Jɛrimaya 33:11 - Krio Fɔs Oli Baybul

¹¹ pipul dɛn de ɛnjɔy ɛn gladi gladi; ɔkɔ ɛn yawo go gladi gladi, yu go yɛri dɛn wan dɛm we de siŋ dɛn vɔys, we dɛn de briŋ tɛl Gɔd tɛnki ɔfrin dɛm kam na PAPA GƆD in os: ‘Tɛl PAPA GƆD Ɔlmayti tɛnki, bikɔs PAPA GƆD gud, bikɔs in lɔv we nɔ de chenj go de sote go!’ Bikɔs a go gi di land in jɛntri bak lɛk aw i bin de fɔstɛm. Na so PAPA GƆD se.

Jɛrimaya 33:11 Referans Kwoze

1 Kronikuls 16:34

Tɛl PAPA GƆD tɛnki, bikɔs i gud; bikɔs in lɔv we nɔ de shek go de sote go.

Di Sam Dɛm 107:22

Lɛ dɛn mek sakrifays fɔ tɛl PAPA GƆD tɛnk, gladi ɛn siŋ fɔ tɔk bɔt wetin i de du.

Di Sam Dɛm 107:1

Lɛ wi tɛl PAPA GƆD tɛnk bikɔs in na gud PAPA GƆD; in lɔv de de sote go.

Di Sam Dɛm 106:1

Una mek wi prez PAPA GƆD! Tɛl PAPA GƆD tɛnki bikɔs na gud PAPA GƆD; in lɔv fɔ mɔtalman nɔ de ɛva chenj.

Di Ibru Pipul Dɛn 13:15

Na dat mek wi fɔ prez Gɔd ɔltɛm; di prez we wi de prez Gɔd tru Jizɔs, wɛn wi de tɔk ɔltɛm se in na wi Masta, na di sakrifays we wi de mek to Gɔd.

Ayzaya 51:11

Ɛn PAPA GƆD in pipul we i dɔn fri go tɔn bak kam, ɛn kam na Zayɔn de siŋ; ɛn gladi we de sote go, go de na dɛn ed; dɛn go gɛt jɔy ɛn gladi gladi, ɛn sɔri ɛn pini go rɔnawe go.

2 Kronikuls 29:31

Naim Ɛzikya se, “Una i dɔn mek una sɛf oli to PAPA GƆD, Kam nia ɛn briŋ sakrifays dɛm ɛn ɔfrin dɛm fɔ tɛl tɛnk na PAPA GƆD in os ɛn di pipul dɛn we gɛda briŋ sakrifays dɛm ɛn ɔfrin dɛm tɛl tɛnk, ɛvi ɔl udat gɛt fri at briŋ ɔfrin fɔ dɔn.

2 Kronikuls 5:13

ɛn na di man dɛm we de blo trɔmpɛt ɛn di wan dɛn we de siŋ de dyuti fɔ mek dɛn yɛri dɛn wit di ɔda wan dɛn we dɛn de prez ɛn tɛl tɛnk to PAPA GƆD), ɛn wɛn dɛn bigin siŋ wit trɔmpɛt dɛn ɛn simbɔl dɛm ɛn ɔda myuzik instrumɛnt dɛm, de prez PAPA GƆD se, “Bikɔs i gud, bikɔs in lɔv we nɔ de chenj so te go,” di os, PAPA GƆD in os fulɔp wit smok,”

Rɛvɛleshɔn 18:23

lamp nɔ go layt de igen; man ɛn uman nɔ go mared de igen. Dɛn wan we bin de tredin insay de na bin dɛn bigman we ɔlman na wɔl, no. I bin de tek wich mek ɔl dɛn pipul na ɔl dɛn neshɔn ful.”

Jɔn 3:29

Na di ɔkɔ gɛt di yawo, bɔt di ɔkɔ in padi we tinap klos dɛn go gladi wɛn i yɛri di ɔkɔ de tɔk. Na dat mek a gladi bad.

1 Kronikuls 16:8

Tɛl PAPA GƆD tɛnki, kɔl in nem mek di pipul dɛn no wetin i de du;

Zɛkaraya 8:19

dɛn fast we dɛn bin fast di mɔnt we mek fo, di mɔnt we mek fayv, di mɔnt we mek sɛvin, ɛn di mɔnt we mek tɛn, go briŋ gladi fɔ Juda ɛn dɛn go mek di ladida, so dɛn fɔ lɛk tin we na tru ɛn we de mek pis de.

Zɛfinaya 3:14

Lɛ di uman dɛn na Zayɔn siŋ lawd wan! Lɛ ɔlman na Izrɛl ala! Lɛ ɔlman na Jerusɛlɛm sho aw dɛn gladi wit ɔl dɛn at una di uman dɛn na Jerusɛlɛm.

