Jɛrimaya 32:29 - Krio Fɔs Oli Baybul

²⁹ Di Babilonian dɛm we de fɛt dis siti go kam sɛt faya pan am, ɛn bɔn am, wit di os dɛm we dɛn dɔn bɔn insɛns na dɛn ruf to Beal, ɛn dɛn dɔn mek drink ɔfrin to ɔda gɔd dɛm, fɔr provok mi mek a vɛks.

Jɛrimaya 32:29 Referans Kwoze

Jɛrimaya 21:10

PAPA GƆD se, bikɔs a dɔn tɔn mi fes to dis siti fɔ bad, ɛn nɔto fɔ gud; a go mek di kiŋ na Babilɔn kapchɔ am, ɛn i go bɔn am wit faya?

Jɛrimaya 19:13

Di os dɛm na Jerusɛlɛm ɛn di kiŋ dɛm na Juda dɛn os dɛm –ɔl di os dɛn we dɛn bin dɔn bɔn insɛns na dɛn ruf, to di san, mun ɛn sta dɛm, ɛn dɔn tɔn drink ɔfrin dɛm to ɔda gɔd dɛm – da os de go dɔti na mi yay lɛk Tɔfɛt, lɛkɛ dis ples Tɔfɛt.’”

Jɛrimaya 52:13

I bɔn PAPA GƆD in os, i bɔn di kiŋ in os ɛn ɔl di os dɛm na Jerusɛlɛm; i bɔn ɔl dɛn big big os dɛm.

2 Kronikuls 36:19

Ɛn dɛn dɔn PAPA GƆD in os brok Jerusɛlɛm in wɔl kam dɔŋ ɛn bɔn ɔl in kiŋ os dɛm wit faya ɛn distrɔy ɔl in prɛshɔs besin dɛm.

Jɛrimaya 44:25

Na dis PAPA GƆD Ɔlmayti we na Izrɛl dɛn Gɔd se: Una ɛn una wɛf dɛm dɔn tɔk wit una yon mɔt dɛn, ɛn una dɔn du am wit una yon an dɛm we una se, ‘Wi go du ɔl wetin wi dɔn swɛ se wi go du, dat na fɔ bɔn insɛns to di Kwin na ɛvin ɛn fɔ tamisilɛ to am.’ So una kip to una prɔmis ɛn du wetin una prɔmis!

Jɛrimaya 39:8

Di Babilonian dɛm bin bɔn di kiŋ in os ɛn di pipul dɛn os dɛm, ɛn brok di wɔl na Jɛrusɛlɛm.

Jɛrimaya 7:18

Di pikin dɛm de gɛda wud, di papa dɛn de layt faya, ɛn di uman dɛn de miks flawa mek do, fɔ mek kek fɔ di kwin ɔf ɛvin, ɛn de tɔn drink na grɔn de mek sakrifays to ɔda gɔd dɛm, fɔ provok mi mek a a go vɛks.

Matyu 22:7

Di kiŋ vɛks bad wan, so i sɛn in soja man dɛn fɔ go kil di pipul dɛn we kil in bɔy dɛn ɛn bɔn dɛn tɔŋ.

Lamɛnteshɔn 4:11

PAPA GƆD pul ɔl in vɛksteshɔn pan Jerusɛlɛm, i pul ɔl in wamat pan am; i mek faya kech Jerusɛlɛm we bɔn am to asis.

Jɛrimaya 17:27

Bɔt if una nɔ lisin to mi, fɔ kip di de fɔ blo ɛn rɛst oli, ɛn nɔ fɔ tot lod pas insay di get dɛm na Jerusɛlɛm de fɔ blo ɛn rɛst, a go layt faya nain get dɛm, ɛn i go bɔn di kiŋ os dɛm na Jerusɛlɛm, ɛn nɔbɔdi nɔ go ebul ɔt am.”

2 Kiŋ 25:9

I bɔn PAPA GƆD in os, di kiŋ in os ɛn ɔl di os dɛn na Jerusɛlɛm. I bɔn ɔl dɛn impɔtant bildin dɛn.

Apɔsul Dɛn Wok 10:9

Di ɔda de wɛn dɛn pipul ya bin de na rod de go ɛn dɛn bin dɔn rich klos Jɔpa, Saymɔn Pita go pantap di os we flat fɔ pre lɛkɛ aw dɛn Ju pipul kin du. Na bin santɛm.

Di Ibru Pipul Dɛn 3:16

Udat na di pipul dɛn we bin yɛri Gɔd in vɔys, bɔt dɛn nɔ bin gri fɔ mek i rul dɛn? Na ɔl dɛn pipul we na bin slev na Ijipt, we Mozis bin fri.

Nɛimaya 8:16

So di pipul dɛn go fɛn di tik dɛn, briŋ dɛn kam ɛn mek kamp pantap dɛn ruf, na dɛn os in kɔmpawnd, na di kɔmpawnd na PAPA GƆD in os ɛn na di bare we de nia di Wata Get. Dɔn dɛn bil wan bay di Ifrem Get.

Jɛrimaya 11:17

PAPA GƆD Ɔlmayti, we bin plant una, dɔn swɛ una, fɔseka di ivul tin we Izrɛl ɛn Juda dɔn du, we dɛn provok mi te a vɛks, we dɛn de bɔn insɛns to Beal.”

Jɛrimaya 32:3

Bikɔs Zɛdikaya we na kiŋ na Juda bin dɔn lɔk am ɔp, de se, “Wetin du yu fɔ prɔfisay se, ‘Na dis PAPA GƆD se: A de tɛl una, a de gi dis siti to di kiŋ na Babilɔn, ɛn i go kapchɔ am;

Jɛrimaya 34:2

Na dis PAPA GƆD we na Izrɛl dɛn Gɔd se: Go tɔk to Zɛdikaya we na kiŋ na Juda, ɛn tɛl am se, ‘Na dis PAPA GƆD se: Biliv mi, a de gi dis siti to di kiŋ na Babilɔn, ɛn i go bɔn am wit faya.

Ayzaya 22:1

Wetin PAPA GƆD se bɔt di Vali ɔf Vishɔn. Wetin una min we una se una dɔn go ɔp, una ɔl dɔn go ɔp pantap di os dɛn,

Jɛrimaya 7:17

Yu nɔ si wetin dɛn de du na di siti dɛn na Juda ɛn na di trit dɛn na Jerusɛlɛm?

Jɛrimaya 30:14

Ɔl una lɔva dɛm dɔn fɔgɛt una; dɛn nɔ bisin bɔt una; bikɔs a dɔn trit una di we pɔsin go trit in ɛnimi, di pɔnishmɛnt we pɔsin we nɔ gɛt masi go gi in ɛnimi, bikɔs una gilti bad bad wan, bikɔs una sin pasmak.

Jɛrimaya 52:12

Di de we mek tɛn insay di mɔnt we mek fayv insay di ia we mek Kiŋ Nɛbyukadnɛza nayntin ia na pawa na Babilɔn– Nɛbyuzaradan we na di kapten pan di gyadman dɛm we de wok fɔ di kiŋ na Babilɔn, bin go na Jerusɛlɛm.

Izikɛl 23:47

Ɛn di bɔku krawd go ston dɛm ɛn kil dɛm wit dɛn sɔd dɛm; dɛn go kil dɛn bɔy ɛn gyal pikin dɛm ɛn bɔn dɛn os dɛn kan dɔŋ.