Jɛrimaya 33:9 - Krio Fɔs Oli Baybul

⁹ Ɛn a go de gladi fɔ yɛri dis siti in nem. I go bi prez ɛn glori to ɔl di neshɔn dɛm na wɔl, neshɔn dɛn we go yɛri bɔt ɔl di gud tin we a de du fɔ dɛm: dɛn go fred ɛn trimbul fɔseka ɔl di gud ɛn ɔl di jɛntri we a de provayd fɔ dɛm.

Jɛrimaya 33:9 Referans Kwoze

Ayzaya 60:5

Dɔn yu go si ɛn go shayn, yu at go pliz ɛn gladi pasmak, bikɔs dɛn go gi yu di beberebe tin dɛn we de na di si, di neshɔn dɛn jɛntri go kam to yu.

Jɛrimaya 13:11

Bikɔs, lɛk aw skintayt kin grip pɔsin wes, na semweso a bin mek di wanol Izrɛl ɛn di wanol Juda ol mi tayt, so dat dɛn go bi mi yon pipul dɛm, pipul dɛn we go mek nem fɔ mi, we go mek dɛn prez mi, we go mek a femɔs; bɔt usay, dɛn nɔ gri lisin to mi. Na so PAPA GƆD se.

Ayzaya 62:7

ɛn nɔ mek I blo sote i mek Jerusɛlɛm tinap ɛn mek am wan we fɔ prez na dis wɔl.

Nɛimaya 6:16

We ɔl wi ɛnimi dɛn yɛri dis, ɔl udat tap na di kɔntri dɛn rawnd Jerusɛlɛm fred. Dɛn giv ɔp bikɔs dɛn kechɔp se na bay PAPA GƆD in pawa mek wi ebul du di wok.

Ozie 3:5

Tɛm go kam we di Izrɛlayt dɛn go tɔn bak to PAPA GƆD we na dɛn Gɔd, ɛn Devid go bi dɛn kiŋ; dɔn dɛn go gɛt fred fɔ PAPA GƆD ɛn ɔl di gud we i go du fɔ dɛn bambay.

Jɛrimaya 31:4

A go ɛstablish una bak, ɛn yu go establish, Yu Izrɛl we na vajin! Una go mek una tamborin dɛn bak, ɛn una go de dans wit dɛn wan we de mek gladi gladi.

Jɛrimaya 26:6

A go mek dis Tɛmpul tan lɛk Shilo, ɛn a go mek ɔlman na wɔl yuz dis siti in nem fɔ de swɛ.’”

Ayzaya 62:12

Ɛn dɛn go kɔl dɛm Di oli pipul, Di wan dɛn we PAPA GƆD dɔn pe fɔ; ɛn dɛn go kɔl yu, Di wan we dɛn de luk fɔ, siti we dɛn nɔ lɛf to insɛf.

Di Sam Dɛm 40:3

I gi mi nyu siŋ fɔ siŋ, siŋ we de tɔk aw PAPA GƆD big. Bɔku pipul go fred ɛn rɛspɛkt am dat go mek dɛn ɔl trɔs am.

Zɛkaraya 12:2

in dɔn rɛdi fɔ mek Jerusɛlɛm lɛkɛ rɔm we ɔl di neshɔn rawnd am go drink ɛn biev lɛk udat drɔnk. Dɛn go atak Juda dɔn dɛn go atak Jerusɛlɛm insɛf.

Jɛrimaya 44:8

Wetindu una de provok mi mek a vɛks bay wetin una de du, we una de bɔn insɛns to ɔda gɔd dɛm na Ijipt usay una dɔn kam tap, we go mek nɔbɔdi nɔ want fɔ gɛt ɛnitin fɔ du wit una, ɛn una gɛt swɛ ɛn tɔn provokeshɔn na ɔl di neshɔn dɛm na di wɔl?

Jɛrimaya 29:1

Na dis Jɛrimaya we na prɔfɛt bin rayt insay di lɛta we i sɛn kɔmɔt Jerusɛlɛm go to di bigman dɛm pan di wan dɛm we bin de ɛgzayl, ɛn to di man dɛm we de mek sakrifays fɔ pipul sin, di prɔfɛt dɛm, ɛn ɔl di pipul dɛm we Nɛbyukadnɛza bin dɔn kɛr go ɛgzayl na Babilɔn, kɔmɔt Jerusɛlɛm.

Jɛrimaya 3:17

Da tɛm de, dɛn go kɔl Jerusɛlɛm, PAPA GƆD in tron, ɛn ɔl di difrɛn neshɔn gɛda de fɔ wɔship PAPA GƆD na Jerusɛlɛm, ɛn dɛn nɔ go stɔbɔn de du wetin dɛn ivul at dɛn se.

Ɛsta 8:17

Ɔlɔbɔt we dɛn yɛri di lɔ, di Ju dɛn gladi. Dɛn mek ɔlide ɛn sɛlibret. Bɔku pan di ɔda pipul bigin se dɛnsɛf na Ju, bikɔs dɛn bin de fred de Ju dɛn.

2 Kronikuls 20:29

Ɔl di ɔda kɔntri dɛn fred PAPA GƆD we dɛn yɛri se PAPA GƆD dɔn fɛt Izrɛl dɛn ɛnimi dɛn.

Di Sam Dɛm 130:4

Bɔt yu rɛdi fɔ fɔgiv wi ɔltɛm; so i fayn fɔ mek wi fred yu.