Jɛrimaya 33:7

A go gi Juda dɛn jɛntri bak, ɛn gi Izrɛl dɛn jɛntri bak, ɛn bil dɛm bak lɛkɛ aw dɛm bin de fɔstɛm.

Jɛrimaya 7:34

Ɛn a go mek gladi gladi ɛn ɛnjɔymɛnt, ɛn ɔkɔ ɛn yawo vɔys, lɔs na di siti dɛn na Juda ɛn di trit dɛm na Jerusɛlɛm, bikɔs di land nɔ go gud fɔ natin.

Ayzaya 52:9

Una ɔl bigin siŋ togɛda, una dɛn ɛmti ples dɛn na Jerusɛlɛm; bikɔs PAPA GƆD dɔn koks in pipul dɛn, I dɔn ridim Jerusɛlɛm.

Di Sam Dɛm 116:17

A go pul sakrifays fɔ tɛl yu tɛnki ɛn prez ɛn wɔship yu.

2 Kronikuls 7:3

We di Izrɛlayt dɛn si di faya de kan dɔŋ, ɛn PAPA GƆD in glori pan di tɛmpul, dɛn butu na grɔn na di pevmɛnt ɛn wɔship PAPA GƆD ɛn tɛl am tɛnki se, “Bɔkɔs i gud, bikɔs in lɔv we nɔ de chenj de sote go.”

Zɛkaraya 10:7

Di Izrɛlayt dɛn go tan lɛk sojaman dɛn ɔl at go gladi lɛk udat drink rɔm. Dɛn pikin dɛn go si wetin de apin ɛn dɛn at go swit da tɛm de, dɛn go prez PAPA GƆD.

Zɛkaraya 9:17

Di ples go fayn fɔ si, bɔbs! Yutman dɛn go plant bɔku tin we go mek layf bɛtɛ fɔ dɛn ɛn dɛn go mek wayn fɔ dɛn yɔŋgyal.

Jona 2:9

Bɔt a go tɛl yu tɛnki ɔltɛm; a go mek sakrifays ɛn du wetin a bin se a go du. Na PAPA GƆD nɔmɔ de pul pɔsin pan trɔbul.”

Jɛrimaya 33:26

datɛnde, a bin fɔ pul an pan Jekob ɛn Devid we na mi wokman dɛn disɛndant dɛm, ɛn a nɔ go pik wan pan in disɛndant dɛn fɔ rul Ebram, Ayzak ɛn Jekob dɛn sid. Bikɔs a go gi dɛm dɛn jɛntri bak, ɛn a go sho dɛn masi.”

Jɛrimaya 25:10

Pantap dat, a go mek ɛnjɔymɛnt ɛn gladi gladi nɔ de na dɛn layf. Dɛn nɔ go gɛt fɔ yɛri ɔkɔ ɛn yawo vɔys, dɛn nɔ go yɛri di grenin ston in sawnd ɛn na dak dɛn go de.

Jɛrimaya 16:9

Bikɔs na dis PAPA GƆD Ɔlmayti we na Izrɛl dɛn Gɔd se; A de tɛl una, a go mek gladi gladi tap na ya, bifo una yay ɛn nainsay una yon tɛm. Laf laf ɛn gladi gladi go tap; ɔkɔ in vɔys ɛn yawo in vɔys go tap na di ples.

Nɛimaya 12:43

Da de de, dɛn gladi bad as PAPA GƆD mek dɛn kɔmɔt bush. Dɛn mek bɔku difrɛn difrɛn sakrifays dɛn to PAPA GƆD. Di uman dɛn ɛn dɛn pikin dɛnsɛf jɔyn dɛn fɔ gladi. If yu de fawe frɔm Jerusɛlɛm sɛf, yu go yɛri di nɔys we dɛn de mek we dɛn de gladi.

Nɛimaya 8:12

So di pipul dɛn skata go fɛn gud it fɔ it ɛn drink ɛn ivin sɛn sɔm go gi udat nɔ gɛt. Dɛn ɔl gladi ɛn sɛlibret bikɔs bay da tɛm de dɛn bin dɔn ebul fɔ ɔndastand ɔl wetin dɛn bin de tɛl dɛn.

Ɛzra 6:22

Di pipul dɛn bin sɛlibret di pasova fɛstival fɔ sɛvin de ɛn it bred we nɔ gɛt yist. Di wanol siti bin mek big big sɛlibreshɔn bikɔs PAPA GƆD chenj di Kiŋ na Asiria in atityud ɛn mek i ɛp dɛn pan di wok na PAPA GƆD, Izrɛl dɛn GƆD in os.

