Jɛrimaya 33:6 - Krio Fɔs Oli Baybul

⁶ A de tɛl yu, a go briŋ wɛlbɔdi ɛn mɛrɛsin, ɛn a go mɛn dɛm ɛn gi dɛm plɛnti plɛnti jɛntri ɛn sikiɔriti.

Jɛrimaya 33:6 Referans Kwoze

Jɔn 10:10

Tifman jɛs de kam fɔ tif, kil ɛn pwɛl. Bɔt mi kam fɔ mek una gɛt di kayn layf we gɛt ɔltin we layf fɔ gɛt.

Ayzaya 30:26

Pantap dat, di mun in layt go tan lɛk di san in layt, ɛn di san in layt go brayt sɛvin tɛm mɔ, lɛk sɛvin de layt, di de we PAPA GƆD go tay usay de at in pipul dɛn ɛn mɛn di wund dɛn we dɛn bin wund we i bin pɔnish dɛm.

Di Sam Dɛm 67:2

mek ɔlman na wɔl go no aw yu gud, ɛn bɔt di pawa we yu gɛt fɔ sev dɛn.

Ayzaya 58:8

Na datɛnde yu layt go shayn lɛk ali mɔnin layt, ɛn yu wɛlbɔdi go kam wit spid; na di waka we yu de waka tret na PAPA GƆD in yay, ɔlman go no yu fɔ, ɛn na PAPA GƆD in glori go de gyad yu bak.

Ozie 6:1

Una kam mek wi go bak to PAPA GƆD. Nain dɔn nyamanyama wi so i go gɛda wi bak; i dɔn wund wi so i go mɛn wi bak.

Ayzaya 66:12

Bikɔs na di PAPA GƆD se; “A de tɛl una, a go mek prɔspɛriti go to am lɛk riva, ɛn di neshɔn dɛn jɛntri go to am lɛk riva we de ova flo; ɛn una go sɔk, ɛn i go tot una nain fut ɛn mek una dans nain ni.

Pita In Fɔs Lɛta 1:3

Lɛ wi tɛl Gɔd, we na Masta Jizɔs Krays in Papa, tɛnki! Bikɔs Gɔd sɔri fɔ wi, i mek Jizɔs Krays rayz frɔm di grev fɔ gi wi nyu layf, na dat mek wi abop fɔ gɛt layf we go de sote go,

Ayzaya 54:13

Na PAPA GƆD go tich ɔl yu bɔypikin dɛn, ɛn bɛtɛ go fala dɛn na layf, nɔto kɔmɔn.

Ozie 7:1

I se i tan lɛk ɛnitɛm we i kin wan gi di Izrɛlayt dɛn wetin dɛn bin gɛt, dɛn kin grap bak wit dɛn kɔrɔpshɔn na Ifrem ɛn dɛn wikɛdnɛs na Sameria, dɔn dɛn kin de pan dɛn dabaru trik, dɛn kin de tif ɛn du ɔlkayn bad tin.

Jɛrimaya 17:14

Mɛn mi, duya PAPA GƆD ɛn a go wɛl; sev mi ɛn a go sev; bikɔs na yu a de prez

Mayka 4:3

I go de tɔk kes wɛn dɛn difrɛn neshɔn gɛt plaba, i lɛk dɛn de nia ɔ dɛn de fa; dɛn go nak nak dɛn sɔd fɔ mek tin fɔ yuz na fam, ɛn dɛn spia, dɛn go mek i bi nɛf fɔ kɔt na fam, di neshɔn dɛn nɔ go fɛt dɛnsɛf igen, so nid nɔ go de fɔ tren fɔ fɛt igen;

Ayzaya 55:7

lɛ wikɛd pɔsin lɛf fɔ du bad, ɛn di pɔsin we nɔ de waka tret na PAPA GƆD in yay, chenj di we we i de tink; mek i tɔn bak go to PAPA GƆD, mek i go sɔri fɔ am, dat na to wi Gɔd, bikɔ i go padin am fɔ ɔltin.

