Jɛrimaya 36:7 - Krio Fɔs Oli Baybul

⁷ Sɔntɛm dɛn pre lɛ PAPA GƆD fɔgiv dɛm we go mek ɔlman lɛf fɔ du bad, bikɔs di tin we PAPA GƆD dɔn anawns se in go du, nɔ gud fɔ tɔk.”

Jɛrimaya 36:7 Referans Kwoze

Jɛrimaya 36:3

Sɔntɛm Juda dɛn go yɛri bɔt ɔl di bad bad plan we a gɛt fɔ dɛm, so dat ɔlman go lɛf fɔ du ivul, ɛn a go fɔgiv dɛm fɔ dɛn wikɛdnɛs ɛn dɛn sin.”

Ozie 5:15

A go kam bak na ya sote dɛn ebul fɔ gri se dɛn dɔn sin ɛn lɛf fɔ du bad ɛn kam bak to mi wɛn tin dɔn mɔna dɛn na da tɛm de dɛn go want fɔ kam bak.

Lamɛnteshɔn 4:11

PAPA GƆD pul ɔl in vɛksteshɔn pan Jerusɛlɛm, i pul ɔl in wamat pan am; i mek faya kech Jerusɛlɛm we bɔn am to asis.

Jɛrimaya 21:5

Na misɛf sɛf go fɛt una wit mi traŋa an we opin, wit vɛksteshɔn ɛn ɔt tɛmpa, ɛn wit bad bad wamat.

Jɛrimaya 4:4

Una sakɔmsayz unasɛf to PAPA GƆD, una pul di fɔs kanda we de ɔntɔp una at, Una di man dɛn na Juda ɛn una we tap na Jerusɛlɛm; if nɔto so, mi vɛksteshɔn go kɔmɔt lɛkɛ faya ɛn bɔn, we nɔbɔdi nɔ go ebul ɔt am, bikɔs ɔf di ivul we de pan di tin dɛn we una de du.”

2 Kiŋ 22:17

I se PAPA GƆD se bikɔs dɛn dɔn tɔn dɛn bak pan am ɛn bɔn insɛns to ɔda gɔd dɛn we na mɔtalman mek dɛn, in go vɛks pan dɛn ɛn da vɛks de nɔ go dɔn.

2 Kiŋ 22:13

lɛ dɛn go fɛnɔt to PAPA GƆD fɔ in ɛn di pipul dɛn ɛn ɔlman na Juda bɔt wetin rayt na di buk we dɛn fɛn. I se PAPA GƆD dɔn vɛks bad bad wan pan dɛn bikɔs dɛn fɔstɛm-papa dɛn nɔ du wetin di buk se; i se dɛn nɔ de du wetin di buk se dɛn fɔ du.

Zɛkaraya 1:4

I se dɛn nɔ fɔ tan lɛk dɛn fɔstɛm-papa dɛn we dɛn lɔntɛm prɔfɛt bin de tɛl se lɛ dɛn lɛf di bad tin we dɛn bin de du, bɔt dɛn nɔ lisin ɔ braskitul PAPA GƆD sɛf.

Jona 3:8

bɔt dɛn ɔl fɔ wɛr munin klos ɛn dɛn fɔ beg PAPA GƆD gud, ɛn di mɔtalman dɛn fɔ lɛf fɔ du bad ɛn lɛf fɔ fɛt ɛn wund ɛn chuk pɔsin.

Daniɛl 9:13

As i rayt na Mozis in lɔ, na so ɔl dis wahala dɔn mit wi. Pan ɔl dat, wi nɔ tɛl PAPA GƆD tɛnki fɔ di sɔri we PAPA GƆD we na wi Gɔd sɔri fɔ wi.

Izikɛl 22:20

Lɛk aw mɔtalman dɛn de gɛda silva ɛn bras ɛn ayɛn ɛn lɛd ɛn tin put na di big ovin, ɛn blo faya pan am fɔ mɛlt am; na so a go gɛda una wit vɛksteshɔn ɛn wamat, ɛn a go put unainsay di big ovin ɛn mɛlt una.

Izikɛl 20:33

Papa Gɔd we na Gɔd se, wans a de, biliv mi, na wit mi pawaful an, ɛn wit mi an we rɛdi fɔ blo, ɛn na we a de du bad we a vɛks bad bad wan, A go bi kiŋ oba una.

Izikɛl 13:13

So, Papa Gɔd we na Gɔd se: a go mek wan ebi ebi briz blo bikɔs ɔf di vɛks we a vɛks; ɛn big big ren go kam bikɔs ɔf di vɛks we a vɛks; ɛn sɛf, insay di vɛks we a vɛks, big big broko broko ays go fɔdɔm fɔ pwɛl am.

Izikɛl 8:18

Dat go mek a go trit dɛm wit vɛksteshɔn; mi saf yay nɔ go luk dɛnsɛf, ɛn a nɔ go sɔri fɔ dɛm atɔl. I lɛk dɛn ala de kray na mi yes, a nɔ go yɛri dɛm.

Izikɛl 5:13

“Na so a go ebul fɔ kol mi at fɔ di vɛks we a vɛks. Ɛn a go put mi vɛksteshɔn pan dɛm ɛn satisfay misɛf; ɛn dɛn go no se na mi PAPA GƆD dɔn tɔk, bikɔs ɔf di jɛlɔs we a de jɛlɔs fɔ dɛm, afta mi vɛksteshɔn go dɔn fɔdɔm pan dɛm.

