Jɛrimaya 4:13 - Krio Fɔs Oli Baybul

¹³ Una luk, i de kam lɛkɛ klawd, in ɔs ɛn karej dɛm tan lɛkɛ wɛn da ebi ebi briz we de tɔn rawnd wit spid, de blo; in ɔs dɛn de rɔn pas dɛn igul – swɛ dɔn fɔdɔm pan wi, bikɔs wi yon dɔn dɔn!

Jɛrimaya 4:13 Referans Kwoze

Ayzaya 19:1

Wetin PAPA GƆD se go apin to Ijipt. Una luk o, PAPA GƆD de rayd pantap wan klawd we gɛt spid ɛn kam na Ijipt; di laylay gɔd dɛn na Ijipt go trimbul bifo am ɛn di Ijipshian dɛn go wan day wit fred.

Ayzaya 66:15

“Bikɔs, PAPA GƆD go kam wit faya, ɛn in chariɔt dɛn go kam lɛk tinada, fɔ pul in bad bad wamat wit vɛksteshɔn, ɛn kɔrɛkt pipul wit faya.

Abakɔk 1:8

Dɛn ɔs dɛn de rɔn pas lɛpɛt ɛn dɛn de biev lɛk aŋri wulf; dɛn man dɛn de rayd dɛn ɔs kɔmɔt fawe wit spid lɛk igul fɔ kam pwɛl wetin dɛn ebul.

Lamɛnteshɔn 4:19

Di wan dɛn we bin wan kil wi bin fast pas aw yuba de flay na di skay; dɛn rɔnata wi na dɛn il dɛn, dɛn ambush wi na di dray ɛn ɛmti ples we pɔsin nɔ go ebul tap.

Ayzaya 5:28

dɛn aro dɛn shap, ɔl dɛn bo dɛn bɛn, dɛn ɔs dɛn sus tan lɛk shap ston, ɛn dɛn wil dɛn tan lɛk traŋa briz dɛn we de tɔn wan ples ɛn grap.

Neum 1:3

PAPA GƆD na PAPA GƆD we pawaful i peshɛnt i kin mek shɔ se udat de du bad gɛt di pe we i de fɛt fɔ. Wi de si am insay di briz we de blo; di klawd dɛn na di dɔti we in fut de mek.

Ayzaya 13:5

Dɛn kɔmɔt fawe kɔntri, usay di skay dɛn tap, PAPA GƆD ɛn di wɛpɔn dɛn fɔ in vɛksteshɔn, fɔ kam distrɔy di wanol wɔl.

Ditarɔnɔmi 28:49

Na pipul dɛn we de fawe PAPA GƆD go mek trit dɛn bad; pipul dɛn we kin fɔdɔm pan pipul dɛn lɛkɛ we ak kin fɔdɔm pan fɔl pikin, ɛn dɛn nɔ go sabi dɛn laŋwej.

Jɛrimaya 4:31

Bikɔs a yɛri pɔsin de kray lɛkɛ we uman de lebɔ, lɛkɛ we uman kin de bɔn in fɔs pikin, dat na Zayɔn in gyal pikin dɛn de kray ɛn de fɛt fɔ blo, dɛn opin dɛn an dɛn wayd wayd wande se, “Swɛ dɔn kech mi! A de fent bifo di wan dɛn we de kil mi.”

Rɛvɛleshɔn 1:7

A de tɛl una se na midul klawd i go kam ɛn ɔlman go si am; dɛn pipul sɛf we bin chuk am go si am; pipul na ɔl dɛn kɔntri ɛn dɛn wan we de tɔk dɛn difrɛn difrɛn laŋwej na wɔl go sɔri bikɔs i de kam. Na so i go bi fɔ tru! Emɛn.

Matyu 24:30

Dɛn ɔlman go si di sayn na di klawd we go sho se Mɔtalman Pikin de kam. Ɔlman na wɔl go kray we dɛn si Mɔtalman Pikin de kɔmɔt na klawd kam. I go kam wit pawa, ɛn brayt layt go de shayn rawnd am.

Ozie 8:1

PAPA GƆD se fɔ ala lawd lawd wan mek ɔlman yɛri se bikɔs di pipul dɔn brok PAPA GƆD in Kɔvinant ɛn in lɔ dɛn, di ɛnimi dɛn we de pas lɛk yuba de ɔlsay na PAPA GƆD in os.

Daniɛl 7:4

Di fɔs wan bin tan lɛk layɔn ɛn gɛt fɛda dɛn lɛk igul. Ɛn as a bin de luk, dɛn pul ɔl in fɛda dɛn kɔmɔt pan am ɛn mek i tinap wit tu fut lɛkɛ mɔtalman; ɛn dɛn bin gi am mɔtalman maynd, so i go ebul tink lɛk mɔtalman.

