Jɛrimaya 34:1 - Krio Fɔs Oli Baybul

¹ Dis na PAPA GƆD in wɔd we rich Jɛrimaya, di tɛm we Nɛbyukadnɛza we na kiŋ na Babilɔn ɛn ɔl in ami, ɔl di kindɔm dɛm na di wɔl we de ɔnda in pawa, ɛn ɔl di pipul dɛn na wɔl, bin de fɛt Jerusɛlɛm ɛn ɔl in siti dɛm:

Jɛrimaya 34:1 Referans Kwoze

Jɛrimaya 1:15

PAPA GƆD se, na dat mek A de kɔl ɔl di trayb dɛn we de na di kindɔm dɛm na di nɔt; ɛn dɛn go kam, ɛn dɛn ɔl go put dɛn tron na di ɛntrans na di get fɔ go insay Jerusɛlɛm, ɛn liŋ dɛn pan ɔl di wɔl dɛn we de rawnd, ɛn pan ɔl di siti dɛn na Juda.

Jɛrimaya 32:2

Da tɛm de, di kiŋ na Babilɔn in ami bin sɔrawnd Jerusɛlɛm, ɛn dɛn bin lɔk Jɛrimaya we na prɔfɛt, na di gyadman dɛn yad, we bin de na di kiŋ na Juda in os.

Daniɛl 5:19

Bikɔs ɔf di pawa we PAPA GƆD gi am, ɔl kayn pipul, neshɔn ɛn dɛn wan we de tɔk difrɛn difrɛn laŋwej bin de trimbul ɛn de fred am; udat Nɛbyukadnɛza wan fɔ kil, i kil. Udat i wan fɔ fri, i fri; udat i wan fɔ promot, i promot, ɛn udat i wan fɔ briŋ dɔn, i briŋ kam dɔŋ.

Daniɛl 4:22

Na yu mi kiŋ, we dɔn gro big ɛn pawaful. Yu pawa dɔn big te i dɔn rich di skay, ɛn yu kɔntrol sɛf dɔn kɔba di wanol wɔl.

Daniɛl 4:1

Kiŋ Nɛbyukadnɛza de sɛn to ɔl di pipul dɛn, difrɛn difrɛn neshɔn dɛn we de tɔk difrɛn difrɛn laŋwej we tap na di wanol wɔl: Lɛ una ɔl gɛt bɔku bɔku kol at!

Jɛrimaya 34:7

wɛn di kiŋ na Babilɔn in ami bin de fɛt Jerusɛlɛm ɛn ɔl di siti dɛm we bin lɛf na Juda, ɛn Lakish ɛn Azɛka; bikɔs dɛn na bin di tu siti dɛm we bin gɛt protɛkshɔn na Juda we bin lɛf.

Jɛrimaya 21:2

“Fɛnɔt to PAPA GƆD fɔ wi, bikɔs Nɛbyukadnɛza we na kiŋ na Babilɔn de mek wa pan wi; sɔntɛnde, PAPA GƆD go yuz ɔl in wɔndaful tin dɛn we i kin du, fɔ ɛp wi, ɛn i go mek i fred fɔ fɛt wi.”

Jɛrimaya 32:1

Di wɔd we PAPA GƆD sɛn to Jɛrimaya, insay di ia we mek Zɛdikaya tɛn ia as kiŋ na Juda, we na bin di ia we mek etin we Nɛbyukadnɛza bin dɔn de na pawa.