Jɛrimaya 32:44 - Krio Fɔs Oli Baybul

⁴⁴ Dɛn go bay land wit mɔni, ɛn dɛn go sayn ɛn witnɛs kɔnveans dɛm, na di land ɔf Bɛnjamin, na di ples rawnd Jerusɛlɛm, ɛn na di siti dɛn na Juda, di siti dɛn na di il kɔntri, di Shɛfɛla dɛn siti dɛn, ɛn na di siti dɛn we de na di Nɛgɛb; bikɔs a go gi dɛm dɛn jɛntri bak. Na so PAPA GƆD se.”

Jɛrimaya 32:44 Referans Kwoze

Jɛrimaya 17:26

En pipul dɛm go kɔmɔt na di siti dɛm na Juda ɛn dɛn ples dɛm ɔlɔbɔt na Jerusɛlɛm kam. Dɛn go kɔmɔt na Bɛnjamin, Shɛfɛla, di il kɔntri ɛn di nɛgɛb. Dɛn go de briŋ sakrifays we dɛn de bɔn na faya ɛn ɔda sakrifays, sid ɔfrin dɛm ɛn insɛns, ɛn ɔfrin fɔ tɛl tɛnki fɔ kam na PAPA GƆD in os.

Jɛrimaya 33:26

datɛnde, a bin fɔ pul an pan Jekob ɛn Devid we na mi wokman dɛn disɛndant dɛm, ɛn a nɔ go pik wan pan in disɛndant dɛn fɔ rul Ebram, Ayzak ɛn Jekob dɛn sid. Bikɔs a go gi dɛm dɛn jɛntri bak, ɛn a go sho dɛn masi.”

Jɛrimaya 33:11

pipul dɛn de ɛnjɔy ɛn gladi gladi; ɔkɔ ɛn yawo go gladi gladi, yu go yɛri dɛn wan dɛm we de siŋ dɛn vɔys, we dɛn de briŋ tɛl Gɔd tɛnki ɔfrin dɛm kam na PAPA GƆD in os: ‘Tɛl PAPA GƆD Ɔlmayti tɛnki, bikɔs PAPA GƆD gud, bikɔs in lɔv we nɔ de chenj go de sote go!’ Bikɔs a go gi di land in jɛntri bak lɛk aw i bin de fɔstɛm. Na so PAPA GƆD se.

Jɛrimaya 33:7

A go gi Juda dɛn jɛntri bak, ɛn gi Izrɛl dɛn jɛntri bak, ɛn bil dɛm bak lɛkɛ aw dɛm bin de fɔstɛm.

Jɛrimaya 32:10

A sayn di kɔnveans, sil am, gɛt witnɛs dɛm ɛn we di mɔni na skel.

Jɛrimaya 32:37

Biliv mi, a go gɛda dɛm kɔmɔt na ɔl di kɔntri dɛm we a bin drɛb dɛn go we a bin vɛks ɛn mi at bin wam bad bad wan; a go briŋ dɛn kam bak na ya, ɛn a go mek dɛn sef.

Ayzaya 44:26

we de pruv wetin in wokman se, ɛn de mek shɔ se wetin in mɛsenja dɛn se, bi; we tɔk bɔt Jerusɛlɛm se, ‘Pɔsin dɛn go tap de,’ ɛn bɔt di siti dɛn na Juda, se, ‘Dɛn go bil dɛn ɛn a go mek ɔl usay brok brok, bak’;

Jɛrimaya 13:19

Di siti dɛn na di Nɛgɛb dɔn lɔk, ɛn nɔbɔdi nɔ de fɔ opin dɛm; dɛn dɔn kɛr di wanol Juda ɛgzayl, dɛn kɛr dɛn ɔl go ɛgzayl.

Jɛrimaya 30:3

PAPA GƆD se, Bikɔs di tɛm de kam we a go gi mi pipul dɛm we na Izrɛl ɛn Juda, dɛn jɛntri bak, ɛn a go briŋ dɛm kam bak na di land we a bin gi dɛn fɔstɛmpapa dɛm, ɛn dɛn go tek am fɔ dɛnsɛf.”

Jɛrimaya 31:23

Na dis PAPA GƆD Ɔlmayti we na Izrɛl dɛn Gɔd se: “wan tɛm mɔ, dɛn go yuz dɛn wɔd ya na Juda ɛn in siti dɛm, we a go gi dɛm dɛn jɛntri bak: “PAPA GƆD GO blɛs yu, yu we nainsay yu raychɔsnɛs tap, Yu oli il!’

Jɛrimaya 33:13

PAPA GƆD se, Na di il kɔntri, na di siti dɛm na di Shɛfɛla, di siti dɛm na Nɛgɛb, di Land ɔf Bɛnjamin, di ples dɛn we de rawnd Jerusɛlɛm, ɛn di siti dɛm na Juda, ship dɛn go pas ɔnda di wan we de kɔnt dɛn in an.

Obadaya 1:19

I se di wan dɛn we de na Sawt Juda go tek ova Idɔm; di wan dɛn we de na di Wɛst bɔda, dɛn go tek ova Filistia. Na di Izrɛlayt dɛn go gɛt Ifrem ɛn Sameria; dɔn di pipul dɛn na Bɛnjamin go gɛt Giliad.

Obadaya 1:20

Di Izrɛlayt dɛn we de ɛgzayl go gɛt Kenan te rich Zarɛfat, di wan dɛn we de ɛgzayl we kɔmɔt Jerusɛlɛm, we de na Sadis, dɛn go tek ova di siti dɛn we de Sawt Juda.

Zɛfinaya 2:7

Na nia di watasay de di wan dɛn we nɔ day na Juda in fambul layn go tap, ɛn na de dɛn go go fɔ mɛn dɛn ship ɛn got dɛn. Dɔn na di os dɛn na Ashkɛlɔn, dɛn go de slip ivintɛm. PAPA GƆD, dɛn PAPA GƆD go mɛmba dɛn ɛn gi dɛn ɔl wetin dɛn bin dɔn lɔs bak.

Zɛkaraya 7:7

I se aw Jerusɛlɛm bin tan we ɔltin bin ɔrayt fɔ am, we pipul bin tap ɔlsay ɛn biznɛs bin fayn, na wetin i bin dɔn mek di prɔfɛt dɛn tɔk.

Jɛrimaya 30:18

Na dis PAPA GƆD se: A de tɛl una, a go gi Izrɛl dɛn jɛntri bak, ɛn sɔri fɔ in pipul dɛm; a go bil di siti bak pantap in il, ɛn di kiŋ in os go tinap bak di say we i bin de.