Jɛrimaya 4:16 - Krio Fɔs Oli Baybul

¹⁶ Wɔn di neshɔn dɛn se i de kam; anawns to Jerusɛlɛm se, “Pipul dɛn we go ambush dɛm de kɔmɔt na fawe land kam, dɛn de ala pan di siti dɛn we de na Juda.

Jɛrimaya 4:16 Referans Kwoze

Izikɛl 21:22

Di ansa fɔ Jerusɛlɛm kam nain raytan, fɔ mek dɛn opin dɛn mɔt fɔ kray, mek dɛn mɔt de ala, fɔ tek big big tik dɛn we gɛt ayɛn ed, de wap di do fɔ brok am, fɔ payl ay ay dɔti ɛn fɔ bil tawa dɛn fɔ tek blɔked.

Jɛrimaya 5:15

PAPA GƆD se, “Yu Izrɛl, biliv mi, a de mek wan neshɔn kam atak una, neshɔn we de kɔmɔt fa fawe. Na neshɔn we ebul bia, na dɛn lɔntɛm neshɔn, na neshɔn we una nɔ no dɛn laŋwej ɛn una nɔ go ɔndastand wetin dɛn de se.

Ayzaya 39:3

Nain Ayzaya we na prɔfɛt kam to Kiŋ Ɛzikaya ɛn aks am se, “Wetin dɛn man dɛn ya want? Ɛn usay dɛn kɔmɔt kam to yu?” Ɛzikaya se “Dɛn kɔmɔt na wan fawe kɔntri kam to mi. Dɛn kɔmɔt Babilɔn.”

Jɛrimaya 50:2

“Tɔk am ɛn anawns am na ɔl di neshɔn dɛm, una rayt am usay ɔlman go si am, ɛn una anawns am, una nɔ ayd am, una tɔk am, se: ‘Dɛn dɔn kapchɔ Babilɔn, Bɛl dɔn shem, Mɛrodak in de wɔnda. Dɛn dɔn mek in imej shem, in lay lay gɔd dɛn dɛm de wɔnda.’

Jɛrimaya 39:1

Insay di mɔnt we mek tɛn, na di ia we mek kiŋ Zɛdikaya we na kiŋ na Juda, nayn ia na pawa, Nɛbyukadnɛza, we na kiŋ na Babilɔn ɛn in wanol ami bin atak Jerusɛlɛm ɛn sɔrawnd am;

Jɛrimaya 31:10

“Una yɛri PAPA GƆD in wɔd, una di neshɔn dɛm, ɛn anawns am na di land dɛn we de nia wata we de fawe; se, ‘In we skata Izrɛl go gɛda am, ɛn i go mɛn am lɛkɛ aw shɛpad de mɛn in ship.’

Jɛrimaya 16:6

Big wan o, ɛn smɔl wan o, ɔl go day na dis land; dɛn nɔ go bɛr dɛm, ɛn nɔbɔdi nɔ go kray fɔ dɛm, ɔ kɔt insɛf ɔ shayn in ed fɔseka dɛm.

Jɛrimaya 6:18

Fɔseka dat, una yɛri o, una di neshɔn dɛm, mek una no, una di pipul dɛm we gɛda bifo PAPA GƆD, wetin go apin to dɛm.

Jɛrimaya 5:6

Fɔseka dat, na layɔn we go kɔmɔt na fɔrɛst go kil dɛm, na wulf we kɔmɔt na di ɛmti ples we pɔsin nɔ go ebul tap, go nyakanyaka dɛm. Wan lɛpɛt de waka nia dɛn siti dɛm fɔ du bad, i go chɛr chɛr ɛnibɔdi we kɔmɔt insay di siti go na do, pis pis; bikɔs dɛn sin dɔn bɔku, ɛn di dinay we dɛn de dinay PAPA GƆD dɔn tumɔs.

Jɛrimaya 4:17

PAPA GƆD se, dɛn sɔrawnd am lɛkɛ aw dɛn wan dɛn we de gyad fil kin de rawnd am, bikɔs i dɔn kɔmɔt biɛn mi.

Jɛrimaya 2:15

Dɛn layɔn dɛm dɔn ala pan am, dɛn dɔn ala lawd lawd wan. Dɛn dɔn mek in land yuslɛs; in siti dɛm dɔn broko broko, ɛn nɔbɔdi nɔ tap de.

Ayzaya 34:1

Una kam nia, una di neshɔn dɛn, fɔ yɛri, ɛn lisin, una di pipul dɛm! Lɛ di ath lisin, ɛn ɔl udat de de; di wɔ, ɛn ɔl wetin de kɔmɔt de.

Jɛrimaya 1:15

PAPA GƆD se, na dat mek A de kɔl ɔl di trayb dɛn we de na di kindɔm dɛm na di nɔt; ɛn dɛn go kam, ɛn dɛn ɔl go put dɛn tron na di ɛntrans na di get fɔ go insay Jerusɛlɛm, ɛn liŋ dɛn pan ɔl di wɔl dɛn we de rawnd, ɛn pan ɔl di siti dɛn na Juda.

Jɛrimaya 8:19

Yɛri, mi pipul dɛn gyal pikin dɛn kray, ɔlɔbɔt na di land; “PAPA GƆD nɔ de na Zayɔn? In kiŋ nɔ de de? “Wetindu dɛn provok mi te a vɛks wit dɛn lay lay gɔd dɛn, ɛn wit fɔrin lay lay gɔd dɛm?”

Jɛrimaya 6:19

Yɛri o, yu ath, a de briŋ dizasta kam pan dɛn pipul ya, we na di pe we dɛn fɔ gɛt fɔ di wok we dɛn du, bikɔs dɛn nɔ yɛri mi wɔd; as fɔ mi lɔ dɛm, dɛn nɔ de obe dɛm sɛf.

Jɛrimaya 6:22

Na dis PAPA GƆD se, “A de tɛl una, saten pipul dɛn de kɔmɔt di kɔntri we de na di nɔt, wan big big neshɔn we de usay di wɔl ɛnd, de rɛdi fɔ fɛt wa.

Jɛrimaya 6:23

Dɛn dɔn ol bo ɛn spia dɛn wikɛd ɛn dɛn nɔ de sɔri fɔ nɔbɔdi, di sawnd we dɛn de mek tan lɛkɛ we di si de tɔnɔbɔ; dɛn de rayd ɔs, dɛn drɛs lɛkɛ man we rɛdi fɔ fɛt wa, agens yu, yu Zayɔn in gyal pikin.”