Jɛrimaya 39:4 - Krio Fɔs Oli Baybul

⁴ Wɛn Zɛdikaya we na kiŋ na Juda, ɛn ɔl di sojaman dɛm si dɛm, dɛn bigin rɔnawe kɔmɔt di siti na nɛt, de pas na di kiŋ in gadin insay di get we de bitwin di tu wɔl dɛm, ɛn dɛn go to di Araba say.

Jɛrimaya 39:4 Referans Kwoze

Emɔs 2:14

Dɛn wan we ebul rɔn nɔ go ebul fɔ rɔn, yu we gɛt trɛnk, nɔ abop pan yu trɛnk ɛn yu we na tɔf soja nɔ go ebul sev yu layf.

2 Kronikuls 32:5

I begin wok wit maynd ɛn bil ɔl di wɔl we bin dɔn brok ɛn bil tawa pan am ɛn na do i bil ɔda wɔl. Dɛn i mek Milo we de na Devid in siti trɔŋ mɔ, I mek bɔku bɔku wɛpɔn ɛn big shild dɛn bak.

Izikɛl 12:12

Ɛn di lida we de wit dɛn go tot in lod nain sholda we ples dak ɛn go; i go dig ol na di wɔl ɛn go pas de go; i go kɔba in fes so dat i nɔ go si di land wit in yay.-

Ditarɔnɔmi 28:25

PAPA GƆD go mek dɛn ɛnimi dɛn bit dɛn bad bad wan ɛnitɛm we dɛn atak dɛn. We dɛn go na batul fil, na rɔnawe dɛn go de rɔnawe ɛn skata ɔlɔbɔt. Di wanol wɔl go fred we dɛn go si wetin de apin to dɛn.

Lɛvitikɔs 26:36

I se i go mek di wan dɛn we lɛf nɔ biliv pan dɛnsɛf; if lif shek sɛf, dɛn go fred se dɛn ɛnimi dɛn de rɔnata dɛn; dɛn go de rɔn lɛk udat de rɔn kɔmɔt na wa bɔt nɔbɔdi nɔ go de rɔnata dɛn.

Lɛvitikɔs 26:17

I go dison dɛn ɛn mek dɛn ɛnimi dɛn win dɛn; di wan dɛn we et dɛn, go rul dɛn ɛn dɛn go de rɔn ivin we nɔbɔdi nɔ de rɔnata dɛn.

Ayzaya 22:11

Una dig say fɔ gɛda ɛn kip wata bitwin di tu wɔl fɔseka di ol watasay. Bɔt una nɔ bin abop to di wan we du am ɔ gɛt rɛspɛkt fɔ di pɔsin we bin dɔn plan am lɔlɔntɛm.

Jɛrimaya 32:4

Zɛdikaya we na kiŋ na Juda nɔ go ɛskep, di Babilonian dɛn go kech am go to di kiŋ na Babilɔn, ɛn i go tɔk to am fes to fes, ɛn dɛn go si kojuma koju;

Izikɛl 12:4

Yu fɔ briŋ yu lod kan na do santɛm we dɛn go si am lɛk lod we dɛn pak fɔ go ɛgzayl; ɛn yu fɔ kɔmɔt go ivintɛm we ɔlman de si yu, lɛk we pipul dɛn we fɔ go ɛgzayl kin du.

Ayzaya 22:3

Ɔl una rula dɛn dɔn rɔnawe togɛda, ɔl we dɛn nɔ ol bo ɛn aro, dɛn kapchɔ dɛn. Dɛn kapchɔ una ɔl we dɛn fɛn, ɔl we dɛn bin dɔn rɔnawe go fawe.

Ayzaya 29:2

Stil a go mek trɔbul mit Eriɛl, ɛn na soso pini ɛn bita bita kray go de de; ɛn i go tan to mi lɛk ɔlta fayasay.

Jɛrimaya 32:5

ɛn i go tek Zɛdikaya go Babilɔn, ɛn na de i go de sote a go waka to am. Ɔlwe una go fɛt di Babilonian dɛm, una nɔ go ebul dɛm’?”