Jɛrimaya 38:4 - Krio Fɔs Oli Baybul

⁴ Nain di bigman dɛn tɛl di kiŋ se, “Lɛ wi kil dis man, bikɔs i de pwɛl di soja man dɛn we lɛf na di siti, ɛn ɔl di pipul dɛn at wit da kayn wɔd de we i de tɛl dɛm. Bikɔs dis man nɔ de mɛmba fɔ di pipul dɛn sefti o, na dɛn day wan i want.”

Jɛrimaya 38:4 Referans Kwoze

Jɛrimaya 26:11

Nain di man dɛn we de mek sakrifays fɔ pipul sin ɛn di prɔfɛt dɛm tɛl di bigman dɛm ɛn ɔl di pipul dɛn se, “Dis man sɔpoz fɔ gɛt dɛt sɛntɛns, bikɔs i dɔn prɔfisay agens dis siti, as una bin dɔn yɛri wit una yon yes.”

Apɔsul Dɛn Wok 16:20

Di pipul dɛn kɛr Pɔl ɛn Saylas go bifo di bigman dɛn na di kot. Dɛn tɛl di bigman dɛn se, “Dɛn man ya na Ju pipul ɛn dɛn de ambɔg dɛn pipul na dis tɔŋ.

Emɔs 7:10

Amazaya we de mek sakrifays fɔ pipul sin na Bɛthɛl, sɛn ripɔt to Kiŋ Jɛroboam na Izrɛl se, Emɔs dɔn jɔyn pipul dɛn fɔ tɔn agens am. Wetin i tɔk, luk an yanda.

Jɛrimaya 29:7

Du ɔltin fɔ ɛp di siti we a dɔn sɛn una go ɛgzayl, ɛn pre to PAPA GƆD fɔ am, bikɔs na we di siti bɛtɛ, unasɛf go gɛt ɔl wetin una want.

Nɛimaya 6:9

Dɛn bin de tray fɔ skyad wi. Dɛn bin tink se dɛn go ebul fɔ mek wi fɛdɔp ɛn nɔ dɔn di wok we wi bin de du. So a pre mek PAPA GƆD gi mi kɔrej ɛn mɔ trɛnk.

1 Kiŋ 21:20

Wɛn Eab si Ilayja, i tɛl am se “E bo mi ɛnimi! Yu kam fɛn mi na yaso bak!?” Ilayja ansa am se yɛs, in go fɛn am bikɔs i jɛs mekɔp in maynd fɔ de du bad bifo PAPA GƆD in yay.

Ɛksodɔs 5:4

Bɔt di kiŋ aks Mozis ɛn Erɔn se, “wetindu una wan di pipul dɛn kɔmɔt pan di wok we dɛn de du? Una go bak go du una wok.”

Apɔsul Dɛn Wok 28:22

Bɔt wi go lɛk fɔ yɛri wetin yu biliv, bikɔs wi no se pipul de ɔlsay we de tɔk bad bɔt dis grup we yu dɔn go jɔyn.”

Apɔsul Dɛn Wok 24:5

Wi dɔn fɛnɔt se dis man ya na pɔsin we de sɛtfaya na di kɔntri, i de mek dɛn Ju pipul strayk ɔlsay na di wɔl ɛn in na di lida fɔ di grup we dɛn kɔl Nazarin.

Apɔsul Dɛn Wok 17:6

Bɔt we dɛn nɔ fɛn dɛn, dɛn drɛg Jesɔn ɛn sɔm Kristiɛn dɛn go bifo di bigman dɛn na di tɔŋ. Di Ju pipul dɛn ɛn di trit pipul dɛn bin de ala se, “Dɛn man ya de ambɔg ɔlsay! Dɛn dɔn kam naw na wi tɔŋ,

Lyuk 23:2

Dɛn tɛl Paylet se, “Wi mit dis man de put wɔd na di pipul dɛn yes fɔ mek dɛn strayk ɛn i se wi nɔ fɔ pe taks to di kiŋ na Rom. I tɔk se in na di Mɛsaya ɛn dat min se in na kiŋ.”

Izikɛl 22:27

Dɛn bigman dɛn we de de, tan lɛk wulf we de chɛr di tin we i kech fɔ it, dɛn de kil pipul ɛn nyakanyaka pipul dɛn layf fɔseka jɛntri we nɔ klin na Gɔd yay;

Ɛzra 4:12

Wi want di kiŋ fɔ no se di Ju dɛn we kɔmɔt Babilɔn we kam tap ya na Jerusɛlɛm dɔn bigin fɔ bil di siti. Mɛmba se dɛn pipul ya de biev lɛkɛ rebɛl ɛn na soso bad tin dɛn de du. Infakt dɛn bin dɔn le fawndeshɔn fɔ bil di siti wɔl ɛn i lɛf smɔl mɔ fɔ bil an dɔn.

2 Kronikuls 24:21

Bɔt dɛn tay bagin fɔ am, ɛn di kiŋ gi kɔmand fɔ lɛ dɛn ston am insay di yad na PAPA GƆD in os.

Jɛrimaya 11:21

Na dis PAPA GƆD se bɔt di man dɛn na Anatɔt we wan kil yu ɛn de tɔk se, “We yu de prɔfisay, yu nɔ fɔ tɔk se na PAPA GƆD se, ɔ nɔso, wi go kil yu”–

Jɛrimaya 18:23

PAPA GƆD, yu no ɔl dɛn plan dɛm fɔ kil mi. Nɔ fɔgiv dɛn sin dɛm, ɛn nɔ wep dɛn sin kɔmɔt bifo yu. Lɛ dɛn bit dɛm bifo yu; dil wit dɛm di tɛm we yu vɛks.

Jɛrimaya 38:16

Nain kiŋ Zɛdikaya swɛ sikrit wan to Jɛrimaya se, “Wans PAPA GƆD we mek wi sol dɛn, de, a nɔ go kil yu ɔ an yu oba to dɛn man ya we wan kil yu.”

Jɛrimaya 38:25

If di bigman dɛn yɛri se a dɔn tɔk to yu, ɛn kam mit yu se, ‘tɛl wi wetin yu bin tɛl di kiŋ ɛn wetin di kiŋ tɛl yu; nɔ ayd natin pan wi ɛn wi nɔ go kil yu,’

Jɛrimaya 43:3

bɔt na Baruch we na Nɛraya in bɔypikin dɔn put yu agens wi, fɔ gi wi to di Babilonian dɛm so dat dɛn go kil wi, ɔ kɛr wi go ɛgzayl na Babilɔn.”