Jɛrimaya 39:9 - Krio Fɔs Oli Baybul

⁹ Nain Nɛbyuzaradan we na di kapten fɔ di gyadman dɛm, kɛr di balans pipul dɛn we bin lɛf na di siti, di wan dɛn we bin dɔn rɔnawe kɔmɔt de, ɛn di wan dɛm we bin lɛf, go ɛgzayl.

Jɛrimaya 39:9 Referans Kwoze

Jɛrimaya 40:1

Dis na PAPA GƆD in wɔd we kam to Jɛrimaya afta Nɛbyuzaradan we na di kapten fɔ di gyadman dɛm, bin fri am lɛ i kɔmɔt na Rama, afta i bin chen am go ɛgzayl wit di wan dɛn we dɛn bin kapchɔ na Jerusɛlɛm ɛn Juda, fɔ go Babilɔn.

Jɛnɛsis 37:36

We di Ishmɛlayt dɛn rich Ijipt dɛn sɛl Josɛf to Pɔtifa, we na bin wan pan di kiŋ in ɔfisa dɛn. In na bin di kapten fɔ di gyad dɛn na di kiŋ in os.

Jɛrimaya 52:26

Kɔmanda Nɛbyukanadan kɛr ɔl dɛn pipul ya go dɛn go to kiŋ Nɛbyukadnɛza, na Ribla.

Jɛrimaya 10:18

Bikɔs PAPA GƆD se “A de trowe di wan dɛm we tap na di land, na do dis tɛm, ɛn a go briŋ trɔbul pan dɛm, so dat dɛn go fil am.”

2 Kiŋ 25:20

Kɔmanda Nɛbyuzaradan kech ɔl dɛn pipul ya kɛr dɛn go to Nɛbyukadnɛza na Ribla.

2 Kiŋ 25:11

dɔn i kech ɔl di pipul dɛn we bin lɛf kɛr dɛn go Babilɔn. I kɛr ɔl dɛn ɔda wan dɛn we bin dɔn krɔs go fɔs oba to usay di kiŋ bin de.

Jɛrimaya 16:13

fɔseka dat, a go trowe una kɔmɔt na dis land go na wan land we una ɔ una fɔstɛmpapa dɛm nɔ no, ɛn na de una go sav ɔda gɔd dɛm de ɛn nɛt, bikɔs a nɔ go sho una masi.’

Ayzaya 5:13

So mi pipul dɛn go ɛgzayl, bikɔs dɛn ful; di man dɛn we dɛn rɛspɛkt de day wit aŋri ɛn tɔsti de kil dɛn bɔku bɔku pipul dɛn.

2 Kiŋ 20:18

I se dɛn go kech sɔm pan in fambul dɛn, dɛn pikin ɛn grampikin dɛn kɛr dɛn go Babilɔn. Dɛn go kastret di man dɛn ɛn mek dɛn de wok na di kiŋ in os na Babilɔn.

Ditarɔnɔmi 4:27

I se PAPA GƆD go mek dɛn skata ɔlɔbɔt na di wɔl ɛn dɛn nɔ go plɛnti na wan say ɛn plɛnti pan dɛn go day.

Lɛvitikɔs 26:33

Dɛn go skata ɔlɔbɔt we dɛn ɛnimi dɛn go jɛs de atak dɛn; di land go pwɛl kpatakpata ɛn di siti dɛn ɔl go pwɛl.

Jɛrimaya 24:8

“Bɔt na dis PAPA GƆD se: Lɛk aw yu si dɛn fignɔt dɛm we so pwɛl dat nɔbɔdi nɔ go ebul it dɛm, na so a go trit Zɛdikaya, we na kiŋ na Juda, in bigman dɛm, di pipul dɛm we kɔmɔt Jerusɛlɛm we lɛf na dis land, ɛn dɛn wan we tap na Ijipt.

Jɛrimaya 38:19

Nain Kiŋ Zedikaya tɛl Jɛrimaya se, “A de fred di Ju dɛm we dɔn rɔnawe go jɔyn di Babilonian dɛm, lɛ dɛn nɔ an mi oba to dɛm ɛn lɛ dɛn nɔ molɛs mi.”

Jɛrimaya 52:27

Di kiŋ kil dɛn ɔl. I kil dɛn ɔl na Ribla we de na Amat. Na so di pipul dɛn na Juda tek kɔmɔt na dɛn kɔntri go ɛgzayl na Babilɔn.

Jɛrimaya 40:7

We ɔl di kapten dɛm na di difrɛn fɔs dɛm na di opin kɔntri ɛn dɛn man dɛm yɛri se di kiŋ na Babilɔn dɔn pik Gɛdalaya we na Aikam in bɔypikin, fɔ bi gɔvna na di land, ɛn dɔn put di man, uman ɛn pikin dɛm nain kia, we na dɛm popoliopo dɛn na di land we dɛn nɔ bin kɛr go ɛgzayl na Babilɔn,

Daniɛl 2:14

Dɛn Daniɛl bin tɔk wit sɛns ɛn rɛspɛkt to Ariɔk, di kapten fɔ di kiŋ in gyadman dɛn, we bin dɔn kɔmɔt fɔ kil ɔl di sɛnsman na Babilɔn.