Jɛrimaya 38:16 - Krio Fɔs Oli Baybul

¹⁶ Nain kiŋ Zɛdikaya swɛ sikrit wan to Jɛrimaya se, “Wans PAPA GƆD we mek wi sol dɛn, de, a nɔ go kil yu ɔ an yu oba to dɛn man ya we wan kil yu.”

Jɛrimaya 38:16 Referans Kwoze

Jɛrimaya 37:17

nain kiŋ Zɛdikaya sɛn se mek dɛn kɛr am go to am, ɛn i tɛl am kabɔ. Nain di kiŋ aks am sikrit wan nain os se, “Yu nɔ gɛt nɔn wɔd frɔm PAPA GƆD?” Jɛrimaya se, “A gɛt.” Nain i se, “Di kiŋ na Babilɔn go kapchɔ yu.”

Jɔn 3:2

Wan nɛt, Nikodimɔs go fɛn Jizɔs. I se, “Ticha, wi no se yu na ticha we Gɔd sɛn. Nɔbɔdi nɔ go ebul du dɛn wɔndaful wok we yu de du, pas Gɔd de wit di pɔsin.”

Zɛkaraya 12:1

Dis na di wɔd we PAPA GƆD tɔk bɔt Izrɛl: PAPA GƆD we mek ɛvin ɛn ath ɛn gi layf to mɔtalman se,

Ayzaya 57:16

Bikɔs a nɔ go fɛt te go ɛn nɔ go de vɛks ɔltɛm; bikɔs na mi di spirit de kɔmɔt to; ɛn a dɔn mek di lo blo blo we gi layf.

Jɛrimaya 34:20

ɛn a go mek dɛn ɛnimi dɛm ɛn dɛn wan dɛm we wan kil dɛm, kapchɔ dɛm. Na dɛn bɔd we de flay ɔp klawd ɛn dɛn animal dɛn go it dɛn dedebɔdi.

Di Nɔmba Dɛm 27:16

“Duya mek PAPA GƆD we sabi aw ɔlman tan pik sɔmbɔdi fɔ bi bɔs fɔ dɛn pipul ya,

Di Nɔmba Dɛm 16:22

Bɔt Mozis ɛn Erɔn fɔdɔm bifo PAPA GƆD ɛn beg am. Dɛn se “E PAPA GƆD, di PAPA GƆD we mek mɔtalman, yu go vɛks ɛn pɔnish ɔlman we na waŋren man sin?

Di Ibru Pipul Dɛn 12:9

Wɛn wi papa dɛn na dis wɔl pɔnish wi fɔ di bad we wi du, wi kin rɛspɛkt dɛn. So i go bɛtɛ fawe if wi put wisɛf ɔnda wi Papa we de na ɛvin, so dat wi go gɛt tru layf.

Ayzaya 42:5

Na dis PAPA GƆD se, PAPA GƆD, we mek di skay ɛn opin am wayd wan, we mek di wɔl ɛn ɔl wetin de de; we gi layf to di pipul dɛn we tap de ɛn spirit to di wan dɛn we de waka de:

Ɛkliziastis 12:7

ɛn dɔti go bak usay i kɔmɔt, dɔn di sol go bak to PAPA GƆD we bin gi yu am.

Apɔsul Dɛn Wok 17:25

Gɔd nɔ nid ɛnitin we mɔtalman de gi am bikɔs nain de gi ɔlman layf ɛn ɔltin we i want.

Apɔsul Dɛn Wok 17:28

sɔm pipul bin dɔn rayt se, ‘Na Gɔd de gi wi layf, nain de mek wi ebul waka ɛn nain de mek wi ebul du ɔltin!’ Ɛn sɔm pan una pipul dɛn we dɔn rayt buk, se, ‘Wi na Gɔd in pikin dɛn.’