Jɛrimaya 34:17 - Krio Fɔs Oli Baybul

¹⁷ Fɔseka dat, na dis PAPA GƆD se: una nɔ obe mi we una nɔ kip to di pɔblik anawnsmɛnt fɔ fridɔm, we ɔlman fɔ fri in brɔda ɛn neba; so a de anawns se una fridɔm na to wa, siknɛs ɛn bad bad aŋri. A go so du am dat ɔl di kindɔm dɛn na di wɔl go fred bad bad wan, we dɛn go yɛri wetin apin to una. Na so PAPA GƆD se.

Jɛrimaya 34:17 Referans Kwoze

Matyu 7:2

Aw una jɔj ɔda pipul, na di sem we Gɔd go jɔj unasɛf.

Lɛta Fɔ Galeshya 6:7

Una nɔ mek unasɛf ful se una kin ful Gɔd. Na wetin una plant, una go gɛt.

Jɛrimaya 29:18

A go mek wa, bad bad aŋri ɛn siknɛs de biɛn dɛm, ɛn a go mek dɛn pipul fɔ fred na ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go,

Ditarɔnɔmi 28:25

PAPA GƆD go mek dɛn ɛnimi dɛn bit dɛn bad bad wan ɛnitɛm we dɛn atak dɛn. We dɛn go na batul fil, na rɔnawe dɛn go de rɔnawe ɛn skata ɔlɔbɔt. Di wanol wɔl go fred we dɛn go si wetin de apin to dɛn.

Jems 2:13

If pɔsin nɔ de sɔri fɔ in kɔmpin mɔtalman ɛn padin am wɛn i du am bad, Gɔd nɔ go sɔri fɔ da pɔsin de ɛn padin am wɛn i go jɔj am. Bɔt pɔsin we de sɔri fɔ in kɔmpin mɔtalman ɛn padin am, Gɔd insɛf go sɔri fɔ insɛf ɛn padin am wɛn i de jɔj am.

Daniɛl 6:24

Nain di kiŋ gi ɔda, ɛn dɛn briŋ ɔl dɛn man dɛn we bin go tɛl di kiŋ bɔt Daniɛl, dɛn pikin ɛn dɛn wɛf dɛn, ɛn trowe dɛn ɔl insay di say we dɛn layɔn dɛn de; bifo dɛn de fɔdɔm go dɔŋ so, di layɔn dɛn dɔn jomp, gɛda dɛn ɛn brok brok ɔl dɛn bon dɛn smɔl smɔl wan.

Jɛrimaya 32:24

Di dɔti we dɛn pak rawnd fɔ klem ɛn atak, dɔn bil kam ɔp di siti fɔ kapchɔ am, ɛn fɔseka wa ɛn bad bad aŋri ɛn siknɛs, dɛn go gi di siti to di Babilonian dɛm we de fɛt dɛm. Wetin yu bin se dɔn bi, ɛn yu si am wit yu yay.

Jɛrimaya 15:4

Ɛn a go mek di difrɛn kɔntri dɛn na di wanol wɔl fred dɛn bad bad wan fɔseka wetin Ɛzikaya we na kiŋ na Juda, in bɔypikin Manasɛ bin du na Jerusɛlɛm.

Ɛsta 7:10

Di kiŋ se na fɔ kɛr Eman go ɛŋ am de. So dɛn kɛr am go ɛŋ am na di galos we i bin mek fɔ Mɔdikay. Dat mek di kiŋ in at kol.

Ditarɔnɔmi 28:64

I tɛl dɛn se PAPA GƆD go skata dɛn ɔlsay na di wɔl, ɛn na de dɛn go wɔship dɛn tik ɛn ston gɔd dɛn, we dɛn ɛn dɛn fɔstɛm-papa dɛn nɔ ɛva no.

Rɛvɛleshɔn 16:6

Dɛn pipul ya bin dɔn kil yu pipul dɛn ɛn dɛn wan we bin de tɔk di mɛsej we yu gi dɛn, dɛn bin mek dɛn blɔd rɔn so naw yu dɔn gi dɛn blɔd fɔ drink. Na wetin dɛn wok fɔ, nain dɛn gɛt!”

