Jɛrimaya 39:10 - Krio Fɔs Oli Baybul

¹⁰ Nɛbyuzaradan, we na di kapten fɔ di gyadman dɛn, bin lɛf sɔm pan di po pipul dɛn we nɔ gɛt natin. Dɛn bin gi dɛm greps fam ɛn grɔn dɛm togɛda.

Jɛrimaya 39:10 Referans Kwoze

2 Kiŋ 25:12

Na di wan dɛn we yu go se na di popoliopo nɔmɔ, na dɛn i lɛf na Jerusɛlɛm, ɛn i lɛf dɛn wan dɛn de fɔ de plant greps ɛn de dig di grɔn fɔ plant.

Jɛrimaya 52:16

Bɔt Nɛbyuzaradan we na di kapten pan di gyadman dɛm, bin lɛf sɔm pan di popoliopo dɛm na di land fɔ plant greps ɛn dig grɔn fɔ plant.

Jɛrimaya 40:7

We ɔl di kapten dɛm na di difrɛn fɔs dɛm na di opin kɔntri ɛn dɛn man dɛm yɛri se di kiŋ na Babilɔn dɔn pik Gɛdalaya we na Aikam in bɔypikin, fɔ bi gɔvna na di land, ɛn dɔn put di man, uman ɛn pikin dɛm nain kia, we na dɛm popoliopo dɛn na di land we dɛn nɔ bin kɛr go ɛgzayl na Babilɔn,

Izikɛl 33:24

Dɛn wan we tap na dɛn yuslɛs ples dɛm, na Izrɛl kɔntri, de tɔk tɔk se, ‘Ebraam na bin wangren man, stil i bin ebul fɔ mek di kɔntri in yon; bɔt wi bɔku, dɛn dɔn gi wi di kɔntri fɔ tru tru fɔ lɛ wi tek am fɔ wi yon.’

Ayzaya 7:21

Da de de, wan man go kip wan yɔŋ kaw ɛn tu ship;

Jɛrimaya 40:10

As fo mi, a go tap na Mizpa fɔ tinap fɔ una bifo di Babilonian dɛn we go kam to wi; bɔt as fɔ una, una gɛda wayn ɛn dray sizin frut ɛn ɔyl, ɛn kip dɛm na una kɔntena dɛn, ɛn tap na di siti dɛm we una dɔn kapchɔ.”

Jɛrimaya 43:6

di man dɛm, di uman dɛm, di pikin dɛm, di kiŋ in gyal pikin dɛm ɛn ɔlman we Nɛbyuzaradan we na di kapten fɔ di gyadman dɛm, bin lɛf to Gɛdalaya we na Aikam in bɔypikin ɛn semweso, Shafan in grampikin; wit Jɛrimaya we na prɔfɛt ɛn Baruch we na Nɛraya in bɔypikin.

Zɛkaraya 11:7

Na so Zɛkaraya tek bi wachman fɔ ship dɛn we dɛn dɔn rɛdi fɔ go kil. So i tek tu wɔkinstik we i gi di wan nem Gres, dɔn di ɔda wan i kɔl Wanwɔd. Na so i luk di ship dɛn.