Jɛrimaya 33:18 - Krio Fɔs Oli Baybul

¹⁸ ɛn di Lɛvitikal man we de mek sakrifays fɔ pipul sin dɛn nɔ go ɛva de dɛn nɔ gɛt pɔsin bifo mi fɔ mek bɔn sakrifays, sid ɔfrin ɛn fɔ de mek sakrifays sote go.”

Jɛrimaya 33:18 Referans Kwoze

Ayzaya 56:7

na dɛn a go briŋ kam na mi oli mawnten, ɛn mek dɛn jɔli na mi os we na fɔ pre; a go gri fɔ dɛn sakrifays dɛn we dɛn de bɔn na faya, ɛn dɛn ɔda sakrifays dɛn, na mi ɔlta; bikɔs mi os go bi, os fɔ pre fɔ ɔlman na wɔl.

Rɛvɛleshɔn 1:6

ɛn i dɔn mek wi kam ɔnda Gɔd in rul ɛn bi pipul we de mek sakrifays to Gɔd we nain Papa. Jizɔs Krays gɛt ɔna ɛn pawa sote go. Emɛn.

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

Pita In Fɔs Lɛta 2:5

Una fɔ tan lɛkɛ ston we gɛt layf ɛn una fɔ mek Gɔd tek una bil di os we in Spirit de bil, na de una go mek sakrifays to Gɔd. Una go de du Gɔd in wok nɔmɔ, dat na fɔ de mek dɛn sakrifays we Gɔd in Spirit tɛl una fɔ mek, we go mek Gɔd satisfay fɔseka di wok we Jizɔs Krays dɔn du.

Lɛta Fɔ Rom 1:21

Dɛn no Gɔd, bɔt dɛn nɔ de gri fɔ gi am di rɛspɛkt we i fɔ gɛt, ɛn dɛn nɔ de tɛl am tɛnki fɔ ɛnitin we i du. Dɛn ed dɔn miks ɔp ɔltogɛda, dɛn nɔ ebul ɔndastand, so dɛn nɔ no wetin rayt.

Izikɛl 45:5

Wan ɔda pat, twɛlv ɛn af tawzin mita lɔŋ ɛn fayv tawzin mita wayd, na fɔ di livayt dɛn we de minista na di tɛmpul, na dat na dɛn yon prɔpati fɔ dɛn siti dɛn fɔ tap.

Ayzaya 61:6

Bɔt dɛn go kɔl una PAPA GƆD in man we de mek sakrifays fɔ pipul sin dɛm, pipul dɛn go tɔk bɔt una se una na wi GƆD in minista dɛm; una go it di neshɔn dɛn jɛntri, ɛn una go ɛnjɔy insay dɛn jɛntri.

Ditarɔnɔmi 18:1

Mozis tɛl di Izrɛlayt dɛn se di man dɛn we de mek sakrifays fɔ pipul sin, dat na di Livayt fambul dɛn, nɔ go gɛt pat pan di prɔpati; i se na pan di sakrifays dɛn we pipul dɛn go de mek to PAPA GƆD, dɛn go abop pan.

Rɛvɛleshɔn 5:10

Yu dɔn mek dɛn kam ɔnda Gɔd in rul ɛn bi pipul we de mek sakrifays to wi Gɔd, ɛn na dɛn go kam rul na dis wɔl.”

Di Nɔmba Dɛm 3:5

PAPA GƆD tɛl Mozis se,

Ditarɔnɔmi 24:8

If ɛnibɔdi gɛt da bad sik na bɔdi we dɛn kɔl lɛprɔsi, i fɔ du ɔl wetin di man dɛn we de mek sakrifays fɔ pipul sin se, dɛn fɔ du. I se dɛn go tɛl dɛn fɔ du ɔl wetin in bin dɔn tɛl di man dɛn we de mek sakrifays fɔ pipul sin, fɔ tɛl di pipul dɛn we gɛt da bad sik na bɔdi, so dɛn fɔ mek shɔ se, dɛn du ɔl wetin di man dɛn we de mek sakrifays fɔ pipul sin, se.

Jɔshwa 3:3

ɛn tɛl di Izrɛlayt dɛn se, we dɛn si di man dɛn we de mek sakrifays fɔ pipul sin tot PAPA GƆD we na dɛn Gɔn in Ak ɔf di Kɔvinant de go, dɛn ɔl fɔ de biɛn am,

Ɛzra 3:5

Dɔn igen dɛn mek di yuzhwal sakrifays we dɛn kin mek, dat na fɔ bɔn animal as sakrifays na faya ɛn di nyu mun fɛstival in yon sakrifays. Bak igen dɛn bin mek di ɔda sakrifays dɛn we dɛn bin de du ɛvri ia. Tɛm kin de we dɛn kin jɛs gi sakrifays to PAPA GƆD ɛnitɛm we dɛn fil fɔ.

Jɛrimaya 33:19

PAPA GƆD in wɔd kam to Jɛrimaya:

Jɛrimaya 33:22

Lɛkɛ aw pɔsin nɔ go ebul kɔnt di tin dɛn we de ɔp di klawd, ɛn lɛk aw pɔsin nɔ go ebul kɔnt di sansan na di si, na so a go mɔltiplay Devid we na mi wokman, in disɛndant dɛm, ɛn di Lɛvitikal man we de mek sakrifays fɔ pipul sin dɛn we de minista to mi, dɛn disɛndant dɛn.”

Izikɛl 44:15

Bɔt di Levitikal man dɛn we de mek sakrifays fɔ pipul sin, Zedɔk in bɔypikin dɛm we bin de kia fɔ mi ples we dɛn de pre to mi wɛn di Izrɛl pipul bin go astre frɔm mi, go kam nia mi fɔ minista to mi ɛn dɛn go atɛnd to mi fɔ ɔfa to mi di fat ɛn di blɔd, PAPA GƆD tɔk se;

Jɛrimaya 35:19

na dis PAPA GƆD Ɔlmayti we na Izrɛl dɛn Gɔd se: Jonadab we na Rekab in bɔypikin nɔ go ɛva de i nɔ gɛt pɔsin fɔ tinap bifo mi.”