Lamɛnteshɔn 1:8

Jerusɛlɛm bin dɔn kɔmit sin bad bad wan, we mek i bin dɔn dɔti na PAPA GƆD in yay; ɔl di wan dɛn we bin rɛspɛkt am bigin luk am lɛk natin, bikɔs dɛn dɔn si aw i tan; in sɛf sɛf de kray nain at, ɛn de ayd in fes.

Jɛrimaya 32:36

“Fɔseka dat, na dis PAPA GƆD we na Izrɛl dɛn Gɔd se bɔt dis siti we yu tɔk bɔt se, ‘Dɛn dɔn gi am to di kiŋ na Babilɔn we yu go yuz, wa, bad bad aŋri ɛn siknɛs’:

Jɛrimaya 21:7

PAPA GƆD se, afta dat, A go mek Nɛbyukadnɛza we na kiŋ na Babilɔn, we na Zɛdikaya dɛn ɛnimi dɛn we de tray fɔ kil dɛm, ebul kapchɔ Zɛdikaya we na kiŋ na Juda, ɛn in wokman dɛm, ɛn ɔl di pipul dɛn na dis siti we nɔ day di tɛm we siknɛs, wa ɛn bad bad aŋri bin mit dɛm; Nɛbyukadnɛza go kil dɛm wit sɔd; i nɔ go luk nɔbɔdi ɛn sɔri fɔ am, ɔ lɛf ɛnibɔdi ɔ fil nain at fɔ nɔbɔdi.

Jɛrimaya 15:2

Ɛn wɛn dɛn aks yu se, ‘usay wi fɔ go?’ Yu fɔ tɛl dɛm se, ‘Na dis PAPA GƆD se: Dɛn wan dɛn we fɔ day bay siknɛs, go day bay siknɛs, ɛn dɛn wan dɛn we fɔ day na wa, go day na wa; dɛn wan dɛn fɔ day we bay bad bad aŋri, go day bay bad bad aŋri, ɛn di wan dɛn we na fɔ kech kɛr go mek slev, go go as slev.”

Ditarɔnɔmi 19:19

di kayn tin we in bin wan lɛ apin to in kɔmpin, nain fɔ apin to am; di sem pɔnishmɛnt we di ɔda man bin fɔ gɛt if i bin gilti, na di sem pɔnishmɛnt fɔ gi am fɔ we i lay pan in brɔda. Datɛnde, di sin we i bin dɔn mek kam pan Izrɛl we i lay pan in brɔda, go kɔmɔt.

Jɛrimaya 34:8

Dis na PAPA GƆD in wɔd we bin rich Jɛrimaya, afta kiŋ Zɛdikaya bin dɔn mek wan Kɔvinant wit ɔl di pipul dɛm na Jerusɛlɛm, fɔ mek pɔblik anawnsmɛnt fɔ fridɔm,

Jɛrimaya 38:2

“Na dis PAPA GƆD se. Ɛnibɔdi we go kɔntinyu fɔ tap na dis siti, go day na wa, wit bad bad aŋri ɔ bay siknɛs; bɔt di wan dɛn we go to di Babilonian dɛm, dɛn layf go sev; dɛn layf go bi di prayz fɔ wa, ɛn dɛn nɔ go day.

Jɛrimaya 29:17

Na dis PAPA GƆD Ɔlmayti se, A de sɛn wa, bad bad aŋri ɛn siknɛs pan dɛm, ɛn a go mek dɛm lɛkɛ stinkin fig we dɔn so rɔtin dat dɛn kyant it am.

Jɛrimaya 32:25

Pan ɔl dat, yu PAPA GƆD we na mi Gɔd tɛl mi se, “Bay di land wit mɔni ɛn gɛt witnɛs dɛm” –ɔlwe di Babilonian dɛn de kapchɔ di siti.’”