Jɛrimaya 33:3 - Krio Fɔs Oli Baybul

³ Kɔl mi ɛn a go ansa yu, ɛn a go tɛl yu di wɔndaful tin dɛn we ayd we yu nɔ no yet.

Jɛrimaya 33:3 Referans Kwoze

Jɛrimaya 29:12

Datɛnde, una go kɔl mi ɛn pre to mi, ɛn a go yɛri una.

Ayzaya 65:24

Bifo dɛn de pre to mi, a go dɔn ansa, as dɛn de tɔk so, a dɔn yɛri.

Lɛta Fɔ Ɛfisɔs 3:20

Jizɔs Krays we gɛt pawa oba wi, ebul du tin we pas wetin wi kin aks fɔ ɛn tink bɔt.

Ayzaya 48:6

“Yu dɔn yɛri; naw kan luk ɔl dis; ɛn yu nɔ go tɔk bɔt am? As frɔm naw te go, a go mek una de yɛri nyu tin dɛm, tin dɛn we ayd we una nɔ no yet.

Di Sam Dɛm 91:15

I go kɔl am fɔ sev am ɛn i go ansa; I se, i go pul am pan trɔbul, i go blɛs am ɛn mek in ed big.

Ditarɔnɔmi 4:29

I se bɔt if dɛn pre siriɔs wan to PAPA GƆD we na dɛn PAPA GƆD wit ɔl dɛn at ɛn ɔl dɛn sol we dɛn de na dɛn kɔntri dɛn de, i go mɔs ansa dɛn.

Di Sam Dɛm 50:15

dɔn da tɛm de we una aks mi fɔ pul una pan trɔbul, a nɔ go fɔgɛt una ɛn una go prez mi.”

Di Sam Dɛm 145:18

PAPA GƆD rɛdi fɔ ɛp ɔl udat kɔl am fɔ ɛp dɛn, mɔ so, dɛn wan we de kɔl am wit ɔl dɛn at.

Ditarɔnɔmi 4:7

Mozis tɔk se nɔn ɔda pipul dɛn nɔ de we dɛn gɔd de nia dɛn lɛkɛ aw PAPA GƆD we na dɛn PAPA GƆD de nia dɛn ɛn de ansa dɛn ɛnitɛm we dɛn pre to am.

Apɔsul Dɛn Wok 2:21

Ɛn ɛnibɔdi we go kɔl di Masta go sev.” ’

Emɔs 3:7

PAPA GƆD we na GƆD, nɔ de wande du sɔntin we i nɔ de tɛl in savant dɛn we na prɔfɛt.

Di Sam Dɛm 25:14

Na udat gɛt rɛspɛkt fɔ PAPA GƆD i de tɛl in sikrit, ɛn mek dɛn no se i nɔ gɛt fɔ chenj in Kɔvinant.

Ayzaya 45:3

A go gi yu di jɛntri we de na dak ɛn di tin dɛn we ayd na dɛn sikrit ples, so dat yu go no se na Mi, PAPA GƆD, Izrɛl dɛn Gɔd, we kɔl yu bay yu nem.

Rɛvɛleshɔn 2:17

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Dɛn wan we go stil tinap traŋa afta Setan dɔn tray dɛn, a go gi dɛn da it we dɛn kɔl mana we nɔbɔdi nɔ de si naw. Ɛn igen, a go gi dɛn wan wayt ston we wan nyu nem rayt pan. Nɔbɔdi nɔ go no di nem we rayt pan di ston pas di pɔsin we a gi di nem.

Matyu 13:35

I bin de pul parebul, so dat wetin di prɔfɛt bin tɔk go bi tru, we i se, “I go pul parebul wɛn i de tɔk to di pipul dɛn. I go tɛl dɛn bɔt di tin dɛn we dɛn nɔ bin no frɔm di tɛm we di wɔl bigin.”

Mayka 7:15

I se mek PAPA GƆD ple mirekul fɔ dɛn lɛk aw i bin du we dɛn kɔmɔt Ijipt.

Joɛl 2:32

Dat tɛm de, i go bi se, ɔl udat kɔl PAPA GƆD in nem fɔ sev am, go sev. PAPA GƆD dɔn se, sɔm pipul go de na Jerusɛlɛm we di waala nɔ go mit. Bɔt sɔm pan dɛn go de we na PAPA GƆD chuz fɔ sev dɛn.

1 Kɔrint 1:2

de rayt to una ɔl we na Kristiɛn na Kɔrint, we Gɔd kɔl fɔ bi in yon ɛn we dɔn bi in yon, bikɔs una gɛt wanwɔd wit Jizɔs Krays, ɛn a de rayt igen to ɔl dɛn pipul ɔlɔbɔt na wɔl we de pre wit Jizɔs Krays in nem. Na wi Masta ɛn dɛn Masta.

Jɛrimaya 23:35

Bifo dat, na so ɔlman go de aks in neba, ɛn in brɔda, ‘Wetin PAPA GƆD ansa se?’ Ɔ ‘Wetin PAPA GƆD se?’

Jɛrimaya 32:17

‘E PAPA GƆD we na mi Gɔd! Na yu mek ɔp di klawd ɛn di wɔl wit yu big big pawa ɛn wit yu an we yu opin wayd! Natin nɔ traŋa fɔ yu fɔ du,

Jɛrimaya 32:27

‘A de tɛl una, na mi na PAPA GƆD di Gɔd fɔ ɔl mɔtalman; ɛnitin de we traŋa fɔ mi fɔ du?

Daniɛl 2:18

Ɛn i tɛl dɛm se mek dɛn beg PAPA GƆD na ɛvin lɛ i sɔri fɔ dɛn fɔ dis mistri ya, so dat Daniɛl ɛn in kɔmpin dɛn nɔ go day wit ɔl di ɔda sɛnsman dɛm na Babilɔn.

Daniɛl 2:22

I de sho dɛn dɛn dip dip ɛn mistri tin dɛn; I no wetin de insay dak ples, ɛn di layt tap wit am.

Daniɛl 2:23

Yu we na mi papa dɛn PAPA GƆD, A de tɛl yu tɛnki ɛn prez yu bikɔs na yu dɔn gi mi sɛns ɛn trɛnk, ɛn yu dɔn mek a no naw wetin wi bin de aks yu fɔ, bikɔs yu dɔn mek wi no di kiŋ in prɔblɛm.”