Jɛrimaya 33:12 - Krio Fɔs Oli Baybul

¹² “Na dis PAPA GƆD Ɔlmayti se: Na dis ples we dɛn se ɛmti ɛn yuslɛs we mɔtalman ɛn animal nɔ de, shɛpad dɛn go tap de bak de fid dɛn ship dɛn.

Jɛrimaya 33:12 Referans Kwoze

Ayzaya 65:10

Sharɔn go tɔn say we ship ɛn got de it gras ɛn Eko vali go tɔn ples fɔ kaw fɔ lidɔm fɔ mi pipul dɛn we dɔn de fɛn mi.

Jɛrimaya 51:62

ɛn tɔk se, ‘E PAPA GƆD, yu dɔn tɔk bɔt dis ples se, yu go pwɛl am kpatakpata, we nɔbɔdi nɔ go tap de, mɔtalman ɔ animal, ɛn i go tɔn gud fɔ natin ples sote go.

Jɛrimaya 36:29

As fɔ Jɛoiakim we na kiŋ na Juda, yu go tɔk se, ‘Na dis PAPA GƆD se. Yu dɔn bɔn dis skrol de se, “Wetin mek yu dɔn rayt pan am se di kiŋ na Babilɔn go mɔs kam nyakanyaka dis land, ɛn nɔ go lɛf mɔtalman ɔ animal sɛf de?”

Jɛrimaya 31:24

Juda ɛn ɔl in siti dɛm, wit di fama dɛm ɛn dɛn wan we de wirɔn wit dɛn ship, go tap de togɛda.

Jɛrimaya 17:26

En pipul dɛm go kɔmɔt na di siti dɛm na Juda ɛn dɛn ples dɛm ɔlɔbɔt na Jerusɛlɛm kam. Dɛn go kɔmɔt na Bɛnjamin, Shɛfɛla, di il kɔntri ɛn di nɛgɛb. Dɛn go de briŋ sakrifays we dɛn de bɔn na faya ɛn ɔda sakrifays, sid ɔfrin dɛm ɛn insɛns, ɛn ɔfrin fɔ tɛl tɛnki fɔ kam na PAPA GƆD in os.

Sɔlɔmɔn In Siŋ Dɛm 1:7

Tɛl mi, yu we mi sol lɛk, usay yu de fid yu ship dɛn, usay yu de mek dɛn lidɔm santɛm; a nɔ si wetin mek a fɔ tan lɛk udat de waka waka nia yu kɔmpin dɛn ship dɛn.

Jɛrimaya 31:12

Dɛn go kam ɛn siŋ lawd lawd wan na di mawnten dɛn na Zayɔn, dɛn go gladi fɔseka di gud tin dɛn we PAPA GƆD de du fɔ dɛm, fɔseka di rɛs, di wayn ɛn di ɔyl, ɛn fɔseka di pikin ship ɛn kaw; dɛn layf go tan lɛkɛ gadin we dɛn dɔn wata, ɛn dɛn nɔ go lɛf to dɛnsɛf igen.

Jɛrimaya 32:15

Bikɔs na dis PAPA GƆD Ɔlmayti we na Izrɛl dɛn Gɔd se; Dɛn go bay os ɛn land ɛn greps bak na dis land.

Jɛrimaya 50:6

“Mi pipul dɛm dɔn bi lɛkɛ ship dɛn we dɔn lɔs; dɛn shɛpad dɛn dɔn mek dɛn go astre, we dɛn bin mek dɛn go na dɛn mawnten; dɛn dɔn kɔmɔt na wan mawten go na ɔda il, dɛn dɔn fɔgɛt usay dɛn kɔmɔt.

Egay 1:4

I se fɔ aks dɛn if na tɛm fɔ dɛn fɔ bil os dɛn wit dia matirial fɔ dɛnsɛf, we PAPA GƆD in yon os de brok brok wan.

Izikɛl 36:35

Ɛn dɛn go se, ‘dis kɔntri we bin ɛmti, natin ɛn nɔbɔdi nɔ de de, dɔn tan naw, lɛk di gadin na Idɛn, ɛn pipul dɛn dɔn tap na di big siti dɛm we bin ɛmti, nɔbɔdi ɛn natin nɔ de de ɛn bin dɔn pwɛl pata pata ɛn we bin yuslɛs; ɛn dɛn dɔn strɛnkin dɛm traŋa traŋa wan.