Jɛrimaya 32:39 - Krio Fɔs Oli Baybul

³⁹ A go gi dɛm wan at ɛn wan we, so dat dɛn go fred mi sote go fɔ dɛn yon gud, ɛn fɔ dɛn pikin dɛn gud.

Jɛrimaya 32:39 Referans Kwoze

Apɔsul Dɛn Wok 4:32

Ɔl dɛn wan we bin biliv Jizɔs bin gɛt wanwɔd ɛn wan at. Nɔbɔdi nɔ bin de se, “Na mi wangren gɛt mi prɔpati”, bɔt ɔlman bin de sheb wetin i gɛt wit di ɔda pipul dɛn.

Jɔn 17:21

A de pre mek dɛn ɔl gɛt wanwɔd. Papa! Mek dɛn gɛt wan at wit wi, jɛs lɛkɛ aw yu de insay mi ɛn mi de insay yu. Mek dɛn ɔl gɛt wanwɔd, so dat di ɔda pipul dɛn na wɔl go no se na yu sɛn mi kam na wɔl fɔ du ɔl wetin a de du.

Izikɛl 37:25

Dɛn go tap na di kɔntri we dɛn dadi bin tap ɛn we a bin gi to mi savant Jekɔb; dɛn ɛn dɛn pikin dɛn, ɛn dɛn pikin pikin dɛm go tap de so te go; ɛn Devid mi savant go bi dɛn kiŋ so te go.

Izikɛl 36:26

A go gi una nyu at ɛn put nyu spirit insay una. Ɛn a go pul di ston at we de pan una bɔdi ɛn gi una at we mek wit flɛsh

Di Ibru Pipul Dɛn 10:20

Jizɔs sakrifays in bɔdi fɔ opin rod fɔ pipul fɔ gɛt nyu layf. In bɔdi tan lɛkɛ di tik kɔtin we bin ɛŋ insay, insay Gɔd in Os fɔ kɔba di ples we Gɔd de. (Da tik kɔtin de bin chɛr frɔm ɔp kam dɔŋ wɛn Krays day na di krɔs.)

Jɔn 14:6

Jizɔs se, “Mi na di rod we fɔ pas go to Gɔd, na mi de tɛl pipul wetin tru bɔt Gɔd, na mi de gi pipul di tru layf; nɔbɔdi nɔ go kam to mi Papa pas di pɔsin pas tru mi.”

Jɛrimaya 32:40

A go mek wan Kɔvinant wit dɛn we go de sote go, so dat a nɔ go tap fɔ du dɛn gud; ɛn a go put fred na dɛn at fɔ mi, so dat dɛn nɔ go tɔn bak pan mi.

Prɔvabs 23:17

Nɔ jɛlɔs nɔn bad mɔtalman, liv yu layf fɔ de ɔna ɛn rɛspɛkt PAPA GƆD.

2 Kronikuls 30:12

PAPA GƆD sɛf in an bin de pan Juda fɔ gi, dɛn wan at fɔ du wetin di kiŋ ɛn di prins dɛn kɔmand akɔdin to PAPA GƆD in wɔd.

1 Kɔrint 7:14

Bikɔs maredman we nɔto Kristiɛn ɛn in wɛf we na Kristiɛn, dɔn bi wan, Gɔd go tek di man we nɔto Kristiɛn lɛkɛ in yon. Ɛn bikɔs mare du man we nɔto Kristiɛn ɛn in man we na Kristiɛn, dɔn bi wan, Gɔd go tek di uman we nɔto Kristiɛn lɛkɛ in yon. If nɔ so, dɛn pikin go bi lɛkɛ dɛn pikin we nɔ no Gɔd. Bɔt we Gɔd dɔn tek dɛn mami ɛn dɛn dadi lɛkɛ in yon, Gɔd go tek di pikin dɛn lɛkɛ in yon.

Apɔsul Dɛn Wok 13:33

I dɔn du am fɔ wi we i dɔn mek Jizɔs rayz bak wit layf. Dɛn rayt na di sɛkɛn Sam se, Gɔd se, ‘Yu na mi Pikin; a dɔn bi yu Papa tide.’

Ayzaya 35:8

Ɛn men rod go de de, ɛn dɛn go kɔl am di Oli Rod; pɔsin we nɔ klin na PAPA GƆD in yay nɔ go pas de ɛn fulman nɔ go mistek go insay de.

2 Kɔrint 13:11

Mi brɔda dɛn, na di wɔd dat o! Una fɔ tray fɔ de du wetin rayt ɔltɛm; una fɔ lisin wɛn a de tɔk to una fɔ mek una de du gud, una fɔ gɛt wanwɔd wit una kɔmpin, ɛn una nɔ fɔ de mek plaba. So Gɔd we lɛk ɔlman ɛn we de gi kol at go de wit una.

Lɛta Fɔ Rom 11:16

If ɛnibɔdi gi Gɔd di fɔs af bred we i kɔt, dat min se di wan ol bred blant Gɔd; ɛn if ɛnibɔdi gi Gɔd tik in rut, dat min se ɔl di an dɛn pan di tik blant Gɔd.

Apɔsul Dɛn Wok 9:31

Da tɛm de, nɔbɔdi nɔ mek dɛn pipul we bin biliv pan Jizɔs Krays na Judia, Galili, ɛn Sameria sɔfa igen. Gɔd in Spirit bin de ɛp dɛn fɔ mek mɔ ɛn mɔ pipul biliv pan Jizɔs. Ɔl di pipul dɛn we bin biliv pan Jizɔs bin de du wetin Gɔd want ɛn dɛn bin rɛspɛkt di Masta.

