Jɛrimaya 38:13 - Krio Fɔs Oli Baybul

¹³ Nain dɛn drɔ Jɛrimaya kam ɔp wit di rop dɛm ɛn es am kɔmɔt insay di wɛl. So Jɛrimaya kɔntinyu fɔ tap na di pales yad.

Jɛrimaya 38:13 Referans Kwoze

Jɛrimaya 37:21

So kiŋ Zɛdikaya gi ɔda ɛn dɛn sɛn Jɛrimaya go na di pales yad; ɛn dɛn bin de gi am wan lof bred ɛvirde we de kɔmɔt na di bekri dɛm, sote di bred na di siti bin dɔn. So Jɛrimaya bin de na di pales yad.

Apɔsul Dɛn Wok 28:30

Pɔl de tu ia na Rom na wan os we insɛf bin rɛnt. I kin gladi fɔ ɔlman we go to am.

Apɔsul Dɛn Wok 28:16

Wɛn wi rich Rom, dɛn nɔ put Pɔl na jel bɔt dɛn mek soja man de gyad am.

Apɔsul Dɛn Wok 23:35

i se, “A go kɔl di kes wɛn dɛn pipul we ol yu kam.” I tɛl di gyad dɛn fɔ put Pɔl na di ples we Ɛrɔd bin bil.

Jɛrimaya 38:28

Ɛn Jɛrimaya kɔntinyu fɔ tap na di pales yad te di tɛm we dɛn kapchɔ Jerusɛlɛm.

Jɛrimaya 38:6

So dɛn tek Jɛrimaya ɛn ib am insay Prins Malkaya we na di kiŋ in bɔypikin in wɛl, we bin de na di pales yad, Na rop dɛn tek put am dɔŋ de. Nɔn wata nɔ bin de de pas pɔtɔpɔtɔ so Jɛrimaya sink insay di pɔtɔ pɔtɔ.

1 Kiŋ 22:27

di kiŋ se dɛn fɔ put am na jel ɛn fid am wit ɛmti bred ɛn wata te i kam bak.

Apɔsul Dɛn Wok 24:27

Wɛn tu ia dɔn pas, Filiks kɔmɔt na pawa ɛn Pɔsiɔs Fɛstɔs tek in ples. Filiks bin want mek di Ju pipul dɛn lɛk am so i nɔ fri Pɔl bifo i go.

Nɛimaya 3:25

Palal, Uzay in bɔypikin in wok pan di say na di wɔl we de na do frɔm di kiŋ in os nia di kɔmpawnd usay di sikyɔriti de. Nɛks to am na Pɛdaya we na Parɔsh in bɔypikin ɛn dɛn man we bin de wok na PAPA GƆD in os wok de.

Jɛrimaya 26:16

Nain di bigman dɛn ɛn ɔl di pipul dɛn tɛl di man dɛm we de mek sakrifays fɔ pipul sin, ɛn di prɔfɛt dɛm, se, “Dis man nɔ dizav fɔ gɛt dɛt sɛntɛns, bikɔs i dɔn tɔk to wi wit PAPA GƆD we na wi Gɔd in nem.”

Jɛrimaya 32:2

Da tɛm de, di kiŋ na Babilɔn in ami bin sɔrawnd Jerusɛlɛm, ɛn dɛn bin lɔk Jɛrimaya we na prɔfɛt, na di gyadman dɛn yad, we bin de na di kiŋ na Juda in os.

Jɛrimaya 38:12

Nain Ɛbɛdmɛlɛk we na Itiopian tɛl Jɛrimaya se, “Put di ol chɛr chɛr klos dɛn ɛn di ol wan dɛm ɛn di rop ɔnda yu ɔnda an.” Jɛrimaya du wetin i se.

Jɛnɛsis 37:28

dɛn pul Josɛf kɔmɔt insay di wɛl ɛn sɛl am fɔ twɛnti silva kɔpɔ to di Ishmɛlayt dɛn we kɛr am go na Ijipt.

Prɔvabs 29:10

Pɔsin we lɛk fɔ kil nɔ lɛk pɔsin we tret, bɔt udat de du rayt de tray fɔ sev in layf.

Lamɛnteshɔn 3:58

PAPA GƆD, yu dɔn tek mi kes yu dɔn gi mi mi layf bak.