Jɛrimaya 34:9 - Krio Fɔs Oli Baybul

⁹ se ɔlman fɔ fri in Ibru slev dɛm, man ɔ uman, so dat nɔbɔdi nɔ go mek in Ju brɔda ɔ sista slev.

Jɛrimaya 34:9 Referans Kwoze

Lɛta Fɔ Filipay 3:5

Bikɔs wan wik afta a bɔn nain dɛn sakɔmsayz mi. Mi mama ɛn mi papa na Ju, dɛn fambul to Bɛnja min, ɛn ɔl mi fambul dɛn na Ibru pipul. Mi na wan pan dɛn Faresi so a bin de du ɔl wetin di Ju Lɔ se, lɛkɛ dɛn.

2 Kɔrint 11:22

If dɛn na Ibru, misɛf na Ibru. If dɛn na Izrɛl pipul, misɛf na Izrɛl pɔsin. If dɛn na Ebraam in grampikin pikin dɛm, misɛf na Ebraam in grampikin pikin.

1 Kɔrint 6:8

Bifo dat, na unasɛf de du una kɔmpin bad, na unasɛf de tek una kɔmpin prɔpati, una de du dɛn tin ya to una yon Kristiɛn brɔda dɛn.

Jɛrimaya 34:10

Ɛn dɛn bin obe; ɔl di bigman dɛm, ɛn ɔl di pipul dɛn we bin dɔn mek di Kɔvinant se, ɔlman fɔ fri in slev, man ɔ uman, so dat dɛn nɔ go bi slev igen; dɛn bin obe ɛn bin fri dɛm.

Jɛrimaya 30:8

PAPA GƆD Ɔlmayti se, “I go apin da de de se, a go brok di chen kɔmɔt na dɛn nɛk, ɛn a go fri dɛm, ɛn trenja dɛn nɔ go tek dɛn mek bɔy igen

Jɛrimaya 27:7

Ɔl di neshɔn dɛm go sav im, in bɔypikin ɛn in grampikin, sote di tɛm fɔ in yon land kam; datɛnde, bɔku neshɔn dɛm ɛn pawaful kiŋ dɛm go mek am dɛn slev.

Jɛrimaya 25:14

Bikɔs bɔku neshɔn dɛm ɛn big big kiŋ dɛn go tek dɛn mek slev; ɛn a go pe dɛm bay di wok we dɛn du, wetin dɛn du wit dɛn yon an.

1 Samiɛl 14:11

So Jonɛthan ɛn in bɔbɔ go na di Filistin dɛn bes ɛn mek di Filistin dɛn si dɛn. As di Filistin dɛn si dɛn, dɛn ala, “Luk di Ibru dɛn de kɔmɔt na di ol we dɛn bin de ayd.”.

1 Samiɛl 4:9

Dɛn kɔrej dɛnsɛf lɛ dɛn nɔ giv ɔp bɔt fɛt lɛk man dɛn ɔ nɔ so dɛn go tɔn slev to di Ibru dɛn lɛk aw di Ibru dɛn bin dɔn bi dɛn slev.

1 Samiɛl 4:6

We di Filistin dɛn yɛri di nɔys, dɛn aks wetindu di nɔys bɔku so na di Ibru dɛn kamp. Dɛn bin gɛt fɔ no se di Izrɛlayt dɛn dɔn go briŋ di ak ɔf di Kɔvinant kam na dɛn kamp.

Ditarɔnɔmi 15:12

Mozis tɛl di Izrɛlayt dɛn se if ɛni pan dɛn Ibru brɔda ɔ sista pɔŋ insɛf to dɛn fɔ wok fɔ dɛn fɔ natin, i fɔ wok fɔ siks ia nɔmɔ; afta dat, dɛn fɔ fri am we di ia we mek sɛvin bigin,

Ɛksodɔs 3:18

Di Izrɛlayt lida dɛn go biliv wetin yu se, ɛn una ɔl go go to di kiŋ na Ijipt ɛn tɛl am se, PAPA GƆD we na di PAPA GƆD we di Ibru pipul dɛn de wɔship apia to una ɛn tɛl una se una fɔ travul fɔ tri de go patrol na di ples we pɔsin nɔ go ebul tap fɔ go ɔfa sakrifays to am.

Ɛksodɔs 2:6

We i opin di blay i si di pikin insay ɛn di pikin bigin fɔ kray. I sɔri fɔ no wantɛm se dis na wan pan dɛn Ibru dɛn pikin.

Jɛnɛsis 40:15

bikɔs, na kech dɛn kech am na Ibru kɔntri we mek in de de ɛn naw in nɔ du natin fɔ mek dɛn put am na jel.

Jɛnɛsis 14:13

Bɔt wan man bin rɔnawe ɛn go tɛl Ebram, da Ibru man, ɔl wetin apin. Da tɛm de Ebram bin tap nia Mamrɛ da Amɔrayt man in ok tik dɛn. Mamrɛ ɛn in tu brɔda dɛn, Ɛshkɔl ɛn Ana, na bin Ebram in tayt padi dɛn.