Jɛrimaya 32:40 - Krio Fɔs Oli Baybul

⁴⁰ A go mek wan Kɔvinant wit dɛn we go de sote go, so dat a nɔ go tap fɔ du dɛn gud; ɛn a go put fred na dɛn at fɔ mi, so dat dɛn nɔ go tɔn bak pan mi.

Jɛrimaya 32:40 Referans Kwoze

Izikɛl 36:26

A go gi una nyu at ɛn put nyu spirit insay una. Ɛn a go pul di ston at we de pan una bɔdi ɛn gi una at we mek wit flɛsh

Jɛrimaya 24:7

A go gi dɛm di at fɔ no se na mi na di PAPA GƆD; ɛn dɛn go bi mi pipul ɛn mi go bi dɛn Gɔd, bikɔs dɛn go kam bak to mi wit ɔl dɛn at.

Pita In Fɔs Lɛta 1:5

Bikɔs una biliv pan Gɔd, Gɔd go kip una wit in pawa, so dat una go gɛt da layf we go de sote go, we dɔn rɛdi naw ɛn we Gɔd go gi una di de we i go jɔj ɔlman.

Jems 1:17

Na Gɔd nɔmɔ de gi wi ɔl dɛn tin we gud ɛn we mek wi nɔ want ɛnitin mɔ. Na Gɔd mek di san, di mun ɛn di sta dɛn. Gɔd nɔ de chenj, i nɔ de lɛf wi na dak afta i dɔn mek layt shayn pan wi.

Izikɛl 39:29

ɛn a nɔ go ayd mi fes pan dɛm igen igen, wɛn a go tɔn mi spirit pan di Izrɛl pipul, lɛk wata, PAPA GƆD tɔk se.

Ayzaya 55:3

Opin una yes lisin, ɛn kam to mi; una yɛri, mek una go gɛt layf; ɛn a go mek Kɔvinant wit yu we go de sote go, mi tru tru lɛk we nɔ de chenj, we a lɛk Devid.

Jɛrimaya 50:5

Dɛn go aks fɔ di rod fɔ go Zayɔn, ɛn dɛn go tɔn dɛn fes de, de se, “Una kam lɛ wi jɔn wisɛf to PAPA GƆD wit wan Kɔvinant we go de sote go we nɔbɔdi nɔ go ɛva fɔgɛt.’

Di Ibru Pipul Dɛn 13:20

Gɔd we de gi mɔtalman kol at, dɔn mek wi Masta Jizɔs rayz frɔm di grev wit layf ɛn mek i bi di shɛpad we pas ɔl fɔ de wach wi we nain pipul dɛn. Na Jizɔs in blɔd dɔn mek di agrimɛnt, we Gɔd mek wit wi, go de sote go.

2 Samiɛl 23:4

tan lɛk aw san kiŋ brayt we ren kɔt ɔ lɛk aw ren kin mek di gras luk frɛsh.”

Di Ibru Pipul Dɛn 7:24

Bɔt Jizɔs difrɛn, i nɔ de day, in layf de sote go. I nɔ de lɛf in wok we na fɔ mek sakrifays fɔ pipul sin, gi ɔda pɔsin.

Di Ibru Pipul Dɛn 4:1

Gɔd bin dɔn prɔmis wi se, wi go go na di ples we i de, ɛn wi go sidɔm blo. Na dat mek wi fɔ tek tɛm, so dat dɛn nɔ go tɛl ɛni wan pan wi se, i nɔ go go de.

Ayzaya 61:8

Bikɔs, mi we na PAPA GƆD lɛk jɔstis, A et tif ɛn fɔ de du rɔŋ tin; A go mɔs pe dɛn bak, ɛn a go mek Kɔvinant we go de sote go, wit dɛm.

Ayzaya 24:5

Di grɔn nɔ klin na PAPA GƆD in yay, ɔnda di wan we tap pantap am; bikɔs dɛn dɔn brok di lɔ dɛm, dɛn nɔ du wetin PAPA GƆD se, dɛn dɔn brok di Kɔvinant we na fɔ sote go.

Ditarɔnɔmi 31:6

Mozis tɛl di Izrɛlayt dɛn se, dɛn fɔ tinap lɛk man, ɛn dɛn nɔ fɔ mek dɛn ɛnimi dɛn mek dɛn fred, bikɔs PAPA GƆD we na dɛn PAPA GƆD de wit dɛn ɔltɛm; i nɔ go kɔmɔt biɛn dɛn.

Ditarɔnɔmi 31:8

I tɛl am se PAPA GƆD go de bifo dɛn ɛn i go de wit dɛn ɔltɛm; i nɔ go kɔmɔt biɛn dɛn, so i nɔ sɔpoz fɔ fred natin ɔ pwɛl at.

Jɛrimaya 31:34

Ɛn nɔbɔdi nɔ go gɛt fɔ tich in neba ɔ in brɔda igen se ‘Yu fɔ no PAPA GƆD,’ bikɔs dɛn go no mi, frɔm di smɔl wan pan dɛm, to di wan we big pas ɔl, bikɔs a go fɔgiv dɛm fɔ dɛn wikɛdnɛs, ɛn a nɔ go mɛmba dɛn sin igen.” Na so PAPA GƆD se.

Izikɛl 37:26

A go mek wan pis Kɔvinant wit dɛm; i go bi Kɔvinant wit dɛn we go de so te go; ɛn a go blɛs dɛm ɛn ad mɔ ɛn mɔ pan dɛm, ɛn a go put mi ples we dɛn de pre to mi, midul dɛm, fɔ ɛva ɛn ɛva, so te go

Di Sam Dɛm 80:19

PAPA GƆD, PAPA GƆD Ɔlmayti, mek wi bi wetin wi bin bi fɔs, Av masi pan wi ɛn sev wi.

Izikɛl 36:27

ɛn a go put mi yon spirit insay una, ɛn mek una waka bay aw mi lɔ dɛn se, ɛn mek una kiaful aw una de du mi kɔmand dɛm.

Mayka 4:5

Ɔl di neshɔn dɛn go de wɔship dɛn yon gɔd dɛn bɔt di wan dɛn we na PAPA GƆD in yon pipul go wɔship ɛn obe am sote go.