Jɛrimaya 34:14 - Krio Fɔs Oli Baybul

¹⁴ ‘Afta siks ia, ɔlman fɔ fri in kɔmpin Ibru we dɛn bin dɔn sɛl gi am, we dɔn sav fɔ siks ia; yu fɔ fri am lɛ i lɛf fɔ wok fɔ yu.’ Bɔt una fɔstɛmpapa dɛn nɔ lisin to mi ɔ ivin pe atɛnshɔn to wetin a se.

Jɛrimaya 34:14 Referans Kwoze

Ditarɔnɔmi 15:12

Mozis tɛl di Izrɛlayt dɛn se if ɛni pan dɛn Ibru brɔda ɔ sista pɔŋ insɛf to dɛn fɔ wok fɔ dɛn fɔ natin, i fɔ wok fɔ siks ia nɔmɔ; afta dat, dɛn fɔ fri am we di ia we mek sɛvin bigin,

1 Kiŋ 9:22

Bɔt i nɔ mek nɔn Izrɛlayt bi slev fɔ am fɔ wok; bifo dat na dɛn i mek de nain ami, in gɔvmɛnt, sɔm na bigman na ɔfis, sɔm na kapten fɔ in ami, sɔm na kɔmanda fɔ in ɔs ɛn karej dɛn ɛn sɔm bin de rayd di ɔs dɛn.

Lɛta Fɔ Rom 7:24

A sɔri fɔ misɛf! Udat go pul dis bɔdi, we de mek a day, kɔmɔt pan mi?

Emɔs 8:6

so dat una go sɛl po ma fɔ mɔni ɛn begaman fɔ wan pia sandal ɛn sɛl di rɛs chaf chaf gi pipul.

Emɔs 2:6

PAPA GƆD tɔk se: “Di pipul na Izrɛl dɔn sin bɔku bɔku, ɛn a mɔs pɔnish dɛn fɔ dat. Dɛn de sɛl ɔnɛs pipul fɔ silva, dɔn di poman fɔ sandal.

Izikɛl 20:8

Bɔt dɛn bin tɔn dɛn bak pan mi ɛn nɔ gri lisin to mi; dɛn ɔl nɔ bin gri trowe di tin dɛn we a et bad bad wan we dɛn at bin de pan, ɛn dɛn nɔ bin gri kɔmɔt biɛn Ijipt dɛn laylay gɔd dɛn. Dɛn a bin tink se a fɔ put mi vɛksteshɔn pan dɛn ɛn put mi krɔs pan dɛn na Ijipt.

Izikɛl 20:4

Yu go jɔj dɛm Mɔtalman, yu go jɔj dɛm? If na dat, lɛ dɛn no di bad bad tin dɛn we PAPA GƆD nɔ lɛk we dɛn fɔstɛmpapa dɛn du,

Jɛrimaya 32:30

Bikɔs na so so ivul Izrɛl in bɔypikin dɛm ɛn Juda in bɔypikin dɛn dɔn du bifo mi fɔrm we dɛn yɔŋ; Izrɛl in bɔypikin dɛm nɔ du natin pas fɔ prɔvok mi mek a vɛks bay wetin dɛn de du wit dɛn yon an. Na so PAPA GƆD se.

Ayzaya 58:6

“Nɔto di fast dis we a pik: fɔ lus di rop dɛn we dɛn tek tay pipul wit wikɛdnɛs, fɔ lus di prɔblɛm dɛn we dɛn tay na pipul dɛn nɛk, lɛ dɛn lɛf fɔ aras pipul, ɛn fɔ tap fɔ trit pipul bad?

Ayzaya 50:1

Na dis PAPA GƆD se; “We yu mama in dayvɔs pepa, we a tek dayvɔs am? Ɔ uswan pan di wan dɛn we a o, we a sɛl una gi? No se, na fɔ yu sin dɛn mek dɛn sɛl yu ɛn na fɔ di bad bad tin dɛn we yu de du, mek a drɛb yu mami.

Nɛimaya 9:30

Yu peshɛnt wit dɛn fɔ lɔŋ. Wit yu klin at yu bin de yuz di prɔfɛt dɛn fɔ advays dɛn. Pan ɔl dat, dɛn nɔ yɛri wɔd, so yu an dɛn bak to di neba kɔntri dɛn.

2 Kronikuls 36:16

Bɔt dɛn de mek moko pan PAPA GƆD in mɛsenja dɛm, luk dawn pan in wɔd dɛm, ɛn Shumɔ pan in prɔfɛt dɛm, sote PAPA GƆD in at wam te fuk fuk grap fɔ in pipul dɛn we tɔnin bak nɔ de igen

2 Kronikuls 28:10

Naw, una de mek ɔp fɔ tɔn dɛn pipul ya na Juda ɛn Jerusɛlɛm to una man ɛn uman slev dɛm. Unasɛf nɔ dɔn kɔmit sin to PAPA GƆD we na una Gɔd?

1 Kiŋ 21:25

Nɔbɔdi nɔ bin de we pas Eab fɔ du bad bifo PAPA GƆD in yay bikɔs nain wɛf Jɛzibɛl bin de push am.

Jɛrimaya 35:15

A dɔn sɛn ɔl mi wokman dɛm we na di prɔfɛt dɛn to una ɛn a de sɛn dɛm ɔltɛm se, ‘Ɔlman fɔ lɛf in ivul we ɛn lɛf wetin una de du, ɛn nɔ de biɛn ɔda gɔd dɛm de sav dɛm, datɛnde una go tap na di land we a gi una ɛn una fɔstɛmpapa dɛm.’ Bɔt una nɔ ivin put una yes lisin to mi.

Lɛvitikɔs 25:10

Na so dɛn go tek fɔ mek ɔlman no se da de de na oli de we fɔ fri ɔltin dat na fɔ fri di wan we na slev ɛn fɔ gi dɛn land we dɛn bin dɔn tek na dɛn an dɛn bak.

Ditarɔnɔmi 15:1

Mozis tɛl di Izrɛlayt dɛn se, ɛvri sɛvin ia, fɔ bi ia we nɔ fɔ kɔldɛt igen

Ditarɔnɔmi 15:9

Dɛm fɔ tek tɛm mek dɛn nɔ bigin tink bad tin lɛkɛ se di ia we mek sɛvin we na ia we nɔ fɔ pe dɛt, de kam jisnɔ ɛn if i kam, dɛn brɔda nɔ go gɛt fɔ pe igen; dat go mek dɛn nɔ gi dɛn brɔda natin ɛn i go go kray to PAPA GƆD ɛn PAPA GƆD go se dɛn dɔn sin.

Jɛrimaya 11:7

Bikɔs a bin wɔn una fɔstɛmpapa dɛn siriɔs siriɔs wan we a bin pul dɛn kɔmɔt Ijipt, ɛn a bin de wɔn dɛm ɔltɛm, ivin to tide, Una de du wetin a se una fɔ de du.