Jɛrimaya 39:5 - Krio Fɔs Oli Baybul

⁵ Bɔt di Babilonian ami rɔnata dɛm ɛn kech Zɛdikaya na di flat grɔn na Jɛriko; wɛn dɛn kech am, dɛn briŋ am kam to Nɛbyukadnɛza we na kiŋ na Babilɔn, na Ribla, dat na di land ɔf Amat: ɛn i pas sɛntɛns pan am

Jɛrimaya 39:5 Referans Kwoze

2 Kiŋ 23:33

Kiŋ Nɛko put am na jel na Ribla na Amath fɔ lɛ i nɔ go rul na Jerusɛlɛm, dɔn i mek di siti de pe taks to am wit tri ɛn af tɔn silva ɛn sɛvinti-fayv pawns gold.

Jɔshwa 5:10

Di ivintɛm na di de we mek fɔtin da mɔnt de, di Izrɛlayt dɛn bin sɛlibret di Fist ɔf di Pasova na di ples we nɔ gɛt il na Gilgal.

Jɛrimaya 38:23

Dɛn go kɛr ɔl yu wɛf dɛm ɛn yu bɔypikin dɛm go to di Babilonian dɛm, ɛn yusɛf nɔ go ɛskep; di kiŋ na Babilɔn go kapchɔ yu ɛn dɛn go bɔn dis siti wit faya.”

Jɛrimaya 38:18

Bɔt if yu nɔ sɔrɛnda to di kiŋ na Babilɔn in bigman dɛm, I go gi di siti to di Babilonian dɛn, ɛn dɛn go bɔn am wit faya, ɛn yu nɔ go ɛskep.

Jɔshwa 4:13

na bɔt fɔti tawzin sojaman dɛn we bin gɛt dɛn wɛpɔn dɛn rɛdi fɔ fɛt, bin krɔs go Jɛriko, ɛn PAPA GƆD bin de wit dɛn bikɔs di Ak ɔf di Kɔvinant bin de de.

Lamɛnteshɔn 4:20

Di pɔsin we tan to wi lɛk di briz we wi de blo, di wan we PAPA GƆD dɔn pik, sɛf, dɛn kapchɔ am lɛk animal, di wan we wi bin de tɔk se, “Na ɔnda in bana wi go ebul de lɛk ɔda neshɔn dɛn”

Lamɛnteshɔn 1:3

Juda dɔn go ɛgzayl bikɔs dɛn trit am bad ɛn gi am traŋa traŋa wok; naw i tap wit fɔrin pipul dɛn, bɔt nɔ gɛt blo blo; ɛnimi dɛn de ɔlsay ɔl we i de sɔfa so.

Jɛrimaya 4:12

na briz we pasmak fɔ dɛn kayn tin dɛn de, de kam fɔ mi. Una no se na mi de pas jɔjmɛnt pan di pipul dɛm.”

2 Kronikuls 33:11

Fɔseka dat PAPA GƆD briŋ kɔmand dɛm na di Asinyan kin in ami we tot Manasɛ wit uk ɛn tay am wit bras chen ɛn briŋ am kam babilɔn.

2 Kiŋ 25:6

Dɛn kɛr am go to Kiŋ Nɛbyukadnɛza na Ribla ɛn na de dɛn go sɛntɛns am.

2 Kiŋ 17:24

Di kiŋ na Asiria pul pipul dɛn kɔmɔt na Babilɔn, Kutha, Ava, Amath ɛn Sɛfavaim ɛn kɛr dɛn go na di difrɛn siti dɛn na Sameria fɔ go tek di Izrɛlayt dɛn ples de. Na dɛn bin tap na ɔl di siti dɛn na Sameria.

