Jɛrimaya 37:10 - Krio Fɔs Oli Baybul

¹⁰ Ivin if una kil di wanol Babilonian ami we de fɛt una, ɛn na so so man dɛm we wund nɔmɔ lɛf, ɛn dɛn ɔl lidɔm insay dɛn tɛnt dɛm, dɛn go mɔs grap ɛn bɔn dis siti wit faya.’”

Jɛrimaya 37:10 Referans Kwoze

Joɛl 2:11

PAPA GƆD yuz in vɔys fɔ tɔk bifo in ami, di pipul nain ami so bɔku; di pɔsin we de gi dɛn ɔda so pawaful. Di de we PAPA GƆD go kam na big de we pɔsin fɔ fred; nɔbɔdi nɔ go ebul fɔ bia am.

Jɛrimaya 50:45

Fɔseka dat, una yɛri di plan we PAPA GƆD dɔn mek fɔ Babilɔn ɛn wetin i dɔn mekɔp fɔ dɛn wan dɛm we tap na Babilɔn: Dɛn go mɔs drɛg di lili wan dɛnsɛf go; dɛn ɔl go mɔs wɔnda, fɔseka di kayn tin we de apin to dɛm.

Ayzaya 30:17

Wan tawzin pipul go rɔnawe wɛn wan pɔsin trɛtin dɛn, wɛn fayv pɔsin trɛtin una, una ɔl go le, te te una lɛf lɛk flag polpantap mawnten, lɛk sayn na il.

Jɛrimaya 51:4

Dɛn go lidɔm day wan na Babilɔn we dɛn go dɔn kil dɛm, ɛn wund wund wan nain trit dɛm.

Jɛrimaya 49:20

Fɔseka dat, una yɛri di plan we PAPA GƆD dɔn mek fɔ Idɔm ɛn wetin i dɔn mekɔp fɔ dɛn wan dɛm we tap na Tɛman: Dɛn go drɛg di lili wan dɛnsɛf go; dɛn ɔl go wɔnda fɔ seka di kayn tin we apin to dɛm.

Jɛrimaya 37:8

Dɔn di Babilonian dɛn go kam bak kam fɛt una; dɛn go kapchɔ una siti ɛn go bɔn am wit faya.’”

Ayzaya 14:19

bɔt dɛn trowe yu kɔmɔt na yu yon grev, lɛkɛ aw dɛn et we pikin bɔn bifo tɛm, yu klos na di wan dɛn wan we yu kil, di we yu chuk wit sɔd, di wan dɛn we go dɔŋ to di ston ston dɛn na di dip dip ol, lɛk dedebɔdi we dɛn de mas.

Ayzaya 13:15

Dɛn go chuk ɛnibɔdi we dɛn fɛn, wan say lɛ i bɔs di ɔda say, ɛn ɛnibɔdi we dɛn kech, dɛn go kil am wit sɔd.

Ayzaya 10:4

Natin nɔ lɛf, pas fɔ butu wit dɛn prizina ɔ day wit di wan dɛn we dɛn go kil. Na fɔseka ɔl dɛn tin ya mek in at nɔ stil kol, ɛn i stil de pɔnish una.

Jɛrimaya 21:10

PAPA GƆD se, bikɔs a dɔn tɔn mi fes to dis siti fɔ bad, ɛn nɔto fɔ gud; a go mek di kiŋ na Babilɔn kapchɔ am, ɛn i go bɔn am wit faya?

Jɛrimaya 32:29

Di Babilonian dɛm we de fɛt dis siti go kam sɛt faya pan am, ɛn bɔn am, wit di os dɛm we dɛn dɔn bɔn insɛns na dɛn ruf to Beal, ɛn dɛn dɔn mek drink ɔfrin to ɔda gɔd dɛm, fɔr provok mi mek a vɛks.

Jɛrimaya 37:11

Di Babilonian ami bin dɔn kɔmɔt nia Jerusɛlɛm we dɛn yɛri se Fero in Ami de kam.

Lamɛnteshɔn 1:15

PAPA GƆD nɔ tek ɔl mi ebi ebi sojaman dɛn mek natin, man dɛn we de wit mi; i gɛda man dɛn agens mi fɔ kil mi yɔŋman dɛn; PAPA GƆD dɔn nyakanyaka di vajingyal dɛn na Juda lɛk we dɛn kin mas mas greps usay dɛn de mek wayn.