Jɛrimaya 4:11 - Krio Fɔs Oli Baybul

¹¹ Da tɛm de, dɛn go tɛl dɛm pipul dɛn ya, ɛn Jerusɛlɛm se, “Wan ɔt briz de blo kɔmɔt na di mawnten dɛn na di ɛmti ples we pipul nɔ go ebul tap, kam to mi pipul dɛn gyal pikin, nɔto fɔ kam fana di dɔti wan dɛn kɔmɔt ɔ fɔ kam klin dɛm o,

Jɛrimaya 4:11 Referans Kwoze

Ozie 13:15

I se pan ɔl we nain go kɔmɔt fayn pan ɔl in brɔda dɛn, PAPA GƆD go mek briz kɔmɔt Ist na di ɛmti land we pɔsin nɔ go ebul tap ɛn di briz go dray ɔl dɛn de gɛda wata ɛn dɛn ol we wata kin bɔs, i go ivin mek ɔl wetin i bin dɔn gɛda dɔn.

Izikɛl 17:10

If dɛn rut am kɔmɔt kɛr go plant am ɔda say, i go bɛtɛ? I nɔ go wida ɔltogɛda wɛn briz we kin kɔmɔt na di ist, blo am - i nɔ go wida ɔltogɛda na di bed we i de gro?

Lyuk 3:17

I ol tin lɛkɛ lɔŋ fɔk nain an fɔ tek pul di chaf chaf kɔmɔt pan di wit. I go gɛda in wit put am na sto, bɔt i go bɔn di chaf chaf na faya we nɔ de tap fɔ bɔn.”

Matyu 3:12

I ol tin lɛkɛ lɔŋ fɔk fɔ tek pul di chaf chaf kɔmɔt pan di wit. I go gɛda in wit put am na sto ɛn i go bɔn di chaf chaf na faya we nɔ de tap fɔ bɔn.”

Ozie 13:3

So dɛn go tan lɛk aw daknɛs kin lɔs ɔ dyu we fɔdɔm kin dray we do klin. Lɛk aw briz kin kɛr chaf chaf go we dɛn de fana ɔ smok kin lɔs afta i pas na winda.

Izikɛl 19:12

Bɔt dɛn bin rut di greps tik kɔmɔt we dɛn bin vɛks, ɛn trowe an kan dɔŋ na grɔn; di briz we de blo kɔmɔt na di ist bin mek i dray; dɛn pul ɔl in frut dɛn kɔmɔt pan am, in traŋa stɛm bin wida; faya bɔn am ɔltogɛda.

Lamɛnteshɔn 4:6

Di pɔnishmɛnt we yu gi di pipul dɛn na Jerusɛlɛn fɔ di bad we dɛn du, traŋa pas di pɔnishmɛnt we yu gi Sɔdɔm, ples we nɔ bin tek wan minit fɔ tɔnoba, ɛn mɔtalman an nɔ bin de de.

Lamɛnteshɔn 4:3

Jakal we na jakal sɛf de gi pikin bɔbi, dɛn de sɔkul dɛn bebi dɛm, bɔt mi pipul dɛn gyalpikin de trit pipul bad naw, jɛs lɛk da bɔd we dɛn kɔl Ɔstrich we de na di dray ɛn ɛmti ples we pɔsin nɔ go ebul tap.

Lamɛnteshɔn 3:48

Bɔku bɔku wata de kɔmɔt na mi yay we a de kray bikɔs dɛn dɔn nyakanyaka mi pipul dɛn gyal pikin.

Lamɛnteshɔn 2:11

Kray dɔn mek mi yay taya; mi bɛlɛ de bwɛl; a gɛt tin we de mɔna mi na mi at bikɔs dɛn dɔn nyakanyaka Jerusɛlɛm, bikɔs pikin ɛn bebi dɛn de fent na di trit dɛn na di siti.