Ayzaya 2:4

I go jɔj bitwin di neshɔn dɛm ɛn go disayd fɔ bɔku pipul dɛm; ɛn dɛn go tɔn dɛn sɔd dɛn to gɔgɔ, ɛn dɛn spia dɛn go tɔn gadin sizɔs wan kɔntri nɔ go tek sɔd fɔ in kɔmpin igen ɛn wa nɔ go de igen.

Di Sam Dɛm 37:11

Bɔt dɛn wan we nɔ tek dɛnsɛf mek natin go gɛt wetin PAPA GƆD prɔmis dɛn ɛn ɛnjɔy pis.

Ditarɔnɔmi 32:39

Una dɔn si naw se na Mi, yɛs Mi, na im, ɛn nɔn ɔda gɔd nɔ de apat frɔm mi; A de kil ɛn mek pipul dɛn gɛt layf; a de wund ɛn a de mɛn; ɛn nɔbɔdi nɔ de we ebul sev una kɔmɔt na mi an.

Lɛta Fɔ Ɛfisɔs 6:23

Mi Kristiɛn brɔda dɛn, mek Gɔd we na wi Papa ɛn di Masta, Jizɔs Krays gi una ɔl kol at, ɛn mek di biliv we una biliv pan Jizɔs Krays mek una lɛk una kɔmpin.

Di Sam Dɛm 72:7

We di Kiŋ de rul, lɛ di land ful wit yu gudnɛs ɛn lɛ di pipul gɛt kol at te di mun lɛf fɔ shayn;

Ɛksodɔs 34:6

PAPA GƆD pas bifo Mozis ɛn bigin tɔk se, “Mi, GƆD, di PAPA GƆD we gud ɛn de sho masi, we nɔ gɛt shɔtat, we in lɔv nɔ de fel, ɛn PAPA GƆD we pɔsin kin put in op ɛn trɔs pan.

Ayzaya 39:8

Naim Ɛzikaya tɛl Ayzaya se, “PAPA GƆD in wɔd we yu dɔn tɔk, gud.” Bikɔs in bin tink se, “Wanwɔd ɛn sikyɔriti go de mi yon tɛm.”

Jɛrimaya 3:22

“Una kam bak to mi, una dɛn bɔypikin dɛn we nɔ gɛt feth, a go mɛn una mek una go gɛt feth.” “Luk, we dɔn kam to yu; bikɔs yu na PAPA GƆD we na wi Gɔd.

Malakay 4:2

Bɔt fɔ di wan dɛn we de fred am, i go tinap fɔ mek dɛn wɛl lɛkɛ aw san de waka tret. I se dɛn go tan lɛk aw kaw-pikin kin gladi ɛn jomp kɔmɔt nain os.

Di Sam Dɛm 147:3

I de mɛn ɔl dɛn wan dɛn we dɛn at sik ɛn lɛ dɛn no se ɔltin nɔ dɔn fɔ dɛn.

Ɛkliziastis 3:3

tɛm de fɔ kil, ɛn tɛm de fɔ mɛn; tɛm de fɔ brok, ɛn tɛm de fɔ bil;

Ayzaya 57:18

A dɔn no aw i de biev, bɔt a go mɛn am; a go lid am ɛn pe am bak wit kɔnfɔt, de mek di wan dɛn we de sɔri fɔ am gɛt di pemɛnt fɔ wetin de kɔmɔt na mɔt.

Ayzaya 57:19

PAPA GƆD se, pis, yɛs, lɛ di wan we de fa ɛn di wan we de nia gɛt pis; ɛn a go mɛn am.

Jɛrimaya 29:11

PAPA GƆD se, bikɔs A no de plan dɛm we A gɛt fɔ una, plan dɛm fɔ una bɛtɛ wan, fɔ mek una abop ɛn bɛtɛ bambay.

Mayka 7:20

PAPA GƆD go biev lɛk aw i bin de biev to Jekɔb, sho in lɔv we nɔ de dɔn to Ebram, jɛs lɛk aw i bin dɔn prɔmis dɛn fɔstɛm-papa dɛn se i go du.