Jɛrimaya 39:6 - Krio Fɔs Oli Baybul

⁶ Di kiŋ na Babilɔn kil Zɛdikaya in bɔypikin dɛm bifo in yay na Ribla; ɛn di kiŋ na Babilɔn kil ɔl di bigman dɛm we bin de nia di kiŋ na Juda.

Jɛrimaya 39:6 Referans Kwoze

Jɛrimaya 52:10

Di kiŋ na Babilɔn bin kil Zɛdikaya in bɔypikin dɛm bifo in fes, ɛn kil ɔl di bigman dɛm na Juda, insay Ribla.

Jɛrimaya 21:7

PAPA GƆD se, afta dat, A go mek Nɛbyukadnɛza we na kiŋ na Babilɔn, we na Zɛdikaya dɛn ɛnimi dɛn we de tray fɔ kil dɛm, ebul kapchɔ Zɛdikaya we na kiŋ na Juda, ɛn in wokman dɛm, ɛn ɔl di pipul dɛn na dis siti we nɔ day di tɛm we siknɛs, wa ɛn bad bad aŋri bin mit dɛm; Nɛbyukadnɛza go kil dɛm wit sɔd; i nɔ go luk nɔbɔdi ɛn sɔri fɔ am, ɔ lɛf ɛnibɔdi ɔ fil nain at fɔ nɔbɔdi.

2 Kiŋ 25:7

Dɛn kil ɔl in bɔypikin dɛn korokoro wan bifo in yay. Dɛn pul in tu yay kɔmɔt, tay am wit chen ɛn kɛr am go Babilɔn.

Ditarɔnɔmi 28:34

Dɛn go so trit dɛn bad, dat plɛnti pan dɛn go kres.

Ayzaya 13:16

Dɛn go smash dɛn bebi dɛn mek dɛn skata bifo dɛn fes; dɛn go tif ɔltin na dɛn os dɛn ɛn rabish dɛn wɛf dɛm.

Ɛsta 8:6

Aw a go sidɔm de luk wetin de bi to mi pipul dɛn? Ɛn uskayn bia a go bia fɔ si we mi pipul dɛn de day?”

2 Kronikuls 34:28

Luk a go gɛda yu to yu Papa dɛm, ɛn yu go day go na yu grev saful wan, ɛn yu yay dɛm nɔ go si ɔl di bad bad tin dɛm we a go briŋ kam ɛn dɛn briŋ wɔd kam bak to di kiŋ.

2 Kiŋ 22:20

I se wɛn i day na usay dɛn bɛr in fɔstɛm-papa dɛn dɛn go bɛr am ɛn dɛn go bɛr am fayn. I se i nɔ go si ɔl di dombolo we i dɔn se i go ib na di ples. Di man dɛn kɛr di prɔfɛtɛs in ansa go gi di kiŋ.

Jɛnɛsis 44:34

I aks aw in go go bak to in papa if di bɔbɔ nɔ go wit am. I se in nɔ go want fɔ si wetin go bi to in papa.

Jɛnɛsis 21:16

in go sidɔm fawe. I de tɔk ɛn kray se in nɔ go ebul bia fɔ si in pikin de day.

Ayzaya 34:12

Dɛn go kɔl am, Nɔn Kindɔm Nɔ De De, ɛn ɔl in bigman dɛn nɔ go gɛt rɛspɛkt.

Jɛrimaya 20:4

Bikɔs na dis PAPA GƆD se: Lisin, a go mek yu tɛrɔ to yusɛf ɛn to ɔl yu padi dɛm. Yu go de luk so dɛn de kil dɛn na wa. Ɛn a go mek di kiŋ na Babilɔn kapchɔ Juda; i go kɛr dɛn go Babilɔn go mek dɛn slev, ɛn go kil dɛm wit sɔd.

Jɛrimaya 34:3

Yu nɔ go ɛskep, bɔt dɛn go kapchɔ yu kɛr go to am; yu go si di kiŋ na Babilɔn kojuma koju, ɛn yu go tɔk to am fes to fes; ɛn yu go go na Babilɔn.’

Jɛrimaya 38:23

Dɛn go kɛr ɔl yu wɛf dɛm ɛn yu bɔypikin dɛm go to di Babilonian dɛm, ɛn yusɛf nɔ go ɛskep; di kiŋ na Babilɔn go kapchɔ yu ɛn dɛn go bɔn dis siti wit faya.”

Izikɛl 23:24

Ɛn dɛn go kɔmɔt na di nɔt kam atak yu. Dɛn go de rayd chariɔt ɛn trɔk dɛm, ɛn go kam wit bɔku bɔku pipul kan atak yu; dɛn go atak yu wit bɔkla, shild ɛn ɛlmɛt, ɛn a go lɛf di jɔjmɛnt na dɛn an, ɛn dɛn go jɔj una bay aw dɛn sabi jɔj.

Izikɛl 24:5

Tek di wan we fayn pas ɔl pan di ship dɛm, put di wud ɔnda di pɔt; bwɛl di bif we yu dɔn kɔt kɔt Bwɛl di bon dɛnsɛf.

Zɛfinaya 1:8

PAPA GƆD se da de de in go pɔnish ɔl di bigman dɛn ɛn di kiŋ in bɔypikin dɛn, ɛn ɔl dɛn wan we de du wetin di fɔrina dɛn de du.