2 Samiɛl 8:9

Wɛn Tow we na kiŋ na Ɛmath yɛri bɔt di win we Devid win Adadeza in wanol ami,

Di Jɔj Dɛm 3:3

Na di neshɔn dɛnwanya; di Filistin dɛn fayv siti, ɛn ɔl di Kenanayt dɛn siti, di Sidonian dɛn, di Ivayt dɛn we de na di Libanɔn Mawnten, dat na frɔm mawnt Baalath Amɔn te rich di rod fɔ go insay Amath Siti.

Jɔshwa 13:5

Ɔda say dɛn we GƆD se Jɔshwa gɛt fɔ kapchɔ na bin Gɛbal Siti, di eria na Libanɔn we kɔmɔt Baalgad Siti na Mawnt Amɔn, te rich di rod fɔ go insay Amath,

Di Nɔmba Dɛm 13:21

So dɛn go ɔp go wach di land frɔm di ɛmti land we pɔsin nɔ go ebul tap na Zin te rich Riɔb bay Libo Amath.

Jɛrimaya 21:7

PAPA GƆD se, afta dat, A go mek Nɛbyukadnɛza we na kiŋ na Babilɔn, we na Zɛdikaya dɛn ɛnimi dɛn we de tray fɔ kil dɛm, ebul kapchɔ Zɛdikaya we na kiŋ na Juda, ɛn in wokman dɛm, ɛn ɔl di pipul dɛn na dis siti we nɔ day di tɛm we siknɛs, wa ɛn bad bad aŋri bin mit dɛm; Nɛbyukadnɛza go kil dɛm wit sɔd; i nɔ go luk nɔbɔdi ɛn sɔri fɔ am, ɔ lɛf ɛnibɔdi ɔ fil nain at fɔ nɔbɔdi.

Jɛrimaya 24:8

“Bɔt na dis PAPA GƆD se: Lɛk aw yu si dɛn fignɔt dɛm we so pwɛl dat nɔbɔdi nɔ go ebul it dɛm, na so a go trit Zɛdikaya, we na kiŋ na Juda, in bigman dɛm, di pipul dɛm we kɔmɔt Jerusɛlɛm we lɛf na dis land, ɛn dɛn wan we tap na Ijipt.

Jɛrimaya 44:30

Na dis PAPA GƆD se, A de tɛl una, a go gi Fero Ofra we na kiŋ na Ijipt to in ɛnimi dɛm, di wan dɛm we want fɔ kil am, jɛs lɛkɛ aw a bin gi Zɛdikaya we na bin kiŋ na Juda to Nɛbyukadnɛza we na kiŋ na Babilɔn, we na bin in ɛnimi ɛn bin want fɔ kil am.”

Jɛrimaya 49:23

Dis na bɔt Damaskɔs “Amat ɛn Apad dɔn kɔnfyus, bikɔs dɛn dɔn yɛri bad bad nyuz; dɛn fred bad bad wan, dɛn at de wɔri lɛk di si, we nɔ ebul de wanples ɛn nɔ mek nɔys.

Izikɛl 23:24

Ɛn dɛn go kɔmɔt na di nɔt kam atak yu. Dɛn go de rayd chariɔt ɛn trɔk dɛm, ɛn go kam wit bɔku bɔku pipul kan atak yu; dɛn go atak yu wit bɔkla, shild ɛn ɛlmɛt, ɛn a go lɛf di jɔjmɛnt na dɛn an, ɛn dɛn go jɔj una bay aw dɛn sabi jɔj.

Abakɔk 1:7

I se dɛn na bad bad pipul we ɔlman de fred. Aw dɛn nɔ gɛt kɔntrol, na so dɛn nɔ gɛt lɔ; dɛn de du wetin dɛn want.

Ayzaya 22:3

Ɔl una rula dɛn dɔn rɔnawe togɛda, ɔl we dɛn nɔ ol bo ɛn aro, dɛn kapchɔ dɛn. Dɛn kapchɔ una ɔl we dɛn fɛn, ɔl we dɛn bin dɔn rɔnawe go fawe.