Jɛrimaya 37:1 - Krio Fɔs Oli Baybul

¹ Na Zɛdikaya we na Josaya in bɔypikin we Nɛbyukadnɛza we na kiŋ na Babilɔn bin mek kiŋ na Juda, bin rul instɛd ɔf Jɛoiachin we na Jɛoiakim in bɔypikin.

Jɛrimaya 37:1 Referans Kwoze

Jɛrimaya 22:24

PAPA GƆD se, as lɔŋ as a de alayv, ɔldo na Jɛoiachin, we na Jɛoiakim, kiŋ na Juda in bɔypikin na bin di riŋ na mi an we a de tek sayn, a go stil rut una kɔmɔt na mi an,

2 Kiŋ 24:17

Dɔn i mek Jɛoiakim in ɔnkul we nem Matanaya bi kiŋ na Juda. I chenj Matanaya in nem to Zɛdikaya.

2 Kiŋ 24:12

Kiŋ Jɛoiakim o, in mama o, in wokman dɛn o, in bigman dɛn o, ɛn ɔl in ɔfisa dɛn an dɛnsɛf oba to Nɛbyukadnɛza. Di ia we mek Nɛbyukadnɛza etin ia we i bi kiŋ na Babilɔn, na da ia de i kapchɔ Jɛoiakim.

Jɛrimaya 52:31

Insay di de we mek twɛnti-fayv na di mɔnt we mek twɛlv insay di ia we mek tati-sɛvin we dɛn bin kapchɔ Jɛoayachin we na bin kiŋ na Juda, go ɛgzayl, Ivilmɛrodak we bi kiŋ na Babilɔn da ia de, gi Jɛoayachin we na bin kiŋ na Juda in rɛspɛkt bak, ɛn fri am kɔmɔt Jel;

Jɛrimaya 24:1

Afta we Nɛbyukadnɛza, we na kiŋ na Babilɔn bin dɔn kɛr Jɛkonaya, we na Jɛoiakim we na kiŋ na Juda, in bɔypikin, togɛda wit di bigman dɛm na Juda, di man dɛm we de mek tinks dɛn wit dɛn an, ɛn di goldsmit ɛn blaksmit dɛm, go ɛgzayl na Babilɔn kɔmɔt Jerusɛlɛm, PAPA GƆD bin sho mi dis vishɔn; A si tu baskit fignɔt we dɛn put bifo PAPA GƆD in tɛmpul.

Jɛrimaya 22:28

Nain a se, dis man, Jɛoiachin, dɔn tɔn broko pɔt, tin we nɔbɔdi nɔ bisin bɔt? Wetindu yu de tot in ɛn in pikin dɛm, trowe dɛm na land we dɛn nɔ no?

Jɛrimaya 21:1

Na di wɔd dis we kam to Jɛrimaya, we kɔmɔt to PAPA GƆD di tɛm we kiŋ Zɛdikaya bin sɛn Pashɔ, we na Malkaya in bɔypikin, ɛn Zɛfinaya we na di man we de mek sakrifays fɔ pipul sin, we semweso na bin Maasɛaya in bɔypikin, to am se,

Jɛrimaya 34:2

Na dis PAPA GƆD we na Izrɛl dɛn Gɔd se: Go tɔk to Zɛdikaya we na kiŋ na Juda, ɛn tɛl am se, ‘Na dis PAPA GƆD se: Biliv mi, a de gi dis siti to di kiŋ na Babilɔn, ɛn i go bɔn am wit faya.