Jɛrimaya 26:3

Sɔntɛm dɛn go lisin, ɛn ɔlman go lɛf dɛn ivul tin dɛn we dɛn de du, so dat a nɔ go du di bad bad tin we a bin dɔn plan fɔ du dɛm, fɔseka di ivul tin dɛn we dɛn de du.

Jɛrimaya 25:5

se, “Una chenj, una ɔl lɛf dɛn una ivul we dɛm ɛn una lɛf di tin dɛn we una de du we nɔ rayt, ɛn tap na di land we PAPA GƆD dɔn gi una ɛn una fɔstɛmpapa dɛm lɔntɛm, ɛn fɔ sote go;

Jɛrimaya 19:15

“Na dis PAPA GƆD Ɔlmayti we na Izrɛl dɛn Gɔd se, A de briŋ ɔl di bad bad tin dɛn we a bin dɔn se go apin, pan dis siti ɛn ɔl in tɔŋ dɛm, bikɔs dɛn dɔn traŋayes bad bad wan ɛn nɔ gri yɛri mi wɔd.”

Jɛrimaya 16:10

“Ɛn wɛn yu tɛl dɛn pipul dɛn ya, ɔl dɛn wɔd ya, dɛn go aks yu se, ‘wetin mek PAPA GƆD dɔn se ɔl dɛn bad bad tin ya fɔ apin to wi? Wetin na wi sin? Us sin i dɔn kɔmit agens PAPA GƆD we na wi Gɔd?

Jɛrimaya 1:3

PAPA GƆD in wɔd bin kam bak di tɛm we Josaya in bɔypikin, Jɛhoiyakin na bin kiŋ na Juda, ɛn te di tɛm we Zɛdikaya we na Josaya in bɔypikin bin ilɛvin ia na pawa, sote di tɛm we dɛn kapchɔ Jerusɛlɛm insay di mɔnt we mek fayv.

2 Kronikuls 34:21

“Una go aks fɔ mi to PAPA GƆD ɛn fɔ di wan dɛm we lɛf na Izrɛl ɛn Juda bɔt di wɔd dɛm na dis buk we wi fɛn, bikɔs. Bikɔs di kayn wamat we PAPA GƆD dɔn rɛdi fɔ wi fɔseka wi papa dɛm we nɔ kip PAPA GƆD in wɔd akɔdin to ɔl wetin rayt na dis buk, in nɔ smɔl.

Ditarɔnɔmi 31:17

PAPA GƆD tɛl am se, in go vɛks pan dɛn ɛn go nyakanyaka dɛn; bad bad tin dɛn go so mit dɛn, dat dɛn go aks dɛnsɛf se, if nɔto bikɔs PAPA GƆD nɔ de wit dɛn igen mek dɛn kayn bad tin dɛn de de mit dɛn.

Ditarɔnɔmi 31:16

Nain PAPA GƆD tɛl Mozis se di tɛm dɔn de rich fɔ lɛ i day go mit in fɔstɛm-papa dɛn; I se, datɛnde, di Izrɛlayt dɛn go kɔmɔt biɛn am ɛn go bigin wɔship di trenja gɔd dɛn we de na di land we dɛn de kam go, ɛn bay dat, dɛn go pwɛl di Kɔvinant we de bitwin dɛn ɛn PAPA GƆD.

Jɛrimaya 37:20

Naw, a beg yu mi lɔd ɛn mi kiŋ, lisin to mi: lɛ di beg we a de beg tɔch yu at, ɛn duya, nɔ sɛn mi go bak na Jonɛthan we na di sɛktri in os, if nɔso, a go day de.”

Jɛrimaya 42:2

ɛn tɛl Jɛrimaya we na prɔfɛt se, “Lisin wi prɔblɛm dɛm ɛn pre to PAPA GƆD we na yu Gɔd fɔ wi, fɔseka ɔl di wan dɛm we lɛf (bikɔs wi we lɛf na jɛs tu tri pan di wanol nɔmba as yusɛf kin si)

Izikɛl 12:3

bikɔs dɛn na pipul dɛn we nɔ de gri fɔ yɛri wɔd. So mɔtalman, pak tin dɛn we pɔsin we de go ɛgzayl kin pak fɔ yusɛf ɛn go ɛgzayl santɛm we dɛn go si yu; yu fɔ go lɛk pɔsin we de go ɛgzayl, kɔmɔt na yu ples go ɔda say we dɛn de si yu. Sɔntɛnde, dɛn go ɔndastand, ivin do dɛn na pipul dɛn we nɔ de gri yɛri wɔd.

Daniɛl 9:18

Duya PAPA GƆD, opin yu yes ɛn yɛri; opin yu yay dɛn ɛn luk aw wi dɔn nyakanyaka, ivin di siti we gɛt yu nem; fɔ wi nɔ de beg yu PAPA GƆD bikɔs wi gɛt rayt sa, bɔt bikɔs yu na PAPA GƆD we kin sɔri dip dip wan.

Joɛl 2:12

PAPA GƆD se, naw naw, dɛn fɔ go bak to am wit ɔl dɛn at, dɛn fɔ fast ɛn kray, ɛn sho se dɛn sɔri;

Joɛl 2:13

ɛn nɔto dɛn klos nɔmɔ dɛn fɔ chɛr fɔ sho se dɛn sɔri, na dɛn at dɛn, dɛn fɔ ɛmti bifo am. In naw se lɛ dɛn go bak to PAPA GƆD we na GƆD bikɔs nain gɛt gud at ɛn sɔri - at bad, i nɔ de vɛks kwik ɛn in lɔv fɔ dɛn nɔ de chenj, ɛn i rɛdi fɔ fɔgiv dɛn ɔltɛm.