Jɛrimaya 39:18 - Krio Fɔs Oli Baybul

¹⁸ Bikɔs a go mɔs sev yu ɛn yu nɔ go day na wa; bɔt yu go gɛt yu layf as di prayz na di wa, bikɔs yu dɔn put yu at to mi. Na so PAPA GƆD se.’”

Jɛrimaya 39:18 Referans Kwoze

Jɛrimaya 38:2

“Na dis PAPA GƆD se. Ɛnibɔdi we go kɔntinyu fɔ tap na dis siti, go day na wa, wit bad bad aŋri ɔ bay siknɛs; bɔt di wan dɛn we go to di Babilonian dɛm, dɛn layf go sev; dɛn layf go bi di prayz fɔ wa, ɛn dɛn nɔ go day.

Di Sam Dɛm 34:22

PAPA GƆD de sev in yon pipul ɔltɛm; i nɔ de kɔmɔt biɛn udat abop pan am.

Jɛrimaya 21:9

Udat nɔ gri kɔmɔt na di siti go day na wa, ɔ wit bad bad aŋri ɔ siknɛs; bɔt udat go na do go sɔrɛnda to di Babilonian dɛm we sɔrawnd una, nɔ go day, ɛn i go gɛt in layf fɔ in prayz na wa.

Lɛta Fɔ Ɛfisɔs 1:12

Na dat mek wi we fɔs dɔn abop pan Krays fɔ prez Gɔd fɔ in pawa.

Di Sam Dɛm 84:12

PAPA GƆD, PAPA GƆD Ɔlmayti, pɔsin we put in trɔs pan yu gladi ɛn gɛt blɛsin.

Di Sam Dɛm 147:11

PAPA GƆD lɛk pipul we de fred ɛn rɛspɛkt am, we abop pan am bikɔs in lɔv nɔ de chenj.

1 Kronikuls 5:20

ɛn wɛn dɛn bin gɛt pipul dɛn fɔ ɛp dɛn fɔ fɛt, dɛn bin kapchɔ di Agrayt ɛn ɔl di wan dɛn we bin de wit dɛn, bikɔs dɛn bin pre to PAPA GƆD we dɛn de fɛt. I gi dɛn wetin dɛn aks fɔ bikɔs dɛn biliv am.

Di Sam Dɛm 37:3

Trɔs PAPA GƆD ɛn du gud; Tap na di land we PAPA GƆD prɔmis yu ɛn ɛnjɔy di kɔba we i dɛn kɔba yu.

Di Sam Dɛm 33:18

Bɔt PAPA GƆD yay de pan ɔl udat abop pan am; ɛn i de wach dɛn wan we abop pan in lɔ we nɔ de chenj;

Pita In Fɔs Lɛta 1:21

Krays dɔn mek una biliv pan Gɔd, we mek i rayz frɔm di grev ɛn ɔna am; na dat mek una trɔs Gɔd ɛn abop se i go du wetin i dɔn prɔmis se in go du.

Lɛta Fɔ Rom 2:12

Ɛnibɔdi we nɔ bin de ɔnda di Lɔ we Gɔd gi Mozis, we sin, go go ɛl, pan ɔl we i nɔ bin de ɔnda di Lɔ; ɛn ɛnibɔdi we bin de ɔnda di Lɔ we Gɔd gi Mozis, we sin, na di Lɔ Gɔd go tek jɔj am.

Ayzaya 26:3

Yu de mek pɔsin we in maynd de to yu de wit kol at, bikɔs i biliv pan yu.

Di Sam Dɛm 2:12

Put yusɛf dɔŋ bifo PAPA GƆD in bɔypikin mek i nɔ vɛks ɛn dɔnawe wit yu, bikɔs i kin vɛks ɛnitɛm. I go fayn fɔ ɔl udat de go to am fɔ mek i kɔba dɛn.

Job 5:20

If aŋri de na siti, i nɔ go mek yu day wit aŋri, ɛn i nɔ go mek dɛn kil yu we wa de.

Di Sam Dɛm 91:7

Wan tawzin pipul go day nain lɛfan dɔn tɛn tawzin nain raytan. I lɛk wetin kil dɛn, i nɔ go mit am.