Jɛrimaya 32:33 - Krio Fɔs Oli Baybul

³³ Dɛn nɔ tɔn dɛn fes to mi, na dɛn bak dɛn tɔn to mi; ɛn ɔlwe a de tich dɛm a nɔ de taya, dɛn nɔ lisin fɔ mek dɛn lan.

Jɛrimaya 32:33 Referans Kwoze

Jɛrimaya 7:13

PAPA GƆD se, ɛn rayt naw, bikɔs una dɔn du ɔl dɛn tin ya, ɛn wɛn a bin de tɔk to una ɛn nɔ de blo, una nɔ bin lisin, ɛn wɛn a kɔl una, una nɔ ansa,

Izikɛl 8:16

Nain i bin briŋ mi kam na di kɔtyad we de insay PAPA GƆD in os; we go rich di domɔt na PAPA GƆD in os, we de bitwin di pɔch ɛn di ɔlta, usay bɔt sɔm twɛnti-fayv man we tɔn dɛn bak gi PAPA GƆD in os, de luk na di ist de wɔship di san.

Jɛrimaya 2:27

we de tɔk to tik se, ‘Yu na mi papa,’ ɛn to ston se, ‘Na yu mek a de bɔn.’ Bikɔs dɛn dɔn tɔn dɛm bak pan mi, nɔto dɛn fes. Bɔt we dɛn kin gɛt trɔbul, dɛn kin de se, ‘Duya sev wi!’

Jɔn 8:2

Di ɔda de, wɛn do jɛs klin, Jizɔs go bak na Gɔd in Os. Ɔl di pipul dɛn go gɛda rawnd am, nain i sidɔm ɛn bigin lan dɛn.

Jɛrimaya 35:15

A dɔn sɛn ɔl mi wokman dɛm we na di prɔfɛt dɛn to una ɛn a de sɛn dɛm ɔltɛm se, ‘Ɔlman fɔ lɛf in ivul we ɛn lɛf wetin una de du, ɛn nɔ de biɛn ɔda gɔd dɛm de sav dɛm, datɛnde una go tap na di land we a gi una ɛn una fɔstɛmpapa dɛm.’ Bɔt una nɔ ivin put una yes lisin to mi.

Jɛrimaya 26:5

ɛn fɔ pe atɛnshɔn to wetin mi wokman dɛn we na di prɔfɛt dɛn we a sɛn to una ɔjɛnt ɔjɛnt wan, ɔldo una nɔ lisin dɛm,

Jɛrimaya 7:24

Bɔt dɛn nɔ obe mi ɛn nɔ ivin pe atɛnshɔn to mi, bɔt dɛn bin de du wetin dɛn maynd tɛl dɛm ɛn wetin dɛn stɔbɔn at dɛn se, ɛn bin jɛs de go biɛn; dɛn nɔ go bifo wan stich.

Zɛkaraya 7:11

Bɔt usay! Dɛn nɔ lisin to wetin i se. Bifo dat, dɛn mek traŋayes ɛn kɔk dɛn yes so dat dɛn nɔ go yɛri.

Ozie 11:2

I se, di mɔ we i de drɔ dɛn to insɛf, na di mɔ dɛn de rɔn kɔmɔt frɔm am; dɛn de fɔ de mek sakrifays to di Beal dɛn; ɛn bɔn insɛns to di gɔd dɛn we dɛn mek.

Jɛrimaya 44:4

Pan ɔl dat, a bin de sɛn mi wokman dɛm we na di prɔfɛt dɛn to una ɔltɛm fɔ tɛl una se, ‘Ey, una nɔ du dis bad bad tin we a et bad bad wan!’

Jɛrimaya 18:17

A go skata dɛm lɛkɛ di briz we de blo kɔmɔt na di ist bifo dɛn ɛnimi dɛn. A go sho dɛm mi bak, nɔto mi fes, da de we dɛn kalamiti go mit dɛm.”

Job 35:11

in we mek wi no pas dɛn animal dɛn na dis wɔl, ɛn gi wi sɛns pas di bɔd dɛn we de flay na di skay?

Jɛrimaya 35:13

Na dis PAPA GƆD Ɔlmayti we na Izrɛl dɛn Gɔd se: Go tɛl di man dɛm na Juda ɛn di wan dɛn we tap insay Jerusɛlɛm se, PAPA GƆD se; Una nɔ go lisin to wetin a de tɔk ɛn du wetin a se?

Izikɛl 23:35

Fɔseka dat, na dis Papa Gɔd we na Gɔd se: Bikɔs una dɔn fɔgɛt bɔt mi ɛn dɔn trowe mi, una lisin wetin go apin to una fɔseka una rudnɛs ɛn rare layf.”

Jɛrimaya 7:28

Ɛn yu go tɛl dɛm se, ‘Na di neshɔn dis we nɔ yɛri PAPA GƆD we na dɛn Gɔ in wɔd, ɛn nɔ gri mek i kɔntrol dɛm; di tru dɔn day; i nɔ de na dɛn mɔt igen