na fɔ yu sin dɛn mek dɛn sɛl yu ɛn na fɔ di bad bad tin dɛn we yu de du, mek a drɛb yu mami.

Prɔvabs 1:31

wɛl aw una mek una bed, na so una go lidɔm de. Una go kɔlik wit una yon we.

Jɛrimaya 6:19

Yɛri o, yu ath, a de briŋ dizasta kam pan dɛn pipul ya, we na di pe we dɛn fɔ gɛt fɔ di wok we dɛn du, bikɔs dɛn nɔ yɛri mi wɔd; as fɔ mi lɔ dɛm, dɛn nɔ de obe dɛm sɛf.

Jɛrimaya 26:19

Ɛzikaya we na bin kiŋ na Juda ɛn ɔl di pipul dɛm na Juda bin kil am? I nɔ bin fred PAPA GƆD, ɛn beg PAPA GƆD fɔ sɔri fɔ am, ɛn PAPA GƆD nɔ bin rigrɛt ɛn nɔ du wetin i bin dɔn se i go du dɛm? Bɔt wi de rɛdi fɔ briŋ big big wuala pan wisɛf.”

Jɛrimaya 5:19

Ɛn we una pipul dɛm go se, ‘wetin mek PAPA GƆD we na wi Gɔd dɔn du ɔl dɛn kayn tin ya to wi?’ Una go tɛl dɛm se, ‘Lɛk we una fɔsek mi go sav fɔrin gɔd dɛm na una land, na semweso una go sav trenja dɛm na land we nɔto una yon.’”

Prɔvabs 5:22

Di bad tin we pɔsin de du na trap, ɛn na da vɛri trap de de kech am.

Jɛrimaya 5:25

Una bad layf dɔn mek una nɔ de gɛt ɔl dɛn tin dɛn ya igen, ɛn una sin dɛm dɔn diprayv una.

Izikɛl 39:24

A bin dil wit dɛm bay aw dɛn bin de du dɔti tin dɛm ɛn dɛn wikɛdnɛs dɛm, ɛn a bin ayd mi fes pan dɛm.

Ozie 7:2

Dɛn nɔ bin fil se i de mɛmba ɔl di bad we dɛn dɔn du. Naw na soso dɛn bad i de si.

Jɛrimaya 14:16

Ɛn dɛn go trowe di pipul dɛm we dɛn de prɔfisay to, midul trit na Jerusɛlɛm. Na aŋri ɛn wa go kil dɛm ɛn nɔbɔdi nɔ go bɛr dɛm– nɔbɔdi nɔ go de fɔ bɛr dɛm – dɛm, dɛn wɛf dɛm, dɛn bɔypikin dɛm ɛn dɛn gyal pikin dɛm. Bikɔs a go gi dɛn di pe fɔ dɛn wikɛdnɛs.

Lamɛnteshɔn 3:15

I mek a de sɔfa bad bad wan lɛk udat dɛn fos fɔ swɛla gbangba.