Jɛrimaya 33:15 - Krio Fɔs Oli Baybul

¹⁵ Dɛn dez dɛn de ɛn da patikla tɛm de, A go mek wan grup we de waka tret wit mi bɔsawt fɔseka Devid; ɛn i go trit ɔlman di sem ɛn go waka tret na di land.

Jɛrimaya 33:15 Referans Kwoze

Ayzaya 4:2

Da de de, PAPA GƆD in branch go fayn ɛn ɔlman go wan si am, ɛn na di frut we di grɔn go bia, di wan dɛn we lɛf na Izrɛl, go tek blɔf ɛn mek nem.

Zɛkaraya 3:8

I tɛl Jɔshwa we na di bigman fɔ dɛn man we de mek sakrifays fɔ pipul sin ɛn ɔl in padi dɛn we de wit am se, dɛn na gud man dɛn bɔt i go sɛn di pɔsin we go tɔk fɔ am we dɛn go kɔl di Branch.

Rɛvɛleshɔn 19:11

Wɛn dat dɔn, na de a si wan domɔt na ɛvin opin, a si wan wayt ɔs tinap de, di pɔsin we bin de rayd am bin nem “Di wan we fit fɔ trɔs ɛn di wan we de tɔk tru”. I de jɔj tret ɔltɛm, ɛn wɛn i de fɛt sɛf na wa, i tret.

Ayzaya 53:2

Bikɔs I gro bifo am lɛk yɔŋ plant, ɛn lɛk rut we bɔs kɔmɔt na dray grɔn; I nɔ gɛt shep ɔ fayn fes we go mek wi go luk am, ɛn nɔ gɛt da fayn fes we go mek pɔsin want am.

Ayzaya 42:21

PAPA GƆD bin gladi fɔ di waka we i de waka tret wit am, fɔ mek in lɔ big na pipul yay ɛn mek dɛn rɛspɛkt am.

Ayzaya 9:7

Fɔ in gɔvamɛnt in bɛtɛ wan ɛn fɔ kol at, dat go de sote go, na Devid in tron ɛn nain kindɔm, fɔ bigin di kindɔm ɛn mek i tinap wit jɔstis ɛn fɔ waka tret wit PAPA GƆD, frɔm naw, sote go. Na PAPA GƆD Ɔlmayti in pawa go du dat.

Di Sam Dɛm 45:7

Yu lɛk udat de du rayt ɛn et udat de du bad; na dat mek PAPA GƆD insɛf dɔn pik yu ɛn mek yu de ɔp pas ɔl yu ɔda kɔmpin kiŋ dɛn i dɔn mek yu gladi pasmak.

Di Sam Dɛm 45:4

Mek PAPA GƆD go wit yu ɛn lɛ yu kɔntinyu fɔ win ɔl di wa dɛn we yu de fɛt fɔseka wetin tru ɛn fia; yuz yu trɛnk fɔ sho se yu kin du pawaful tin dɛn.

Jɛrimaya 17:25

datɛnde, na kiŋ dɛm we sidɔm na Devid in tron, go pas de kam insay de rayd ɔs ɛn kariej, dɛm ɛn dɛn bigman dɛm, di man dɛn na Juda ɛn di wan dɛn we tap na Jerusɛlɛm; ɛn pipul dɛm go tap na dis siti sote go.

Jɛrimaya 30:9

Bɔt dɛn go sav PAPA GƆD we na dɛn Gɔd, ɛn Devid we na dɛn kiŋ, we a go gi dɛm.

Jɛrimaya 50:7

Ɔl di wan dɛn we si dɛm, de atak dɛm, ɛn dɛn ɛnimi dɛm se,. “Wi nɔ gilti, bikɔs dɛn dɔn kɔmit sin to PAPA GƆD we gɛt dɛm, PAPA GƆD we dɛn fɔstɛmpapa dɛn bin abop pan.’