Jɛrimaya 37:21 - Krio Fɔs Oli Baybul

²¹ So kiŋ Zɛdikaya gi ɔda ɛn dɛn sɛn Jɛrimaya go na di pales yad; ɛn dɛn bin de gi am wan lof bred ɛvirde we de kɔmɔt na di bekri dɛm, sote di bred na di siti bin dɔn. So Jɛrimaya bin de na di pales yad.

Jɛrimaya 37:21 Referans Kwoze

Jɛrimaya 38:28

Ɛn Jɛrimaya kɔntinyu fɔ tap na di pales yad te di tɛm we dɛn kapchɔ Jerusɛlɛm.

Jɛrimaya 38:13

Nain dɛn drɔ Jɛrimaya kam ɔp wit di rop dɛm ɛn es am kɔmɔt insay di wɛl. So Jɛrimaya kɔntinyu fɔ tap na di pales yad.

Jɛrimaya 52:6

Di de we mek nayn insay di mɔnt we mek fo, di aŋri bin dɔn so pasmak na di siti dat natin nɔ bin de fɔ di pipul dɛn fɔ it.

Jɛrimaya 38:9

“Mi masta we na di kiŋ, dɛn man ya dɔn du bad bay wetin dɛn du to Jɛrimaya we na prɔfɛt, we dɛn put am insay da wɛl; ɛn i go day de wit angri, bikɔs nɔn it nɔ lɛf na di siti.”

Jɛrimaya 32:2

Da tɛm de, di kiŋ na Babilɔn in ami bin sɔrawnd Jerusɛlɛm, ɛn dɛn bin lɔk Jɛrimaya we na prɔfɛt, na di gyadman dɛn yad, we bin de na di kiŋ na Juda in os.

Ayzaya 33:16

I go tap na ay ples; di say we i go abop pan go bi say we na rɔk dɛn de rawnd; dɛn go gi am it, ɛn i go gɛt wata ɔltɛm.

2 Kiŋ 25:3

Bay di tɛm we i de rich di nayn na di mɔnt we mek fɔ mɔnt na di ia, bad bad aŋri bin dɔn bigin mɔna di pipul dɛn ɛn natin nɔ bin de igen fɔ it.

Job 5:20

If aŋri de na siti, i nɔ go mek yu day wit aŋri, ɛn i nɔ go mek dɛn kil yu we wa de.

Sɛkɛn Lɛta To Timoti 2:9

A de sɔfa bikɔs a de tɛl pipul di Gud Nyuz, dɛn chen mi sɛf lɛkɛ jelman, bɔt dɛn nɔ go chen Gɔd in wɔd;

Sɛkɛn Lɛta To Timoti 1:8

So yu nɔ fɔ fred fɔ tɔk bɔt wi Masta in wok; ɛn yu nɔ fɔ shem fɔ mi we de na jel fɔseka di Masta. Bɔt, yu fɔ gɛt yu yon pan di sɔfa we dɛn Kristiɛn de sɔfa fɔseka di Gud Nyuz, wit di pawa we Gɔd gi yu fɔ mek yu ebul bia.

Lɛta Fɔ Ɛfisɔs 6:20

Mi na Gɔd in mɛsenja we de na jel fɔseka di Gud Nyuz. Una pre fɔ mi, so dat a nɔ go fred fɔ tɔk bɔt Jizɔs Krays aw a fɔ tɔk bɔt am.

Lɛta Fɔ Ɛfisɔs 4:1

Mi, Pɔl, we dɛn jel bikɔs a de wok fɔ di Masta, de beg una fɔ mek una liv ɛn du wetin Gɔd tɛl una fɔ du.

Apɔsul Dɛn Wok 28:30

Pɔl de tu ia na Rom na wan os we insɛf bin rɛnt. I kin gladi fɔ ɔlman we go to am.

Apɔsul Dɛn Wok 28:16

Wɛn wi rich Rom, dɛn nɔ put Pɔl na jel bɔt dɛn mek soja man de gyad am.

Apɔsul Dɛn Wok 24:27

Wɛn tu ia dɔn pas, Filiks kɔmɔt na pawa ɛn Pɔsiɔs Fɛstɔs tek in ples. Filiks bin want mek di Ju pipul dɛn lɛk am so i nɔ fri Pɔl bifo i go.

Apɔsul Dɛn Wok 12:5

Wɛn Pita bin de na sɛl, di Kristiɛn dɛn bin de pre fɔ am traŋa wan.

Matyu 6:33

Una fɔ put una at gud pan dɛn tin we impɔtant na di say we Gɔd de rul ɛn du di rayt tin we Gɔd want una fɔ du fɔs, da tɛm de i go gi una ɔl dɛn tin ya.

Lamɛnteshɔn 5:10

Di aŋri so de mɔna wi dat wi bɔdi wam lɛk udat de na ovin.

Jɛrimaya 32:8

Nain Anamɛl we na mi kɔzin kam to mi insay di pales yad, akɔdin to wetin PAPA GƆD bin se, ɛn tɛl mi se, ‘Bay mi land we de na Anatɔt, na di land ɔf Bɛnjamin, bikɔs na yu gɛt di rayt fɔ ridim am we yu bay am; bay am fɔ yusɛf.’ Na da tɛm de a no se na PAPA GƆD in wɔd.

Prɔvabs 21:1

Lɛkɛ aw i izi fɔ PAPA GƆD fɔ kɔntrol wata we de rɔn, na so i izi fɔ am fɔ kɔntrol wetin kiŋ de plan ɛn du, ɛn na usay i want am fɔ go i de kɛr am.

Prɔvabs 16:7

Wɛn PAPA GƆD pliz wit pɔsin, i de mek in ɛnimi dɛnsɛf bi in padi.

Di Sam Dɛm 37:19

Wɛn tin bad, i nɔ go mek dɛn shem; dɛn go gɛt pas wetin dɛn want.

Di Sam Dɛm 37:3

Trɔs PAPA GƆD ɛn du gud; Tap na di land we PAPA GƆD prɔmis yu ɛn ɛnjɔy di kɔba we i dɛn kɔba yu.

Jɛrimaya 33:1

PAPA GƆD in wɔd rich Jɛrimaya di sɛkɛn tɛm, we dɛn bin stil lɔk am ɔp insay di pales yad.

Jɛrimaya 38:6

So dɛn tek Jɛrimaya ɛn ib am insay Prins Malkaya we na di kiŋ in bɔypikin in wɛl, we bin de na di pales yad, Na rop dɛn tek put am dɔŋ de. Nɔn wata nɔ bin de de pas pɔtɔpɔtɔ so Jɛrimaya sink insay di pɔtɔ pɔtɔ.

Jɛrimaya 20:2

Pashɔ bit Jɛrimaya ɛn chen am na di ples we de fɔ chen pipul na di Bɛnjamin get we de ɔp say na PAPA GƆD in os.