Apɔsul Dɛn Wok 3:26

Wɛn Gɔd sɛn Jizɔs lɛkɛ savant kam na wɔl, Gɔd mek i kam to una we na Izrɛl pipul fɔs, kam tɔk bɔt Gɔd fɔ mek bɛtɛ go fala una ɛn mek una go lɛf fɔ du bad.”

Apɔsul Dɛn Wok 2:39

Di prɔmis we Gɔd bin prɔmis, na fɔ una, fɔ una pikin dɛn, fɔ ɔl dɛn wan we nɔ bɔn yet, ɛn ɔl dɛn pipul we Gɔd dɔn kɔl fɔ kam to am.”

Izikɛl 37:22

ɛn a go mek dɛm bi wan neshɔn na di kɔntri, na di mawnten dɛm na Izrɛl; ɛn na wangren kiŋ go bi kiŋ oba dɛn ɔl; ɛn dɛn nɔ go bi tu neshɔn igen igen, ɛn dɛn nɔ go sheb fɔ bi tu kindɔm igen igen.

Jɛrimaya 6:16

Na dis PAPA GƆD se, “Una go tinap na forod ɛn wach, una aks fɔ dɛn ol rod, usay di gud rod de; ɛn una waka de, ɛn fɛn kolat fɔ una sol. Bɔt dɛn se, ‘we nɔ go waka de.’

Ayzaya 52:8

Una lisin, una wachman dɛn de ala, dɛn de siŋ togɛda wit jɔy; bikɔs dɛn de si yay to yay we PAPA GƆD de tɔn bak kam Zayɔn.

Di Sam Dɛm 128:6

Ɛn mek yu gɛt lɔŋ layf fɔ si yu gret grampikin dɛn. Mek pis de na Izrɛl!

Di Sam Dɛm 112:1

Una lɛ wi prez PAPA GƆD! I go fayn fɔ di pɔsin we de fred PAPA GƆD ɛn we gladi fɔ du wetin i se.

Ditarɔnɔmi 5:29

I se PAPA GƆD bin se if na da kayn at de dɛn gɛt ɔl di tɛm fɔ rɛspɛkt am ɛn du ɔl wetin i se dɛn fɔ du, ɔltin bin fɔ fayn sote go fɔ dɛn ɛn dɛn pikin dɛn we nɔ bɔn yet.

Jɛnɛsis 22:12

Nain di enjɛl se, “Nɔ du natin to da po pikin, nɔ tɔch am! A dɔn no naw se, yu de fred PAPA GƆD, bikɔs yu gri fɔ sakrifays yu wangren bɔypikin to am. Dat dɔn sho se yu rɛdi fɔ obe PAPA GƆD pan ɔltin.”

Jɛnɛsis 18:19

A dɔn pik am fɔ tɛl in jɛnareshɔn dɛn fɔ obe mi ɛn du wetin rayt ɛn tret wit mi. Dat go mek misɛf du ɔl wetin a bin prɔmis am.”

Jɛnɛsis 17:7

“A de mek dis Kɔvinant bitwin mi ɛn yu ɛn bitwin mi ɛn yu jɛnareshɔn dɛn we nɔ bɔn yet. Dis Kɔvinant go de sote go ɛn a go bi yu PAPA GƆD ɛn ɔl yu jɛnareshɔn dɛn PAPA GƆD.

Ditarɔnɔmi 6:24

I se PAPA GƆD we na dɛn PAPA GƆD dɔn tɛl dɛn traŋa wan se dɛn fɔ de obe di lɔ dɛn ɛn rɛspɛkt PAPA GƆD we na dɛn PAPA GƆD ɔltɛm, so dat i go de kɔba dɛn ɔltɛm lɛkɛ aw i bin dɔn kɔba dɛn te da de de.

Di Sam Dɛm 86:11

PAPA GƆD, tich mi wetin yu want mi fɔ du, ɛn a go du am wit ɔl mi at; mek a sav yu wit ɔl mi at, so a go de prez yu nem.

Ayzaya 65:23

Dɛn nɔ go lebɔ fɔ natin, ɔ bɔn pikin we go briŋ waala; bikɔs dɛn go bi sid dɛm we PAPA GƆD dɔn blɛs, dɛn ɛn dɛn pikin dɛm.

Jɛrimaya 31:33

PAPA GƆD se, ‘Bɔt na di kayn Kɔvinant dis we a go mek wit Izrɛl dɛn tɛm dɛn de: A go put mi lɔ insay dɛm ɛn a go rayt am na dɛn at; ɛn a go bi dɛm Gɔd, ɛn dɛn go bi mi pipul.

Ditarɔnɔmi 6:2

so dat dɛn ɛn dɛn pikin dɛn go rɛspɛkt PAPA GƆD we na dɛn PAPA GƆD ɛn du ɔl wetin i want dɛn fɔ de du, di we we i go want dɛn fɔ du dɛn, te dɛn day. Dat go mek dɛn gɛt lɔŋ layf.

Jɛrimaya 24:7

A go gi dɛm di at fɔ no se na mi na di PAPA GƆD; ɛn dɛn go bi mi pipul ɛn mi go bi dɛn Gɔd, bikɔs dɛn go kam bak to mi wit ɔl dɛn at.

Izikɛl 37:24

“Mi savant Devid go bi kiŋ oba dɛm; ɛn dɛn ɔl go gɛt wangren shɛpad. Dɛn go fala mi ɔda dɛn ɛn kiaful fɔ du mi lɔ dɛm.