Jɛrimaya 33:8 - Krio Fɔs Oli Baybul

⁸ A go pul ɔl di sin dɛn we dɛn sin agens mi, ɛn a go fɔgiv dɛn fɔ ɔl dɛn sin ɛn fɔ we dɛn kin tɔn dɛn bak pan mi. A go mek dɛn klin na mi yay.

Jɛrimaya 33:8 Referans Kwoze

Zɛkaraya 13:1

Da de de, wan fawnten go de we di pipul na Devid in os ɛn di pipul dɛn we tap na Jerusɛlɛm go go so dat dɛn go mek dɛnsɛf klin na PAPA GƆD yay ɛn dɛn sin go kɔmɔt.

Izikɛl 36:25

A go sprinkul klin wata pan una, ɛn una go klin pan ɔl una dɔti dɛm, ɛn a go was una klin pan ɔl una lay lay gɔd dɛm.

Di Sam Dɛm 51:2

Was mi sin kɔmɔt pan mi lɛk aw pɔsin de was dɔti kɔmɔt na plet, ɛn mek mi klin.

Rɛvɛleshɔn 1:5

mek Jizɔs Krays insɛf, we wi kin trɔs, ɛn we de tɛl pipul wetin tru ɔltɛm, sho una aw i gud ɛn gi una kol at. Nain fɔs Gɔd mek rayz frɔm di grev. Ɔl dɛn wan we de rul na dis wɔl de ɔnda am. I lɛk wi ɛn i day fɔseka wi so dat i kin lus wi kɔmɔt pan di tay we wi sin tay wi,

Izikɛl 36:33

“Na dis PAPA GƆD se; da de we a go was una klin pan ɔl una wikɛd wikɛd tin dɛm, a go mek pipul kam tap na di big siti dɛm, ɛn dɛn go bil di yuslɛs ples dɛn bak.

Jɛrimaya 31:34

Ɛn nɔbɔdi nɔ go gɛt fɔ tich in neba ɔ in brɔda igen se ‘Yu fɔ no PAPA GƆD,’ bikɔs dɛn go no mi, frɔm di smɔl wan pan dɛm, to di wan we big pas ɔl, bikɔs a go fɔgiv dɛm fɔ dɛn wikɛdnɛs, ɛn a nɔ go mɛmba dɛn sin igen.” Na so PAPA GƆD se.

Jɛrimaya 50:20

PAPA GƆD se, dɛn dez dɛn de ɛn da tɛm de, dɛn go luk fɔ sin na Izrɛl, bɔt dɛn no go fɛn natin; dɛn go luk fɔ sin na Juda bɔt dɛn nɔ go fɛn natin; bikɔs a go fɔgiv di wan dɛm we a nɔ go kil.

Ayzaya 44:22

A dɔn swip di bad tin dɛn we yu dɔn du, go lɛk klawd, ɛn yu sin dɛn lɛk dyu; tɔn bak kam to mi, bikɔs a dɔn sev yu.

Di Sam Dɛm 65:3

Wɛn wi bad bin dɔn tumɔs pan wi, yu fɔgiv wi sin dɛn.

Joɛl 3:21

I se in nɔ go lɛ dɛn blɔd wes fɔ natin, in go mɔs pɔnish udat gilti, bikɔs in na PAPA GƆD we de na Mawnt Zayɔn.

Ayzaya 56:7

na dɛn a go briŋ kam na mi oli mawnten, ɛn mek dɛn jɔli na mi os we na fɔ pre; a go gri fɔ dɛn sakrifays dɛn we dɛn de bɔn na faya, ɛn dɛn ɔda sakrifays dɛn, na mi ɔlta; bikɔs mi os go bi, os fɔ pre fɔ ɔlman na wɔl.

Ayzaya 4:2

Da de de, PAPA GƆD in branch go fayn ɛn ɔlman go wan si am, ɛn na di frut we di grɔn go bia, di wan dɛn we lɛf na Izrɛl, go tek blɔf ɛn mek nem.

Lɛvitikɔs 16:30

bikɔs na de we di man we de mek sakrifays fɔ pipul sin go beg padin fɔ dɛn mek dɛn go klin na PAPA GƆD in yay.

Di Sam Dɛm 130:4

Bɔt yu rɛdi fɔ fɔgiv wi ɔltɛm; so i fayn fɔ mek wi fred yu.

Lamɛnteshɔn 4:22

Zayɔn in gyal pikin, di pɔnishmɛnt we una fɔ gɛt fɔ di bad tin dɛn we una du, una dɔn gɛt am dɔn, i nɔ go mek una de ɛgzayl igen; bɔt yu Idɔn in gyal pikin, i go pɔnish una fɔ di bad tin dɛn we una de du i nɔ go ayd una sin dɛn.

Di Sam Dɛm 130:8

Nain sem wan go sev Izrɛl ɛn pul di pipul sin kɔmɔt pan dɛn.