Jɛrimaya 33:16 - Krio Fɔs Oli Baybul

¹⁶ Dɛn tɛm dɛn de, dɛn go sev; Juda ɛn Jerusɛlɛm go sikiɔ. Ɛn na di nem dis we dɛn go de kɔl am: Na PAPA GƆD na wi Raychɔsnɛs.’

Jɛrimaya 33:16 Referans Kwoze

Jɛrimaya 23:6

Nain tɛm Juda go sav, ɛn Izrɛl go liv de wit kolat. Ɛn na dis nem dɛn go kɔl am: ‘PAPA GƆD na wi tret waka.’

1 Kɔrint 1:30

Bɔt Gɔd dɔn mek una gɛt wanwɔd wit Jizɔs Krays; Gɔd dɔn mek Krays bi di sɛns we wi fɔ gɛt. Krays dɔn mek ɔltin rayt bitwin wi ɛn Gɔd, i dɔn mek wi bi Gɔd yon pipul ɛn i dɔn mek wi fri; na Gɔd mek Krays du ɔl dat.

Ayzaya 45:17

Bɔt PAPA GƆD sev Izrɛl wit salveshɔn we de so te go, dɛn nɔ go mek una shem ɔ kɔnfyus una fɔ ɛva ɛn ɛva.

Lɛta Fɔ Filipay 3:9

ɛn a nɔ want mek ɛnitin kam midul wi. Nɔto wetin a de du, dat na we a de kip di Ju Lɔ mek ɔltin rayt bitwin mi ɛn Gɔd, bɔt ɔltin rayt bitwin mi ɛn Gɔd bikɔs a biliv pan Krays. Na Gɔd de mek ɔltin rayt bitwin mɔtalman ɛn insɛf bikɔs mɔtalman biliv pan Krays.

2 Kɔrint 5:21

Krays nɔ bin gɛt sin, bɔt fɔ sev wi, Gɔd put wi sin dɛn pan am, so dat we wi gɛt wanwɔd wit am, ɔltin go rayt bitwin wi ɛn Gɔd.

Lɛta Fɔ Rom 11:26

Na di we dis we Gɔd go sev ɔl dɛn Izrɛl pipul. Lɛkɛ aw dɛn rayt na Gɔd in Buk we dɛn se, “Di pɔsin we de sev pipul go kɔmɔt na Zayɔn, ɛn i go pul bad kɔmɔt na Jekɔb in granpikin-pikin dɛn at.”

Pita In Sɛkɛn Lɛta 1:1

Mi Saymɔn Pita, we de wok fɔ Jizɔs Krays ɛn we na wan pan in apɔsul dɛn, de rayt to una we biliv pan am lɛkɛ aw wisɛf biliv pan am, bikɔs wi Papa Gɔd ɛn Jizɔs Krays we sev wi de du wetin rayt ɔltɛm. Di biliv we wi biliv pan am ɛn di biliv we una biliv pan am nɔto tin we mɔni kin bay.

Ayzaya 45:22

Una tɔn to Mi so dat una go sev, ɔl di kɔna dɛn na di wɔl! Bɔkɔs na Mi na Gɔd ɛn nɔn ɔda wan nɔ de.

Izikɛl 28:26

Ɛn dɛn go tap de wit kolat, ɛn dɛn go bil os dɛm ɛn mek greps fam dɛm. Dɛn go de sef wan, wɛn a kɛri awt jɔjmɛnt dɛn pan ɔl dɛn neba we bin de luk dɔŋ pan dɛm. Na da tɛm de, dɛn go no se na mi na PAPA GƆD we na dɛn Gɔd.”

Jɛrimaya 32:37

Biliv mi, a go gɛda dɛm kɔmɔt na ɔl di kɔntri dɛm we a bin drɛb dɛn go we a bin vɛks ɛn mi at bin wam bad bad wan; a go briŋ dɛn kam bak na ya, ɛn a go mek dɛn sef.

Ditarɔnɔmi 33:28

So Izrɛl gɛt pis, nɔbɔdi nɔ de fɔ ambɔg am na di land we gɛt bɔku bɔku sid plant ɛn wayn, usay dyu de wata di grɔn.

Ditarɔnɔmi 33:12

I tɔk bɔt di Bɛnjamin fambul dɛn se, dɛn na di fambul dɛn we PAPA GƆD lɛk pas ɔl; PAPA GƆD de kɔba dɛn ɔltɛm mek natin nɔ du dɛn, ɛn na wit dɛn i tap.

Izikɛl 38:8

Afta bɔku de dɛn dɔn pas, yu go dɔn gɛda gud pan di las ia dɛn we gɛt fɔ kam; yu go go agens di kɔntri we dɔn kɔmɔt pan wa ɛn dɔn bil bak di kɔntri usay pipul bin dɔn gɛda frɔm bɔku neshɔn dɛn pan di Izrɛl mawnten dɛm we bin dɔn bi yuslɛs fɔ lɔŋ lɔŋ tɛm; di pipul dɛn bin dɔn kɔmɔt pan di neshɔn dɛn naw dɛn ɔl tap sef wan.

Jɛrimaya 23:5

PAPA GƆD se, “A de tɛl una se, di tɛm de kam we a go es wan branch na Devid in layn, we de waka tret na mi yay, ɛn i go ren as kiŋ ɛn go wok wit sɛns, ɛn i go trit ɔlman ikwali ɛn waka tret wit ɔlman na di land.

Jɛrimaya 30:10

PAPA GƆD se, so nɔ fred natin. Yu Jekob we na mi wokman, ɛn unasɛf Izrɛl nɔ pwɛlat; bikɔs a ebul sev una ivin we a de fa, ɛn a ebul sev una pikin dɛn kɔmɔt na di land we dɛn mek dɛm slev. Jekob go tɔmbak kam ɛn i go gɛt kolat ɛn alafia, ɛn nɔbɔdi nɔ go gi am kɔtat.

Izikɛl 48:35

Di distans rawnd di siti go bi nayn kilomita. Ɛn di siti in nem, frɔm naw te go, go bi, PAPA GƆD de de.”

Daniɛl 9:7

PAPA GƆD, fɔ waka tret de na yu an, bɔt wi de disgres wisɛf ɔltɛm to di man dɛn na Juda, to di wan dɛn we tap na Jesuselɛm, ɛn to ɔl Izrɛl; dɛn wan dɛn we de nia ɛn di wan dɛn we de fa we, bikɔs ɔf di wikɛd tin dɛn we wi dɔn du to yu.

Jɛrimaya 50:7

Ɔl di wan dɛn we si dɛm, de atak dɛm, ɛn dɛn ɛnimi dɛm se,. “Wi nɔ gilti, bikɔs dɛn dɔn kɔmit sin to PAPA GƆD we gɛt dɛm, PAPA GƆD we dɛn fɔstɛmpapa dɛn bin abop pan.’