Jɛrimaya 36:2 - Krio Fɔs Oli Baybul

² “Tek wan skrol ɛn rayt ɔl wetin a dɔn tɔk agens Izrɛl ɛn Juda, ɛn ɔl ɔda neshɔn dɛm, frɔm di de we a bigin tɔk to yu, dat na frɔm Josaya in tɛm, te tide.

Jɛrimaya 36:2 Referans Kwoze

Jɛrimaya 30:2

“Na dis PAPA GƆD we na Izrɛl dɛn Gɔd se: Rayt ɔltin we a dɔn tɛl yu na buk.

Jɛrimaya 25:3

I se, “Fɔ twɛnti tri ia, frɔm di ia we mek Josaya we na Amɔn in bɔypikin, tɔtin ia as kiŋ na Juda’ te to dis de, PAPA GƆD in wɔd dɔn kam to mi ɛn a dɔn kɔntinyu fɔ tɔk to una, bɔt una nɔ lisin.

Jɛrimaya 1:10

Tide, a dɔn put yu oba neshɔn ɛn kindɔm dɛm, fɔ pik kɔmɔt ɛn fɔ brokdɔŋ, fɔ pwɛl ɛn fɔ kapsay fɔ bil ɛn fɔ plant.”

Ɛksodɔs 17:14

Dɛn, PAPA GƆD tɛl Mozis mek i rayt ɔl wetin apin na skrol we dɛn go de mɛmba, ɛn mek shɔ se Jɔshwa yɛri wetin i se, bikɔs i go pul di Amalɛkayt dɛn kpatakpata kɔmɔt na di wɔl.

Izikɛl 2:9

Ɛn wɛn a luk, nain a si wan an tret to mi, ɛn i ol wan skrol we dɛn rayt pan;

Jɛrimaya 51:60

Jɛrimaya bin rayt ɔl di bad bad tin dɛm we fɔ mit Babilɔn insay wan buk, dat na ɔltin we rayt na ya bɔt Babilɔn.

Jɛrimaya 36:23

As Jehudi rid tri ɔ fo paregraf so, di kiŋ de kɔt am kɔmɔt wit pɛn nɛf ɛn trowe am insay di faya na di kolpɔt. Na so i du sote ɔl di skrol bɔn dɔn na di faya we bin de insay di kolpɔt.

Jɛrimaya 36:6

so na yu go go. Di fɔs de, yu go rid di skrol we yu bin rayt we a bin de tɔk, insay PAPA GƆD in os lɛ ɔl di pipul dɛn yɛri PAPA GƆD in wɔd. Yu go rid am bak na Juda lɛ ɔl di man dɛn we kam na dɛn siti dɛn yɛri.

Ayzaya 8:1

Nain PAPA GƆD tɛl mi se, “Tek wan tablɛt ɛn rayt di laŋwej we ɔlman no. “Dis blant, Maa-shalal-ashbaz.”

Di Sam Dɛm 40:7

Dɛn a se “A dɔn kam. Insay yu buk, i rayt de se

Ɛzra 6:2

Na Ɛkbatana we de na di Mɛdia Prɔvins na de dɛn go fɛn wan skrol we dɛn bin rayt pan, we se: Mɛmorandɔm:

Ozie 8:12

I se ivin if i mek tɛn tawzin lɔ bɔt di sin we dɛn de sin, dɛn nɔ go bisin sɛf. I go tan lɛk na strenj tin to dɛn.

Jɛrimaya 45:1

Dis na wetin Jɛrimaya we na prɔfɛt bin tɛl Baruch we na Nɛraya in bɔypikin, wɛn i bin de rayt dɛn tin ya insay wan buk we Jɛrimaya in bin de tɔk, insay di ia we mek fo, we Jɛoiakim we na Josaya in bɔypikin bin de rul Juda:

Jɛrimaya 36:29

As fɔ Jɛoiakim we na kiŋ na Juda, yu go tɔk se, ‘Na dis PAPA GƆD se. Yu dɔn bɔn dis skrol de se, “Wetin mek yu dɔn rayt pan am se di kiŋ na Babilɔn go mɔs kam nyakanyaka dis land, ɛn nɔ go lɛf mɔtalman ɔ animal sɛf de?”

Jɛrimaya 2:4

Una yɛri PAPA GƆD in wɔd, yu Jekɔb in os, ɛn ɔl di difrɛn famili dɛn na Izrɛl.

Jɛrimaya 1:5

“Bifo a mek yu na yu mami in bɛlɛ, a bin dɔn no yu, ɛn bifo yu bɔn, a bin dɔn kɔnsikret yu fɔ mi wok; a pik yu fɔ bi prɔfɛt to ɔl di neshɔn dɛm.”

Job 31:35

Eya! If pɔsin bin de we de lisin mi, i bin go gud, a de sayn se ɔl wetin a se na tru! Eya! A wish di lɔya pepa bin de we wetin mi ɛnimi se a du am, rayt!

Ditarɔnɔmi 31:24

We Mozis bin dɔn rayt di Lɔ na buk dɔn,

Di Ibru Pipul Dɛn 10:7

Na dat mek a se, ‘Gɔd, luk mi na ya, a dɔn rɛdi fɔ du wetin yu want mi fɔ du, jɛs lɛkɛ aw dɛn rayt bɔt mi na di Ju Lɔ buk.’”

Jɛrimaya 1:9

Nain PAPA GƆD es in an ɛn tɔch mi mɔt; dɔn PAPA GƆD tɛl mi se, “a de tɛl yu, a dɔn put mi wɔd na yu mɔt.

Jɛrimaya 36:14

Nain ɔl di bigman dɛn sɛn Jehudi we na Netanaya in bɔypikin, Shɛlɛmaya in grampikin ɛn Kushi in gret grampikin fɔ go tɛl Baruch, se, “Tek di skrol we yu rid to ɔl di pipul dɛm kam.” So Baruch we na Nɛraya in bɔypikin, tek di skrol go to dɛm.

Jɛrimaya 36:18

Baruch ansa dɛm se “In bin de tɔk mi de rayt wit ink na di skrol.”