Jɛrimaya 34:8 - Krio Fɔs Oli Baybul

⁸ Dis na PAPA GƆD in wɔd we bin rich Jɛrimaya, afta kiŋ Zɛdikaya bin dɔn mek wan Kɔvinant wit ɔl di pipul dɛm na Jerusɛlɛm, fɔ mek pɔblik anawnsmɛnt fɔ fridɔm,

Jɛrimaya 34:8 Referans Kwoze

Lɛvitikɔs 25:10

Na so dɛn go tek fɔ mek ɔlman no se da de de na oli de we fɔ fri ɔltin dat na fɔ fri di wan we na slev ɛn fɔ gi dɛn land we dɛn bin dɔn tek na dɛn an dɛn bak.

Jɛrimaya 34:17

Fɔseka dat, na dis PAPA GƆD se: una nɔ obe mi we una nɔ kip to di pɔblik anawnsmɛnt fɔ fridɔm, we ɔlman fɔ fri in brɔda ɛn neba; so a de anawns se una fridɔm na to wa, siknɛs ɛn bad bad aŋri. A go so du am dat ɔl di kindɔm dɛn na di wɔl go fred bad bad wan, we dɛn go yɛri wetin apin to una. Na so PAPA GƆD se.

2 Kiŋ 11:17

Jɛoyada mek Kɔvinant bitwin di kiŋ ɛn PAPA GƆD, ɛn di pipul dɛn; dɛn se dɛn go bi PAPA GƆD in pipul dɛn. I mek di kiŋ ɛn di pipul dɛn tay bagin.

Ayzaya 61:1

Papa Gɔd we na Gɔd in Spirit de pan mi, bikɔs PAPA GƆD dɔn anɔynt mi fɔ briŋ gud yus to di wan dɛn we de sɔfa; I dɔn sɛn mi fɔ mɛn dɛn wan we gɛt brok at, fɔ anawns to dɛn wan we dɛn bin dɔn kapchɔ, se, dɛn dɔn fri, fɔ opin di jel yad fɔ di wan dɛn we dɛn tay;

Nɛimaya 9:38

“Wit ɔl wetin dɔn bi, wi de mek pepa fɔ sho se wi gri ɛn wi bigman dɛn, wi Livayt dɛn ɛn dɛn man dɛn we de mek sakrifays fɔ wi sin dɛn ɔl go put dɛn stamp dɛn na di pepa.”

2 Kronikuls 29:10

Naw, i de na mi at fɔ mek Kɔvinant wit PAPA GƆD we na Izrɛl dɛn Gɔd, mek in bad bad wamat go kol fɔ wi.

2 Kronikuls 23:16

Jɛoiada mek Kɔvinant bitwin insɛf ɛn ɔl di pipul dɛm ɛn di kiŋ se, dɛn fɔ bi PAPA GƆD in pipul dɛm.

Ditarɔnɔmi 15:12

Mozis tɛl di Izrɛlayt dɛn se if ɛni pan dɛn Ibru brɔda ɔ sista pɔŋ insɛf to dɛn fɔ wok fɔ dɛn fɔ natin, i fɔ wok fɔ siks ia nɔmɔ; afta dat, dɛn fɔ fri am we di ia we mek sɛvin bigin,

Ayzaya 58:6

“Nɔto di fast dis we a pik: fɔ lus di rop dɛn we dɛn tek tay pipul wit wikɛdnɛs, fɔ lus di prɔblɛm dɛn we dɛn tay na pipul dɛn nɛk, lɛ dɛn lɛf fɔ aras pipul, ɛn fɔ tap fɔ trit pipul bad?