Jɛrimaya 32:41 - Krio Fɔs Oli Baybul

⁴¹ A go de gladi fɔ du dɛm gud, ɛn a go plant dɛm na dis land in wit tret maynd, wit ɔl mi at ɛn mi sol.

Jɛrimaya 32:41 Referans Kwoze

Jɛrimaya 24:6

A go gyad dɛm sote go, ɛn a go briŋ dɛm kam bak na dis land. Nɔto brok a go brok dɛm, na bil a go bil dɛm; nɔto rut a go rut am, na plant a go plant am.

Zɛfinaya 3:17

PAPA GƆD de wit una; na sojaman so i mɔs mek una win. Dat go mek in at swit, dɔn, bikɔs i lɛk una, i go mek layf tan lɛk wetin i bin bi fɔs. Na una go mek i siŋ bikɔs in at gladi,

Emɔs 9:15

A go put mi pipul na di land we a gi dɛn, ɛn nɔbɔdi nɔ go pul dɛn kɔmɔt de igen” Na mi PAPA GƆD dɔn tɔk so.

Ayzaya 62:5

Bikɔs, lɛk aw yɔŋnam go mared vajingyal, na so yu bɔypikin dɛn go mared yu, ɛn lɛk aw ɔkɔ kin gladi fɔ yawo, na so yu Gɔd go gladi fɔ yu.

Ayzaya 65:19

A go gladi fɔ Jerusɛlɛm, ɛn gladi fɔ mi pipul dɛm; no mɔ dɛn nɔ go yɛri kray kray ɛn brokat kray insay de.

Jɛrimaya 31:28

Ɛn i go kam bi se, as a dɔn wata dɛm mek a go rut ɛn brok dɛm, fɔ ib dɛm oba ɛn nyakanyaka dɛm, ɛn briŋ wahala, so a go wata dɛm fɔ bil ɛn fɔ plant. Na so PAPA GƆD se.

Jɛrimaya 18:9

Ɛn, ɛni tɛm we a tɔk sɔntin bɔt ɛni neshɔn ɔ kindɔm se, a go bil am ɛn plant am,

Ditarɔnɔmi 30:9

PAPA GƆD we na dɛn PAPA GƆD go mek dɛn si bɛtɛ pan ɔl wetin dɛn put an fɔ du; pan dɛn pikin dɛn we dɛn de bɔn, di pikin dɛn we dɛn kaw dɛn de bɔn, ɛn di tin dɛn we dɛn de plant na dɛn fam, bikɔs PAPA GƆD go gladi fɔ mek dɛn jɛntri lɛkɛ aw i bin gladi fɔ mek dɛn fɔstɛm-papa dɛn jɛntri.

Ditarɔnɔmi 28:63

Mozis tɛl di Izrɛlayt dɛn se, lɛkɛ aw PAPA GƆD bin gladi fɔ mek dɛn jɛntri ɛn bɔn bɔku bɔku pikin dɛn, na semweso i go gladi fɔ du dɛn tin dɛn we go mek dɛn alaki ɛn day day na di land we i dɔn rɛdi fɔ gi dɛn.

Di Sam Dɛm 80:8

Yu pul wi kɔmɔt na Ijipt ɛn briŋ wi ya; yu drɛb di orijinal neshɔn dɛn we bin tap de kɔmɔt dɔn yu gi wi di land as prɔpati.

Ayzaya 62:4

Dɛn nɔ go kɔl yu, di wan we dɛn lɛf to insɛf igen, ɛn dɛn nɔ go kɔl yu land, ɛmti land igen; Bɔt dɛn go kɔl yu, Na yu mi at de gladi fɔ, ɛn dɛn go kɔl yu land, Mared land; bikɔs PAPA GƆD lɛk yu, ɛn yu land go mared.

Mayka 7:18

Nɔn gɔd nɔ de we tan lɛk PAPA GƆD we kwik fɔ fɔgiv in pipul dɛn sin. I nɔ go jɛs vɛks pan di balans we lɛf afta dɛn ɛnimi dɔn aras dɛn bikɔs in lɔv nɔ de dɔn.

Ayzaya 60:21

Yu pipul dɛn ɔl go waka tret na PAPA GƆD in yay; di land go blant dɛn sote go, di yɔŋ wan dɛn we bɔs pan di plant we plant, di tin dɛn we na misɛf du, mek a go gɛt glori.

Izikɛl 36:36

Dɛn di neshɔn dɛn we lɛf rawnd una, go no se na mi, PAPA GƆD, dɔn bil bak di ples dɛn we bin dɔn pwɛl pata pata ɛn dɔn plant bak na di ples we bin ɛmti, natin ɛn nɔbɔdi nɔ bin de de.

Ozie 14:5

I se in go tan lɛk dyu to di pipul we go mek dɛn de frɛsh ɛn prɛd lɛk ren sizin bɔlɔgi. Dɛn rut go tan lɛk kɔtintri.