Jɛrimaya 34:16 - Krio Fɔs Oli Baybul

¹⁶ bɔt una tɔn rawnd ɛn briŋ fityay to mi nem we una ɔl tek una man ɛn uman slev dɛm bak, we una bin dɔn fri akɔdin to wetin dɛn bin want, ɛn una mek dɛn slev bak.

Jɛrimaya 34:16 Referans Kwoze

Lɛvitikɔs 19:12

Nɔ yuz PAPA GƆD in nem fɔ swɛ mek pɔsin biliv dɛn we dɛn de lay, bay dat dɛn de sho se dɛn nɔ rɛspɛkt PAPA GƆD: nain na PAPA GƆD we na dɛn GƆD.

Izikɛl 18:24

Bɔt we pɔsin we bin de waka tret wit PAPA GƆD, chenj, ɛn bigin kɔmit sin, de du dɛn sem bad bad tin dɛn we PAPA GƆD nɔ lɛk, we wikɛd pipul dɛn kin du, i go liv? Fɔseka we i kɔmɔt biɛn PAPA GƆD ɛn fɔseka di sin we i dɔn kɔmit, i go day.

Izikɛl 3:20

Igen, if wan man we de du di kɔrɛkt tin dɛn, kan chenj frɔm di kɔrɛkt tin dɛn we i bin de du ɛn bigin du bad bad tin dɛn, a go put ston bifo am we i go bɔk in fut pan, fɔdɔm ɛn day; ɛn bikɔs yu nɔ bin wɔn am, i go day fɔ di bad we i bin de du ɛn dɛn nɔ go mɛmba di kɔrɛkt tin dɛn we i bin dɔn de du; bɔt a go ol yu fɔ in blɔd.

Jɛrimaya 34:11

Bɔt leta, dɛn tɔn rawnd ɛn tek di pipul dɛn we dɛn bin dɔn fri, we na man ɛn uman dɛm, mek slev bak.

Ɛksodɔs 20:7

“Una nɔ fɔ tek PAPA GƆD we na una GƆD in nem mek ple ple bikɔs PAPA GƆD nɔ go tek am layt wit ɛnibɔdi we tek in nem mek ple ple.

1 Samiɛl 15:11

“A fil am bad we a mek Sɔl kiŋ bikɔs i nɔ bisin fɔ du wetin a se igen” Dat mek Samiɛl in at pwɛl ɛn in nɔ slip ol nɛt, i de pre to PAPA GƆD nɔmɔ.

Malakay 1:12

I se dɛn de sho se dɛn nɔ bisin we dɛn de sakrifays bamfa tin dɛn de ɛn dat go lɛ ɔda neshɔn dɛnsɛf nɔ rɛspɛkt am.

Malakay 1:7

I se dɛn de sho se dɛn nɔ rɛspɛkt am we dɛn de bamfa di tin dɛn we dɛn de sakrifays to am. Bɔt dɛn de aks PAPA GƆD aw dɛn de bamfa di tin dɛn, so, i tɛl dɛn se wans dɛn tink se dɛn kin gi am ɛni kayn tin, dɛn nɔ rɛspɛkt PAPA GƆD in tebul.

Izikɛl 39:7

“Ɛn a go mek dɛn no mi oli nem midul mi Izrɛl pipul; ɛn a nɔ go gri fɔ mek dɛn luk dɔŋ pan mi oli nem igen igen; ɛn di neshɔn dɛn go no se na mi na di PAPA GƆD, di oli wan na Izrɛl.

Izikɛl 20:39

“As fɔ una, una Izrɛl, na dis Papa Gɔd we na Gɔd se: if una nɔ de lisin to mi, lɛ ɔlman go sav in laylay gɔd frɔm naw sote go, bɔt una nɔ go ebul fityay mi nem igen wit una prɛzɛnt dɛn ɛn laylay gɔd dɛm.

Izikɛl 13:22

Bikɔs una bin dɔn mek di wan we de waka tret, dɛn at pwɛl, ivindo mi nɔ pwɛl in at, ɛn una dɔn ɛnkɔrej di wikɛd pipul, so dat i nɔ go chenj fɔ ebul sev in layf;