Jɛrimaya 39:8 - Krio Fɔs Oli Baybul

⁸ Di Babilonian dɛm bin bɔn di kiŋ in os ɛn di pipul dɛn os dɛm, ɛn brok di wɔl na Jɛrusɛlɛm.

Jɛrimaya 39:8 Referans Kwoze

Nɛimaya 1:3

Dɛn se ɔltin nɔ fayn fɔ di wan dɛn we nɔ bin de ɛgzayl. Dɛn se dɛn de pan trɔbul ɛn dɛn trenja dɛn de laf dɛn ɛn fityay dɛn. Dɛn tɔk bak se, dɛn brok di wɔl rawnd Jerusɛlɛm ɛn bɔn di get dɛn kpatakpata.

Jɛrimaya 38:18

Bɔt if yu nɔ sɔrɛnda to di kiŋ na Babilɔn in bigman dɛm, I go gi di siti to di Babilonian dɛn, ɛn dɛn go bɔn am wit faya, ɛn yu nɔ go ɛskep.

Jɛrimaya 21:10

PAPA GƆD se, bikɔs a dɔn tɔn mi fes to dis siti fɔ bad, ɛn nɔto fɔ gud; a go mek di kiŋ na Babilɔn kapchɔ am, ɛn i go bɔn am wit faya?

Mayka 3:12

Mayka se ɔl dɛn bad tin ya we dɛn de du go mek pipul nɔ de na Zayɔn, so dɛn go plant ɔlkayn tin de lɛk na fil; ɛn Jerusɛlɛm in go so pwɛl dat na stonston nɔmɔ go de de, dɔn PAPA GƆD in os go tɔn bush.

Emɔs 2:5

A go sɛn faya na Juda ɛn nyakanyaka di wɔl we de rawnd Jerusɛlɛm.”

Lamɛnteshɔn 2:7

PAPA GƆD dɔn pul rɛspɛkt kɔmɔt pan di ɔlta, i dɔn pul at kɔmɔt pan di ples we dɛn de pre; i dɔn put ɔl di wɔl dɛn ɛn kiŋ os dɛn na di ɛnimi dɛn an; dɛn gladi de ala na PAPA GƆD in os lɛk we dɛn kin du di tɛm dɛn we dɛn kin ol dɛn fist.

Lamɛnteshɔn 2:2

PAPA GƆD nɔ luk biɛn sɛf; i nyakanyaka ɔl di pipul dɛn we bin de na Juda; we i vɛks, i brok brok ɔl di barik dɛn na Juda; i dɔn disgres di kindɔm ɛn di wan dɛn we de rul.

Lamɛnteshɔn 1:10

Di ɛnimi dɔn tif ɔl in dia dia tin dɛn; fɔ tru, i dɔn si ɔda neshɔn dɛn go insay di tɛmpul, pipul dɛn we yu PAPA GƆD dɔn se nɔ fɔ go insay usay yu pipul dɛn de wɔship yu.

Jɛrimaya 37:10

Ivin if una kil di wanol Babilonian ami we de fɛt una, ɛn na so so man dɛm we wund nɔmɔ lɛf, ɛn dɛn ɔl lidɔm insay dɛn tɛnt dɛm, dɛn go mɔs grap ɛn bɔn dis siti wit faya.’”

Jɛrimaya 34:22

PAPA GƆD se, A go kɔmand dɛm ɛn briŋ dɛn kam bak na dis siti; ɛn dɛn go fɛt una ɛn kapchɔ am, ɛn bɔn am wit faya. A go mek di siti dɛm na Juda tɔn gud fɔ natin ples, ɛn nɔbɔdi nɔ go tap de.

Jɛrimaya 34:2

Na dis PAPA GƆD we na Izrɛl dɛn Gɔd se: Go tɔk to Zɛdikaya we na kiŋ na Juda, ɛn tɛl am se, ‘Na dis PAPA GƆD se: Biliv mi, a de gi dis siti to di kiŋ na Babilɔn, ɛn i go bɔn am wit faya.

Jɛrimaya 17:27

Bɔt if una nɔ lisin to mi, fɔ kip di de fɔ blo ɛn rɛst oli, ɛn nɔ fɔ tot lod pas insay di get dɛm na Jerusɛlɛm de fɔ blo ɛn rɛst, a go layt faya nain get dɛm, ɛn i go bɔn di kiŋ os dɛm na Jerusɛlɛm, ɛn nɔbɔdi nɔ go ebul ɔt am.”

Jɛrimaya 7:20

PAPA GƆD Ɔlmayti se, “A go put mi animal, a go put am pan tik dɛm na bush ɛn di frut dɛn we de gro kɔmɔt na grɔn; i go bɔn ɛn i nɔ go ɔt.”

Ayzaya 5:9

A yɛri PAPA GƆD Ɔlmayti dɔn swɛ se; “fɔ tru tru, bɔku os dɛm go ɛmti, big ɛn fayn os dɛn, nɔbɔdi no go lib de.

2 Kronikuls 36:19

Ɛn dɛn dɔn PAPA GƆD in os brok Jerusɛlɛm in wɔl kam dɔŋ ɛn bɔn ɔl in kiŋ os dɛm wit faya ɛn distrɔy ɔl in prɛshɔs besin dɛm.

2 Kiŋ 25:8

Di de we mek sɛvin, insay di fayv mɔnt, na di ia we mek Nɛbyukadnɛza nayntin ia we i bi kiŋ na Babilɔn, na da de de Nɛbyuzaradan we na advaysa to di kiŋ ɛn kɔmanda fɔ di ami go Jerusɛlɛm.

Di Sam Dɛm 79:7

Bikɔs na dɛn dɔn kil yu pipul na Izrɛl ɛn dɛn bak dɛn dɔn pwɛl di kɔntri.

Jɛrimaya 32:29

Di Babilonian dɛm we de fɛt dis siti go kam sɛt faya pan am, ɛn bɔn am, wit di os dɛm we dɛn dɔn bɔn insɛns na dɛn ruf to Beal, ɛn dɛn dɔn mek drink ɔfrin to ɔda gɔd dɛm, fɔr provok mi mek a vɛks.

Izikɛl 16:41

Ɛn dɛn go bɔn una os dɛn ɛn kɛriawt jɔjmɛnt pan una bifo bɔku uman dɛn yay. A go mek una tap fɔ wok lɛk rare gyal ɛn una nɔ go sɛl unasɛf igen igen

Izikɛl 23:47

Ɛn di bɔku krawd go ston dɛm ɛn kil dɛm wit dɛn sɔd dɛm; dɛn go kil dɛn bɔy ɛn gyal pikin dɛm ɛn bɔn dɛn os dɛn kan dɔŋ.

Izikɛl 33:21

Insay di twɛlv ia, pan wi ɛgzayl, pan di fayv de na di tɛn mɔnt, wan man we rɔnawe frɔm Jerusɛlɛm, bin kam to mi ɛn se “Di big siti dɔn fɔdɔm.”

Jɛrimaya 5:10

“Waka insay dɛn greps fam, ro bay ro ɛn pwɛl dɛm, bɔt nɔ pwɛl ɔltin; kɔt kɔt dɛn branch dɛm, bikɔs nɔto PAPA GƆD gɛt dɛm.