Jɛrimaya 33:5 - Krio Fɔs Oli Baybul

⁵ Di Babilonian dɛm de kam fɛt dɛm, ɛn dɛn go fulɔp dɛn os dɛn wit dedebɔdi we a go kil we a vɛks ɛn mi at wam, bikɔs a nɔ de luk na dis siti fɔseka ɔl dɛm wikɛdnɛs.

Jɛrimaya 33:5 Referans Kwoze

Ayzaya 8:17

A go wet fɔ PAPA GƆD we de ayd in fes pan Jekɔb in pipul, ɛn a go abop pan am.

Jɛrimaya 32:5

ɛn i go tek Zɛdikaya go Babilɔn, ɛn na de i go de sote a go waka to am. Ɔlwe una go fɛt di Babilonian dɛm, una nɔ go ebul dɛm’?”

Jɛrimaya 21:10

PAPA GƆD se, bikɔs a dɔn tɔn mi fes to dis siti fɔ bad, ɛn nɔto fɔ gud; a go mek di kiŋ na Babilɔn kapchɔ am, ɛn i go bɔn am wit faya?

Mayka 3:4

Dɛn go pre to PAPA GƆD bɔt i nɔ go ansa dɛn. I nɔ go lisin to dɛnsɛf bikɔs dɛn dɔn du bad.

Ayzaya 64:7

Nɔbɔdi nɔ de we de pre to yu, we de stren insɛf fɔ go grip yu; bikɔs yu dɔn ayd yu fes pan wi, ɛn yu dɔn put wi na wi sin dɛn an.

Ditarɔnɔmi 31:17

PAPA GƆD tɛl am se, in go vɛks pan dɛn ɛn go nyakanyaka dɛn; bad bad tin dɛn go so mit dɛn, dat dɛn go aks dɛnsɛf se, if nɔto bikɔs PAPA GƆD nɔ de wit dɛn igen mek dɛn kayn bad tin dɛn de de mit dɛn.

Izikɛl 39:29

ɛn a nɔ go ayd mi fes pan dɛm igen igen, wɛn a go tɔn mi spirit pan di Izrɛl pipul, lɛk wata, PAPA GƆD tɔk se.

Jɛrimaya 18:17

A go skata dɛm lɛkɛ di briz we de blo kɔmɔt na di ist bifo dɛn ɛnimi dɛn. A go sho dɛm mi bak, nɔto mi fes, da de we dɛn kalamiti go mit dɛm.”

Ditarɔnɔmi 32:20

I se in nɔ go ɛp dɛn igen ɛn i go si if dɛn go de lɛkɛ aw dɛn bin de we in bin de du fɔ dɛn, bikɔs dɛn na traŋayes pipul dɛn we nɔ de waka tret.

Jɛrimaya 42:18

“Bikɔs na dis PAPA GƆD Ɔlmayti we na Izrɛl dɛn Gɔd, se: lɛkɛ aw A kin mi put mi vɛksteshɔn ɛn mi wam at pan di wan dɛm we tap na Jerusɛlɛm, na semweso a go pul mi wan at pan una we una go na Ijipt. Dɛn go et una bad bad wan. Dɛn go fred, swɛ, kɔs ɛn provok una. Una nɔ go si dis ples igen.

Lamɛnteshɔn 2:7

PAPA GƆD dɔn pul rɛspɛkt kɔmɔt pan di ɔlta, i dɔn pul at kɔmɔt pan di ples we dɛn de pre; i dɔn put ɔl di wɔl dɛn ɛn kiŋ os dɛn na di ɛnimi dɛn an; dɛn gladi de ala na PAPA GƆD in os lɛk we dɛn kin du di tɛm dɛn we dɛn kin ol dɛn fist.

Ditarɔnɔmi 31:18

PAPA GƆD tɛl Mozis se, in go tɔn in bak pan dɛn, bikɔs dɛn go dɔn tɔn dɛn at to ɔda gɔd dɛn, ɛn na bad bad tin dɛn go dɔn du.