Jɛrimaya 32:34 - Krio Fɔs Oli Baybul

³⁴ Dɛn put dɛn bad bad tin dɛn we a nɔ lɛk insay di os we dɛn se na fɔ mi, fo dɔti am na mi yay.

Jɛrimaya 32:34 Referans Kwoze

Jɛrimaya 7:30

PAPA GƆD se, “na bikɔs di bɔypikin dɛn na Juda dɔn du ivul tin dɛn bifo mi fes; dɛn dɔn du di bad bad tin dɛn we a nɔ lɛk na mi os we mi nem de, fɔ dɔti am na mi yay.

Jɛrimaya 23:11

PAPA GƆD se, “Di prɔfɛt dɛm ɛn di man dɛm we de mek sakrifays fɔ pipul sin, dɛn ɔngɔdli, se Gɔd Ɔlmayti, ivin na mi os, a dɔn si dɛn wikɛdnɛs de.

2 Kronikuls 33:15

Ɛn i pul ɔl di fɔrin gɔd dɛm ɛn lay lay gɔd dɛm na PAPA GƆD in os ɛn na Jerusɛlɛm ɛn in trowe dɛn kɔmɔt na di siti.

2 Kiŋ 23:6

I pul di Ashɛra pol kɔmɔt na PAPA GƆD in os, kɛr am go dɔŋ na Kidrɔn Vali, bɔn am to ashis ɛn skata di ashis na di bɛriŋrɔn usay dɛn de bɛr dɛn ɔdinari mɔtalman.

2 Kiŋ 21:1

Manasɛ bin ol twɛlv ia we i bi kiŋ na Juda ɛn i rul na Jerusɛlɛm fɔ fifti-fayv ia. In mama nem Ɛpziba.

Jɛrimaya 7:10

ɛn kam bak kam tinap bifo mi insay dis os, we na mi os, ɛn se ‘wi dɔn fri!’– Pas nɔmɔ fɔ mek una stil de du dɛn bad bad tin dɛn ya we a nɔ lɛk?

Jɛrimaya 19:4

Bikɔs di pipul dɛn dɔn fɔsek mi ɛn bamfa dis ples we dɛn de bɔn insɛns de to ɔda gɔd dɛm we dɛm ɛn dɛn fɔstɛmpapa dɛm, ɛn dɛn kiŋ dɛn na Juda nɔ no wande; ɛn bikɔs dɛn dɔn ful dis ples wit inosɛnt pipul dɛn blɔd,

Jɛrimaya 34:15

Trade una bin ripɛnt ɛn du wetin rayt na mi yay, we una mek pɔblik anawnsmɛnt fɔ fridɔm, se ɔlman fɔ fri in kɔmpin Ibru, ɛn una bin mek Kɔvinant bifo na mi os we una bil fɔ mi;

Jɛrimaya 44:4

Pan ɔl dat, a bin de sɛn mi wokman dɛm we na di prɔfɛt dɛn to una ɔltɛm fɔ tɛl una se, ‘Ey, una nɔ du dis bad bad tin we a et bad bad wan!’

2 Kronikuls 36:14

Ɔl di man dɛn we de bifo pan di man dɛm we de mek sakrifays fɔ pipul sin ɛn di pipul dɛn semweso, nɔ bin de waka tret na Papa Gɔd atɔl atɔl at ɔl at ɔl, bay aw dɛn bin de falamakata ɔda neshɔn dɛn we dɛn bin de du dɛn tin dɛn we PAPA GƆD nɔ lɛk; ɛn dɛn bin dɔti PAPA GƆD in os nain yay, we in bin dɔn mek oli na Jerusɛlɛm.

Jɛrimaya 7:31

Ɛn dɛn dɔn bil wan ɔlta we nem Tɔfɛt, we de na Inɔm in bɔypikin in vali, fɔ bɔn dɛn bɔy ɛn gyal pikin dɛm na faya; tin we a nɔ tɛl dɛn fɔ du, ɛn dat nɔ bin kam na mi maynd sɛf.

Jɛrimaya 30:14

Ɔl una lɔva dɛm dɔn fɔgɛt una; dɛn nɔ bisin bɔt una; bikɔs a dɔn trit una di we pɔsin go trit in ɛnimi, di pɔnishmɛnt we pɔsin we nɔ gɛt masi go gi in ɛnimi, bikɔs una gilti bad bad wan, bikɔs una sin pasmak.