Jɛrimaya 10:19

E mi, swɛ dɔn kech mi, fɔseka di kayn pen we a de fil! A wund bad bad wan. Bɔt a se “Fɔ tru tru dis na siknɛs, ɛn a mɔs bia wit am.”

2 Samiɛl 1:23

“Sɔl ɛn Jonɛthan na pipul we ɔlman bin lɛk ɛn day nɔ ebul pat dɛn. Dɛn ɔltu bin fast lɛk laytin ɛn trɔŋ lɛk babu bon.

Ayzaya 3:8

Jerusɛlɛm dɔn bɔk in fut, ɛn Juda dɔn fɔdɔm; bikɔs di tin we dɛn de tɔk, ɛn di tin we dɛn de du, de agens PAPA GƆD, dɛn nɔ de rɛspɛkt di pawa pan in glori.

Jɛrimaya 4:12

na briz we pasmak fɔ dɛn kayn tin dɛn de, de kam fɔ mi. Una no se na mi de pas jɔjmɛnt pan di pipul dɛm.”

Jɛrimaya 9:19

Bikɔs, wi de yɛri pipul dɛn de kray na Zayɔn se: “Wetin mek wi dɔn alaki so! Dɛn dɔn disgres wi bad bad wan,, bikɔs wi dɔn kɔmɔt na di land, bikɔs dɛn dɔn brok brok wi os dɛm.”

Jɛrimaya 49:22

A de tɛl una, wan pɔsin go grap ɛn flay lɛk igul, ɛn prɛd in wiŋ dɛm oba Bozra, ɛn di sojaman dɛn na Idɔm, dɛn at dɛn go tan da de de lɛkɛ uman we de lebɔ, in at.”

Izikɛl 26:10

In ɔs dɛn go so bɔku, dat di dɔst we dɛn go de mek, go kɔba una. Una wɔl dɛn go de shek wit di nɔys we di ɔsman dɛm ɛn di trɔk dɛm, ɛn chariɔt dɛm go de mek, wɛn i go krɔs una gɛt dɛm go insay, lɛk wan we de go insay wan big siti we dɛn dɔn brok in wɔl kan dɔŋ.

Izikɛl 38:9

Yu go go bifo, de go lɛk wan big big tinada wit ren, yu go bi lɛk wan klawd we de kɔba di kɔntri, yu ɛn ɔl yu krawd dɛm, ɛn di bɔku pipul wit yu.

Daniɛl 11:40

We di tɛm rich, di kiŋ na di sawt go atak am; bɔt di kiŋ na nɔt go rɔsh pan am lɛk ebi briz wit ɔs ɛn karej ɛn pipul we de rayd ɔs, ɛn wit plɛnti plɛnti ship. I go atak kɔntri dɛn lɛk briz ɛn pas go.

Mayka 2:4

We da tɛm de kam, pipul go yuz dɛn mek ɛgzampul fɔ sho aw pɔsin de pe fɔ di bad we i du to ɔda pipul. Di pipul dɛn go mek siŋ bɔt dɛn lɛkɛ se na bɛrin dɛn gɛt: Ɔltin dɔn dɔn fɔ dɛn! PAPA GƆD dɔn pul dɛn land kɔmɔt na dɛn an I dɔn gi am to di wan dɛn we kapchɔ dɛn.

Jɛrimaya 6:23

Dɛn dɔn ol bo ɛn spia dɛn wikɛd ɛn dɛn nɔ de sɔri fɔ nɔbɔdi, di sawnd we dɛn de mek tan lɛkɛ we di si de tɔnɔbɔ; dɛn de rayd ɔs, dɛn drɛs lɛkɛ man we rɛdi fɔ fɛt wa, agens yu, yu Zayɔn in gyal pikin.”

Jɛrimaya 46:18

“Di kiŋ se, wans a de, dat na di kiŋ we na PAPA GƆD Ɔlmayti, lɛkɛ we Mawnt Tabɔ ay pas di ɔda mawnten dɛm, ɛn lɛkɛ we Mawnt Kamɛl ay pas di si, na so di atak go tan.

Jɛrimaya 48:40

Bikɔs na dis PAPA GƆD se: “I go flay kwik kwik lɛkɛ igul, ɛn opin in wiŋ dɛm agens Moab.

Zɛkaraya 6:1

We i es in ed ɔp bak i si fo ɔs ɛn karej de kɔmɔt midul tu mawnten we dɛn mek wit bras.