Jɛrimaya 4:14 - Krio Fɔs Oli Baybul

¹⁴ E Jerusɛlɛm, una was wikɛdnɛs kɔmɔt na una at, so dat una go sev. Aw lɔŋ una ivul plan dɛn go de na una at?

Jɛrimaya 4:14 Referans Kwoze

Jems 4:8

Una kam klos Gɔd ɛn i go kam klos una. Una dɛn sina, una lɛf fɔ sin. Una dɛn ipokrit, una pul dɛn bad tin kɔmɔt na una at.

Apɔsul Dɛn Wok 8:22

Lɛf fɔ du di bad we yu de du ɛn pre mek Gɔd padin yu fɔ wetin yu dɔn mekɔp.

Ayzaya 55:7

lɛ wikɛd pɔsin lɛf fɔ du bad, ɛn di pɔsin we nɔ de waka tret na PAPA GƆD in yay, chenj di we we i de tink; mek i tɔn bak go to PAPA GƆD, mek i go sɔri fɔ am, dat na to wi Gɔd, bikɔ i go padin am fɔ ɔltin.

1 Kɔrint 3:20

Dɛn rayt igen se, “Di Masta no wetin dɛn wan we tink se dɛn gɛt sɛns de tink, ɛn wetin dɛn de tink nɔ min natin.”

Lɛta Fɔ Rom 1:21

Dɛn no Gɔd, bɔt dɛn nɔ de gri fɔ gi am di rɛspɛkt we i fɔ gɛt, ɛn dɛn nɔ de tɛl am tɛnki fɔ ɛnitin we i du. Dɛn ed dɔn miks ɔp ɔltogɛda, dɛn nɔ ebul ɔndastand, so dɛn nɔ no wetin rayt.

Lyuk 11:39

Jizɔs tɛl am se, “Una dɛn Faresi de was kɔp ɛn plet bak klin, bɔt na soso wikɛd tin de insay una at ɛn una bigyay.

Jɛrimaya 13:27

A dɔn si di kayn ambishɔn we una gɛt, una adɔltri dɛm ɛn di mek we una de mek lɛk ɔs, ɛn una lo lo rare layf, na dɛn il dɛm ɛn dɛn fam. Swɛ go mit yu, Yu Jerusɛlɛm! Aw lɔŋ yu go de bifo yu go klin na Gɔd yay?

Prɔvabs 1:22

“Fulish pipul! Aw lɔŋ una go de pan fulishnɛs? Aw lɔŋ una nɔ go de tek natin mek natin? Una nɔ de lan sɛns?

Di Sam Dɛm 66:18

If a nɔ bin dɔn kɔnfɛs mi sin, PAPA GƆD nɔ bin fɔ ansa mi;

Matyu 12:33

“Na gud tik de bia gud tin fɔ it. Tik we nɔ gud nɔ de bia gud tin fɔ it. Una go no di tik bay di kayn tin we i de bia.

Izikɛl 18:31

Una pul an kɔmɔt pan ɔl dɛn bad bad tin dɛn we una dɔn du to mi, mek una go gɛt nyu at ɛn nyu spirit! Wetin fɔ mek una day, Una Izrɛl?

Di Sam Dɛm 119:113

A nɔ lɛk pipul we de pan rikishi bɔt a lɛk yu lɔ dɛn.

Di Sam Dɛm 51:2

Was mi sin kɔmɔt pan mi lɛk aw pɔsin de was dɔti kɔmɔt na plet, ɛn mek mi klin.

Jɛrimaya 2:22

PAPA GƆD Ɔlmayti se, ɔl we una was unasɛf wit sop, ɛn una yuz bɔku bɔku sop, di gilt stil de sho na una fes.

Jɛrimaya 6:19

Yɛri o, yu ath, a de briŋ dizasta kam pan dɛn pipul ya, we na di pe we dɛn fɔ gɛt fɔ di wok we dɛn du, bikɔs dɛn nɔ yɛri mi wɔd; as fɔ mi lɔ dɛm, dɛn nɔ de obe dɛm sɛf.

Jɛrimaya 17:1

“Dɛn rayt Juda in sin wit ayɛn pɛn; na wit pɛn we gɛt dayamɔn mɔt dɛn tek dig rayt am pan di tablɛt na dɛn at, ɛn pan di ɔn dɛm na dɛn ɔlta dɛm,

Zɛkaraya 8:17

dɔn dɛn nɔ fɔ gɛt badat fɔ dɛn kɔmpin, nɔ fɔ de lay dɔn dɛn de swɛ, bikɔs in PAPA GƆD et dɛn kayn tin dɛn de.

Jɛrimaya 18:11

Fɔseka dat, tɛl di man dɛm na Juda ɛn dɛn wan dɛm we tap na Jerusɛlɛm se: “Na dis PAPA GƆD se, a de rɛdi fɔ du ivul tin agens una ɛn a de mek plan fɔ una. Lɛ ɔlman chenj kɔmɔt pan in ivul we, ɛn chenj aw una liv ɛn wetin una de du.

Jɔn 13:9

So Saymɔn Pita se, “Masta, wɛl, if na so, nɔ jɛs was mi fut nɔmɔ, was mi an ɛn mi ed sɛf.”