Ayzaya 51:3

Bikɔs PAPA GƆD go koks Zayɔn; I go kɔnfɔt ɔl in ɛmti ples dɛn we dɔn pwɛl, ɛn i go mek in dray ɛn ɛmti ples tan lɛk Idɛn, In ɛmti ples we pɔsin nɔ go ebul tap, go tan lɛk PAPA GƆD in gadin; na jɔy ɛn gladi gladi go de de, wit tanksgivin ɛn pipul dɛn we de siŋ.

2 Kronikuls 20:21

Wɛn i dɔn ɛŋ ed wit di pipul dɛn dɔn, i pik di wan dɛn we fɔ siŋ to PAPA GƆD ɛn prez am we dɛn wɛr oli klos, we dɛn de waka bifo di ami de siŋ se, “Tɛl PAPA GƆD tɛnki, bikɔs in lɔv we nɔ de chenj so te go.”

Ayzaya 35:10

Ɛn di wan dɛn we PAPA GƆD dɔn pe fɔ, go kam bak, ɛn dɛn go kam Zayɔn de siŋ; ɛn jɔy we go de sote go, go de na dɛn layf; dɛn go gɛt jɔy ɛn gladi gladi, ɛn sɔri ɛn pini, go rɔnawe.

Jɛrimaya 17:26

En pipul dɛm go kɔmɔt na di siti dɛm na Juda ɛn dɛn ples dɛm ɔlɔbɔt na Jerusɛlɛm kam. Dɛn go kɔmɔt na Bɛnjamin, Shɛfɛla, di il kɔntri ɛn di nɛgɛb. Dɛn go de briŋ sakrifays we dɛn de bɔn na faya ɛn ɔda sakrifays, sid ɔfrin dɛm ɛn insɛns, ɛn ɔfrin fɔ tɛl tɛnki fɔ kam na PAPA GƆD in os.

Jɛrimaya 30:19

Nainsay dɛm, tɛl PAPA GƆD tɛnki siŋ, dɛn go kɔmɔt, ɛn dɛn wan dɛm vɔys we gladi. A go mek dɛn plɛnti, ɛn dɛn nɔ go bi tu tri nɔmɔ; A go mek dɛm gɛt rɛspɛkt, ɛn dɛn nɔ go smɔl.

Jɛrimaya 32:44

Dɛn go bay land wit mɔni, ɛn dɛn go sayn ɛn witnɛs kɔnveans dɛm, na di land ɔf Bɛnjamin, na di ples rawnd Jerusɛlɛm, ɛn na di siti dɛn na Juda, di siti dɛn na di il kɔntri, di Shɛfɛla dɛn siti dɛn, ɛn na di siti dɛn we de na di Nɛgɛb; bikɔs a go gi dɛm dɛn jɛntri bak. Na so PAPA GƆD se.”

Neum 1:7

PAPA GƆD na gud PAPA GƆD, i de pul pɔsin kɔmɔt pan trɔbul; i nɔ de lɛf udat go to am fɔ ɛp am to insɛf.

Di Sam Dɛm 85:7

Sho wi aw yu lɔv fɔ wi nɔ de chenj ɛn pul wi pan trɔbul.

Di Sam Dɛm 147:13

bikɔs i de ɛp di siti fɔ tinap fɔ insɛf ɛn de blɛs ɔl udat de insay di siti.

Ayzaya 52:8

Una lisin, una wachman dɛn de ala, dɛn de siŋ togɛda wit jɔy; bikɔs dɛn de si yay to yay we PAPA GƆD de tɔn bak kam Zayɔn.

Jɛrimaya 29:14

una go fɛn mi ɛn a go gi una ɔl una jɛntri bak ɛn gɛda una kɔmɔt na ɔl di neshɔn dɛn ɛn ɔl di ples dɛn we a bin dɔn drɛb una go, ɛn a go briŋ una bak na di ples we a drɛb una kɔmɔt go ɛgzayl. Na so PAPA GƆD se.

Jɛrimaya 30:3

PAPA GƆD se, Bikɔs di tɛm de kam we a go gi mi pipul dɛm we na Izrɛl ɛn Juda, dɛn jɛntri bak, ɛn a go briŋ dɛm kam bak na di land we a bin gi dɛn fɔstɛmpapa dɛm, ɛn dɛn go tek am fɔ dɛnsɛf.”

Emɔs 9:14

A go briŋ mi pipul kam bak na dɛn land, dɛn go bil dɛn siti bak ɛn tap de; dɛn go plant vayn ɛn drink in wayn, dɛn go plant ɛn it wetin dɛn plant.