Ayzaya 55:13

Instɛd ɔf chuk chuk, na Sayprɛs tik go gro, Instɛd ɔf wayl bush, na matul tik go gro; ɛn i go bi tin fɔ tek mɛmba PAPA GƆD, we go bi sayn we go de sote go, ɛn nɔ go ɛva dɔn.”

Ayzaya 62:4

Dɛn nɔ go kɔl yu, di wan we dɛn lɛf to insɛf igen, ɛn dɛn nɔ go kɔl yu land, ɛmti land igen; Bɔt dɛn go kɔl yu, Na yu mi at de gladi fɔ, ɛn dɛn go kɔl yu land, Mared land; bikɔs PAPA GƆD lɛk yu, ɛn yu land go mared.

Ayzaya 64:2

lɛk we faya kin layt dray tik ɛn lɛk we faya kin mek wata bwɛl – so yu ɛnimi dɛn go no udat yu bi, ɛn lɛ di neshɔn dɛn go trimbul bikɔs yu de!

Jɛrimaya 3:19

A bin de tink bɔt aw a go put una wit mi bɔypikin dɛm, ɛn gi una fayn fayn land, prɔpati we fayn pas ɔl dɛn neshɔn dɛn yon. Ɛn a bin tink se una go kɔl mi, Mi Papa, ɛn nɔ go tɔn una bak pan mi.

Jɛrimaya 4:2

ɛn if una swɛ se, ‘Wans PAPA GƆD de,’ fɔseka di tru, fɔ jɔstis sek, ɛn fɔ tretwaka, na da tɛm de ɔl dɛn neshɔn dɛm go blɛs dɛnsɛf insay in nem ɛn na wit in nem dɛn go mek mɔt.”

Jɛrimaya 16:19

E PAPA GƆD, we de gi mi trɛnk ɛn we de protɛkt mi, yu we de kɔba mi we a gɛt trɔbul, na to yu di neshɔn dɛn go kam we go kɔmɔt ɔlsay kan tɔk se: “Dɛn nɔ lɛf natin gi wi fɔstɛmpapa dɛm pas lay lay, wɔtlɛs tin dɛm we nɔ go min natin to dɛm.

Jɛrimaya 24:6

A go gyad dɛm sote go, ɛn a go briŋ dɛm kam bak na dis land. Nɔto brok a go brok dɛm, na bil a go bil dɛm; nɔto rut a go rut am, na plant a go plant am.

Jɛrimaya 32:42

“Bikɔs na dis PAPA GƆD se: Jis lɛk aw a briŋ ɔl dɛn bad bad tin dɛn ya pan dɛn pipul ya, na so a go briŋ ɔl di gud tin dɛm we a dɔn prɔmis dɛm, to dɛm.

Jɛrimaya 33:14

PAPA GƆD se, ‘Di tɛm de kam we a go du ɔl wetin a prɔmis Izrɛl ɛn Juda.

Jɛrimaya 49:25

Luk we ɔlman dɔn pul at pan da femɔs siti, siti we ɔltɛm gɛt jɔy!

Izikɛl 26:20

dɛn a go shub una go dɔŋ wit dɛn wan dɛm we de go dɔŋ insay di pit, to dɛn lɔntɛm pipul, dɛn a go mek yu tap na di ɔnda wɔl pan dɛn lɔŋlɔŋtɛm ples dɛn we dɔn fɔdɔm ɛn broko broko, wit dɛn wan dɛn we de go dɔŋ na di pit, so dat nɔbɔdi nɔ go tap insay yu, ɔ gɛt ples na di kɔntri we di pipul dɛn de alayv.

Izikɛl 39:13

Ɔl di pipul na di kɔntri go bɛr dɛm; ɛn i go ad mɔ ɛn mɔ to dɛn ɔna, di de we a go sho mi pawa, PAPA GƆD tɔk se.

Ditarɔnɔmi 30:5

ɛn PAPA GƆD we na dɛn PAPA GƆD go kɛr dɛn go bak na di land we na dɛn fɔstɛm-papa dɛn prɔpati, so dat dɛn go go de de. PAPA GƆD go mek dɛn jɛntri ɛn plɛnti pas dɛn fɔstɛm-papa dɛn.

Ayzaya 43:21

“we na di pipul dɛn we a dɔn mek fɔ misɛf so dat dɛn go prez mi.

Ayzaya 62:1

Fɔseka Zayɔn a nɔ go sɛt mɔt, ɛn a nɔ go blo fɔseka Jerusɛlɛm, te di pul we dɛn pul dɛn ed kɔmɔt, kam na do lɛk mɔnin, ɛn di fri we i dɔn fri tan lɛk brayt layt.

Jɛrimaya 31:14

A go mek di man dɛm we de mek sakrifays fɔ pipul sin, gɛt ɔl wetin dɛn want, ɛn mi pipul dɛn at go kol fɔseka di gud we a go du fɔ dɛm,” na so PAPA GƆD se.

Izikɛl 36:35

Ɛn dɛn go se, ‘dis kɔntri we bin ɛmti, natin ɛn nɔbɔdi nɔ de de, dɔn tan naw, lɛk di gadin na Idɛn, ɛn pipul dɛn dɔn tap na di big siti dɛm we bin ɛmti, nɔbɔdi ɛn natin nɔ de de ɛn bin dɔn pwɛl pata pata ɛn we bin yuslɛs; ɛn dɛn dɔn strɛnkin dɛm traŋa traŋa wan.

Zɛkaraya 1:17

I se i fɔ tɔk lawd wan bak se, PAPA GƆD se in go mek di siti dɛn gɛt bɛtɛ tin ɛn in PAPA GƆD go koks Zayɔn ɛn pik Jerusɛlɛm bak.