Jɛrimaya 23:19

A de tɛl una, PAPA GƆD in tinada de blo! Bad bad veksteshɔn dɔn sho, ebi briz we de tɔn rawnd;; i go bɔs na dɛn wikɛd pipul dɛn ed.

Jɛrimaya 14:17

“Yu go tɛl dɛm se: ‘Lɛ wata rɔn mi yay de ɛn nɛt, ɛn lɛ dɛn nɔ tap, bikɔs dɛn dɔn wund mi pipul dɛn gyal pikin we na vajin bad bad wan we dɛn wap am at at wan.

Jɛrimaya 9:7

Fɔseka dat, PAPA GƆD Ɔlmayti se, “Naw, a go klin dɛm ɛn tɛst dɛm, bikɔs wetin igen a go du fɔ mi pipul dɛm?

Jɛrimaya 9:1

If nɔmɔ mi ed na bin wata, ɛn mi yay dɛm na fawnten we de pul wata na yay, so dat a go kray de ɛn nɛt fɔ di kil we dɛn kil mi pipul dɛn gyal pikin!

Jɛrimaya 8:19

Yɛri, mi pipul dɛn gyal pikin dɛn kray, ɔlɔbɔt na di land; “PAPA GƆD nɔ de na Zayɔn? In kiŋ nɔ de de? “Wetindu dɛn provok mi te a vɛks wit dɛn lay lay gɔd dɛn, ɛn wit fɔrin lay lay gɔd dɛm?”

Ayzaya 64:6

We ɔl dɔn tan lɛk pɔsin we nɔ klin na Gɔd yay, ɛn ɔl di tin dɛn we wi de du se wi de waka tret na PAPA GƆD in yay, tan lɛk smɛl dɔti klos. Wi ɔl de fed lɛk lif, ɛn wi sin dɛn de kɛr wi go lɛk briz.

Ayzaya 41:16

una go fana dɛm, ɛn briz go blo dɛn go, ɛn ebi ebi tinada go skata dɛn. Ɛn yu go gladi insay PAPA GƆD; nainsay di Oli Wan na Izrɛl, una go glori.

Ayzaya 27:8

Smɔl smɔl, na we dɛn de ɛgzayl yu de ebul sho dɛn wetin yu want; I pul dɛn kɔmɔt de wit in ebi blo di de we di briz we de kɔmɔt na di ist, de blo.

Ayzaya 22:4

Na dat mek a se: “Nɔ luk mi lɛf mi mek a kray bita bita wan; nɔ waala yusɛf fɔ koks mi fɔseka di nyakanyaka we dɛn nyakanyaka mi pipul dɛn gyal pikin.”

Lamɛnteshɔn 4:10

Uman dɛn we bin gɛt sɔri-at fɔ pipul kuk dɛn yon pikin dɛn; na dɛn bin tɔn di it we dɛn de it di tɛm we dɛn bin nyakanyaka Jerusɛlɛm.

Di Sam Dɛm 11:6

I go mek faya ɛn sɔlfa we de bɔn ɛn smɛl fɔdɔm pan udat bad, lɛk we ren de fɔdɔm, dɔn ɔt, ɔt, briz go blo we go mek ɔltin dray.

Jɛrimaya 4:12

na briz we pasmak fɔ dɛn kayn tin dɛn de, de kam fɔ mi. Una no se na mi de pas jɔjmɛnt pan di pipul dɛm.”

Jɛrimaya 13:24

A go skata una lɛk chaf chaf we briz we kɔmɔt na ɛmti ples we pɔsin nɔ go ebul tap, de blo.

Abakɔk 1:6

I se in go mek di Babilonian dɛn we rɔf lɛk wetin, tek ova bɔku siti dɛn we nɔto dɛn yon.

Abakɔk 1:11

Dɛn de du wetin dɛn fil fɔ du as dɛn fil se bikɔs dɛn gɛt pawa, dɛn na PAPA GƆD.

Ozie 4:19

I se na so dɛn go alaki lɛk na big briz blo kɛr dɛn go ɛn dɛn go shem fɔ wetin dɛn de du.