Jɛrimaya 33:22 - Krio Fɔs Oli Baybul

²² Lɛkɛ aw pɔsin nɔ go ebul kɔnt di tin dɛn we de ɔp di klawd, ɛn lɛk aw pɔsin nɔ go ebul kɔnt di sansan na di si, na so a go mɔltiplay Devid we na mi wokman, in disɛndant dɛm, ɛn di Lɛvitikal man we de mek sakrifays fɔ pipul sin dɛn we de minista to mi, dɛn disɛndant dɛn.”

Jɛrimaya 33:22 Referans Kwoze

Jɛnɛsis 22:17

I prɔmis se i go mek yu jɛnareshɔn bɔku lɛkɛ di sta dɛn na di skay ɛn lɛkɛ sansan na bich. Dɛn go gɛt pawa oba dɛn ɛnimi ɛn dɛn go tek dɛn siti sɛf na dɛn an.

Di Ibru Pipul Dɛn 11:12

Da tɛm de, Ebraam bin dɔn ol, ɛn pan ɔl we i bin lɛf smɔl fɔ mek i day, Gɔd gi am grampikin pikin dɛm we plɛnti lɛkɛ di sta dɛn na klawd, ɛn lɛkɛ sansan na bich we pɔsin nɔ ebul kɔnt.

Jɛnɛsis 15:5

So PAPA GƆD kɛr Ebram go na do ɛn tɛl am se, “Luk ɔp di skay ɛn tray fɔ kɔnt di sta dɛn; lɛkɛ aw di sta dɛn bɔku so na so yu jɛnareshɔn dɛn go tan.”

Jɛrimaya 31:37

Na dis PAPA GƆD se: “If pɔsin go ebul mɛnshɔ ɔp di klawd, ɛn if pɔsin kin ebul fɛnɔt aw di ath in fawndeshɔn tan, da tɛn de, a go ib ɔl Izrɛl pikin dɛm oba fɔseka ɔl wetin dɛn dɔn du.” Na so PAPA GƆD se.

Ayzaya 66:21

PAPA GƆD se, “na sɔm pan dɛm bak a go tek mek di man we de mek sakrifays fɔ pipul sin, ɛn livayt dɛm”.

Zɛkaraya 12:8

Da de de, PAPA GƆD go fɛt fɔ di wan dɛn we tap na Jerusɛlɛm so dat di wan we nɔ gɛt trɛnk sɛf go tan lɛk Devid, dɔn Devid in os go tan lɛk PAPA GƆD to dɛn, lɛkɛ se in na PAPA GƆD in enjɛl.

Ozie 1:10

Pan ɔl dis, di Izrɛlayt go bɔku lɛk sansan we nɔbɔdi nɔ ebul kɔnt; ɛn usay dɛn bin kɔl dɛn “nɔto mi pɔsin” na di sem ples dɛn go se “PAPA GƆD we nɔ de day in pikin dɛn.”

Izikɛl 44:15

Bɔt di Levitikal man dɛn we de mek sakrifays fɔ pipul sin, Zedɔk in bɔypikin dɛm we bin de kia fɔ mi ples we dɛn de pre to mi wɛn di Izrɛl pipul bin go astre frɔm mi, go kam nia mi fɔ minista to mi ɛn dɛn go atɛnd to mi fɔ ɔfa to mi di fat ɛn di blɔd, PAPA GƆD tɔk se;

Di Sam Dɛm 89:29

I se, in go mek shɔ se wans ɛvin nɔ go ɛva lɔs, na so kiŋ dɛn nɔ go dɔn fɔ de na Devid in fambul layn.

Di Sam Dɛm 22:30

Di pikin dɛn we nɔ bɔn yet go wɔship am Dɛn go tɛl dɛn ɔl aw PAPA GƆD de sev in pipul.

Jɛnɛsis 28:14

Yu jɛnareshɔn dɛn go bɔku lɛkɛ dɔti na grɔn ɛn dɛn go de na di ist, wɛst, nɔth ɛn sawt. Na yu ɛn yu jɛnareshɔn go mek ɔl dɛn ɔda neshɔn gɛt dɛn blɛsin.

Jɛnɛsis 13:16

A go mek yu jɛnareshɔn bɔku lɛkɛ sansan; if dɛn ebul kɔnt sansan, dɛn, dɛn go ebul kɔnt dɛn.

Ayzaya 48:19

Yu pikin dɛn bin fɔ plɛnti lɛk sansan, ɛn yu pikin pikin dɛn go bɔku lɛk aw sansan bɔku; dɛn nem nɔ go ɔt atɔl ɛn dɛn nɔ go pwɛl am bifo mi.”

Jɛrimaya 30:19

Nainsay dɛm, tɛl PAPA GƆD tɛnki siŋ, dɛn go kɔmɔt, ɛn dɛn wan dɛm vɔys we gladi. A go mek dɛn plɛnti, ɛn dɛn nɔ go bi tu tri nɔmɔ; A go mek dɛm gɛt rɛspɛkt, ɛn dɛn nɔ go smɔl.

Jɛrimaya 33:18

ɛn di Lɛvitikal man we de mek sakrifays fɔ pipul sin dɛn nɔ go ɛva de dɛn nɔ gɛt pɔsin bifo mi fɔ mek bɔn sakrifays, sid ɔfrin ɛn fɔ de mek sakrifays sote go.”

Jɛrimaya 33:23

PAPA GƆD in wɔd kam to Jɛrimaya:

Izikɛl 37:10

So a bin prɔfisay lɛk aw PAPA GƆD bin ɔda mi, ɛn di blo blo kam insay dɛm ɛn dɛn gɛt layf, ɛn tinap wit dɛn fut, ɛn dɛn tɔn wan big big krawd.

Zɛkaraya 2:4

dɛn tɛl am se, i fɔ rɔn go tɛl di man we wan fɔ mɛzhɔ se, Jerusɛlɛm go ful wit bɔku pipul ɛn animal so nid nɔ go de fɔ bil wɔl rawnd am.

Zɛkaraya 10:8

I se, in go gi dɛn signal ɛn gɛda dɛn ɔl wan say bikɔs in bin dɔn bay dɛn bak so in go mek dɛn bɔku lɛk aw dɛn bin tan fɔs.